Zechariah 8:13 - De Beebaa Dabu

¹³ Dangada o Judah ma dangada o Israel, i mua gai goodou se muna hagamalaia i daho denga huaahenua, aagai iainei au gu hagaola goodou e hai gi se mee hagamanuuia. Goodou aude maatagu, aagai gi lodo mmahi.

Zechariah 8:13 Iomraidhean Croise

Zechariah 8:9

E hagadaba Tagi o denga hagabuulinga hebagi: Goodou alodahi ne langona laa muna nei i daho denga pelaabisi, i de laangi ne hagadagodo ai tagelo o de hale o Tagi o denga hagabuulinga hebagi, goodou gi lodo mmahi gi maua ai i de hagaahe age de temple.

Zephaniah 3:20

De masavaa laa gai au e hagabuni naa goodou, ga gaamai gi doodou henua i de masavaa laa. Au e hai naa denga huaadangada alodahi i henua i lalo gi duuhia ma de hagadubu goodou, i de masavaa aagu e hagaahe adu ai doodou manuuia, gi gidee ai e goodou,” go Tagi Maolunga e hagadaba.

Psalm 72:17

Dono ingoo gi dagodo ga hano ai, gai ono longo gi dele saele i taulooloa de sobo age o de laa. Dangada e manuuia naa i ono hiidinga, gai denga huaahenua alodahi e hagataba naa bolo ia e manuuia.

1 Corinthians 16:13

Goodou dagitilo, ma de tuu gi makaga i de gai, gai gi lo taane ma de lodo mmahi.

Ezekiel 5:15

Koe e hagangadi mee ina naa ma de tala hakadanga i daho dangada, gai se mee hagamaatagu ange gi denga huaahenua e paa adu gi de goe, i de masavaa aagu e hagaduasala ai goe i dogu lili ma de bole aama de kona dagu hagasee goe — go au donu go Iahweh e hagadaba —

Jeremiah 29:18

Au e doolohi naa gilaadeu i de gadilaasa, ma de onge aama de mee hagamaakau, ma de hai gilaadeu gi se mee hagamaatagu ange gi denga nohoanga hodooligi alodahi o henua i lalo, gai gi se mee hagamalaia, aama de mee hagamaatagu, ma de llele ai mouli o dangada, ma de hagangadi mee ina i daho denga huaahenua aagu e hai gilaadeu gi hulo aagena.

Haggai 2:19

e aha, e hanu laa golee e doe i lodo oodou hale doange huamanu? Denga grapevine ma fig, ma pomegranate, aama olive tigi hhua donu ga dae mai ai gi iainei. Aagai mai ailaa nei gai au e hagamanuuia naa goodou.”

Daniel 9:11

Israel alodahi gu hagahaisala au hainga, ma de hulo gee ai, gilaadeu tee llodo e hagallongo adu gi de goe. Deenei ai, denga hagamalaia ma mee gu hagatoo donu i lodo hainga a Moses, tangada hai hegau o de Maadua, gu gaamai gi gimaadeu, go hiidinga gimaadeu gu hai baasi adu gi de goe i demaadeu haisala.

Jeremiah 24:9

Au e hai naa gilaadeu gi se mee hagamaatagu, ma de kino ai dangada, i denga nohoanga hodooligi alodahi o henua i lalo, gai gi se mee e hakadanga ai ma de pasa ai o dangada, gai gi se muna hagamalaia i henua alodahi, aagu e hai gilaadeu gi hulo aagena.

Genesis 26:4

Gai au e hai naa oo hagadiilinga gi soa, bei de lagolago o denga heduu i lo te langi i lunga, ma de gaavange gi gilaadeu de henua nei alodahi. Gai denga huaahenua alodahi o henua i lalo e manuuia naa i hiidinga o doo hagadiilinga,

Jeremiah 42:18

Gai e hagadaba Tagi o denga hagabuulinga hebagi, de Maadua o Israel: Dogu lili ma dogu bole ne hai baasi ange gi dangada e nnoho i Jerusalem, gai e bei ai hogi, dogu bole e hai baasi adu naa hogi gi goodou i de masavaa oodou e hulo ai gi Egypt. Goodou e hai naa ga se mee hagamalaia ma de hagamaatagu, gai se mee e kino ai ma de hakadanga ai o dangada; goodou e dee gidee ange naa donu de mommee nei.’

