Zechariah 8:16 - De Beebaa Dabu

¹⁶ Gai aanei oodou mee e hai: goodou hagadau daalaa de muna abodonu i oodou magavaa, ma de hai hegau i de hagamodu muna heohi i de mommee hagamodu muna, e haia laa ga nnoho paba dangada.

Zechariah 8:16 Iomraidhean Croise

Psalm 15:2

Go tangada e dee haisala, gai e hai hegau i de mee heohi, ma de tala de muna abodonu i ono lodo laa.

Psalm 34:15

Tagi Maolunga e dagitilo gilaadeu e heohi, gai luoono dalinga e hagallongo alaadeu dangidangi.

Proverbs 12:17

Tangada e daalaa laa de mee heohi e hai ga sula mai de muna abodonu, aagai tangada hagadonu hadu muna e tala de muna hagasenga.

Proverbs 12:19

De muna abodonu e dagodo ga hano ai, aagai denga muna hhadu e dagodo donu i dahi masavaa bodobodo.

Isaiah 9:7

Gai dono nohoanga hodooligi ma de nnoho paba e hagadagadaga, e deai naa donu se odi. Gai ia e dagi naa i de nohoanga o David, ma dono nohoanga hodooligi, gai ia e hai naa gi duu gi makaga ma tee ngalungalue i de hagamodu e soe ma de heohi, mai i de masavaa laa ga hano ai. Go de lodo mmahi o Tagi o denga hagabuulinga hebagi e hagassula ina de mee nei.

Jeremiah 22:3

E hagadaba Tagi Maolunga: Goodou hai hegau i de mee heohi ma de soe. Gai hagaola ina tangada gu gaiaadia ono goloa, i tangada vaivai dagodo. Goodou aude haia de baubau aabe gi vaivai haia tangada henua gee, de gauligi gu deai sono damana, aabe go de hine gu magau dono bodu. Gai goodou aude daia gi magau tangada tigi haisala i de mommee nei.

Ezekiel 18:8

Ia e dee ngadi gaavange sseene gi maua ange ai e ia dahi sseene aabe e hai gi maua dahi sseene laumalie i ana mee gu gaavange laa. Ia e dee hai hegau i de mee dee heohi, gai e hagamodu muna o dangada i de heohi.

Ezekiel 45:9

“E hagadaba de Ia Aamua go Iahweh: Denga dagi o Israel, goodou gu gona odi oodou mee e hai! Gu lava oodou vaivai hai ma de hagaduasala dangada, gai hai hegau i hagamodu heohi ma de mee heohi. Goodou aude alualumia dangada mai honga olaadeu mommee, go de Ia Aamua go Iahweh e hagadaba.

Leviticus 19:11

Goodou aude gaiaa. Goodou aude hadu muna. Goodou aude hagadau daahanga ina goodou.

Amos 5:15

Goodou kino i de baubau, gai llodo i tanuaa, hai hegau i de hagamodu heohi i de haitoga o de aduhale. Kana adu Tagi Maolunga, de Maadua o denga hagabuulinga hebagi, e abodonu ange naa gi dangada o Joseph e doe.

Amos 5:24

Aagai doodou hai hegau i de hagamodu heohi gi bei dagodo de sali o saalingaa vai, gai doodou hai hegau i de heohi gi bei ssaalingaa vai e dee maua laa gi masa!

Micah 6:12

De gau lava o de aduhale e vaivai hai dangada, gai dangada e nnoho i oo daha e hadu muna, ma de tala muna hagasenga i olaadeu ngudu.

Micah 6:8

Koe tangada, ia gu hagaago adu gi de goe de mee danuaa, gai se aha a Tagi Maolunga e lodo koe gi haia? E dee go de hai hegau i de mee heohi, ma de lodo aloha, aama de seesee i de lodo maolalo madali doo Maadua?

Zephaniah 3:13

Gai dangada o Israel e doe e dee hai naa donu de mee dee heohi; gilaadeu e dee tala naa donu denga muna hhadu, gai e deai naa hogi se muna hagasenga alaadeu e tala. Gilaadeu e gaimee naa ma de daakodo iho i de baba, gu deai dangada e haia gilaadeu gi maatagu.”

Zechariah 7:9

“E hagadaba Tagi o denga hagabuulinga hebagi: ‘Goodou hagamodu ina muna o dangada i de heohi, goodou abodonu, ma de hagadau aaloha i oodou magavaa.

Zechariah 8:19

“E hagadaba Tagi o denga hagabuulinga hebagi: Denga hagahiikai i de haa, ma de lima, ma de hidu, aama de madaangahulu malama, e hai naa ga se masavaa e malangilangi ai ma de lodo danuaa ai dangada, gai ni daonga hagamalangilangi niio Judah. Deenei ai, goodou gi llodo i de muna abodonu ma de nnoho paba.”

Zechariah 8:3

E hagadaba Tagi Maolunga: Au e ahe mai naa gi Zion, ga noho i Jerusalem, gai Jerusalem e hagaingoo ange naa go de aduhale o de muna abodonu, gai de mounga o Tagi o denga hagabuulinga hebagi e hagaingoo ange go de mounga dabu.

Matthew 5:9

E manuuia gilaadeu e hagadanuaa ina magavaa o dangada; gilaadeu e hagabinga naa go dama a de Maadua!

Ephesians 4:17

Gai au e hagammahi e tala hagadonu adu mee nei i de ingoo o Tagi Maolunga, goodou gi dee mouli bei dagodo o denga Gentile, gilaadeu e mouli i alaadeu maanadu deai haigamaiana.

Ephesians 4:25

Deenei ai, goodou gi dee hadu muna, gai gi hagadau daalaa de muna abodonu i oodou magavaa, go hiidinga gidaadeu alodahi e dau ange gi de angaanga daudahi.

1 Thessalonians 4:6

Gai gi deai se goodou e haisala ange gi dono daina i de mee nei, go hiidinga Tagi Maolunga e hagao ange donu tangada e haia mee nei hugadoo, bei de hai amaadeu gu tala adu ai gi goodou, aama de agoago adu ai goodou i mua.

Revelation 21:8

Aagai de gau madagudagu, ma dangada tee hagadonusia, ma de gau hakino gee, ma de gau daa dangada, ma de gau dagodo haisala, ma de gau hai huuhuaa mee, ma dangada e daumaha ange gi denga diinonga, ma de gau hadu muna alodahi — delaadeu duuhanga go de ahi ula ma denga sulfur e sali laa bei de vai, deenei de lua magau.”