Psalm 79:4

Gai gimaadeu gu ni mee e hakadanga ai dangada e paa mai gi gimaadeu, gai gu hagangadi mee i daho dangada i omaadeu gaogao.

Ezekiel 37:11

Gai ia ne hai mai gi de au, “Tama a tangada, denga ivi nei e bei dagodo o de gau Israel. Tilo, gilaadeu e hagataba, ‘Omaadeu ivi gu mmasa gee, gai gu deai semaadeu tali. Gimaadeu gu maakau donu.’

Psalm 44:16

i muna a de gau hagammae manava aama de doo mee, ma dagu gide de hagadaumee aama tangada e suuia mai de baubau.

Deuteronomy 28:37

Gai koe e hai naa ga se mee e maatagu ai dangada, ma de pasa hagasengasenga ai ma de hakadanga ai dangada o denga huaahenua a Tagi Maolunga e hai goe gi hano aagena.

Galatians 3:14

gai gi maua ai hogi e denga Gentile i de kave de manuuia o Abraham i daho Klisdo Iesu, gai gi maua ai e gidaadeu i de kave de Hagasaalunga gu hagatoo donu laa i de gai.

Zechariah 9:13

Au e hholu naa Judah e hai ai dagu mee hholu; au e hai naa Ephraim go ono dao. Zion, au e hai naa oo daane gi hebagi ange gi Greece, ma de hai goe gi bei de gadilaasa a dahi daane hebagi mmahi.

Zechariah 1:19

Gai au ne ssili ange gi tangada de langi e pasa laa gimaau, “Aahee hagadoonunga o denga hanga nei?” Ia ne hai mai, “Aanei hanga ne haia ga mavaevae saele dangada o Judah ma Israel aama Jerusalem.”

Lamentations 4:15

Dangada e oo ma e hai ange gi gilaadeu, “Goodou hulo gee donu! Goodou hulo gee donu! Goodou aude poo mai gi gilaadeu!” Deelaa ai, gilaadeu gu ni dangada e silivaahea saele; gai dangada o denga huaahenua e hagataba, “Gilaadeu e dee maua donu i de nnoho madali gidaadeu.”

Jeremiah 44:22

Gai Tagi Maolunga tee maua i de golomagi ono lodo i hiidinga o oodou dahulinga baubau ma de hakino gee ne hai. Gai doodou henua gu se mommee e ngadi dagodo, gu se muna hagamalaia, ma teai dangada e nnoho ai, bei ono dagodo anailaa nei.

Jeremiah 44:12

Au e kave naa dangada e doe i Judah, go dangada ne hagammahi laa ga hulo e nnoho i Egypt. Gilaadeu alodahi e maakau naa donu i Egypt; gilaadeu e daia naa ga maakau i de gadilaasa be go de onge. Mai i tangada maolalo ga dae ai gi tangada maolunga, gilaadeu e maakau naa donu i de gadilaasa ma de onge. Gilaadeu e hai naa ga se mee hagamalaia ma de hagamaatagu, gai se mee e kino ai ma de hakadanga ai o dangada.

Jeremiah 33:24

“Koe gu langona naa bolo de gau nei e hagataba, ‘Tagi Maolunga gu tili luu huaabodu aana gu hili’? Gilaadeu gu hagangadi mee dogu huaadangada, gai gu dee hagabinga bolo gilaadeu se huaahenua.

Jeremiah 26:6

gai au e hai naa de temple nei gi bei dagodo o Shiloh, gai de aduhale nei gi se muna hagamalaia i daho denga huaahenua alodahi o henua i lalo.’ ”

Jeremiah 25:18

go Jerusalem ma aduhale alodahi o Judah, ma denga hodooligi ma dagi i kilaa, gai ia ga oha ai mommee nei ga hai gi ngadi daakodo, ma de hai gi ni mommee hagamaatagu, ma de llele ai mouli o dangada aama de hagamalaia, bei delaadeu hai gu daakodo ai anailaa nei;

Micah 5:7

Gai dangada o Jacob e doe i daho denga huaadangada soa e bei naa de mee maluulu mai i daho Tagi Maolunga, ma de langi pala i honga helii, e dee tali ange donu dahi dangada aabe e dahi alaadeu tali ange gi tangada.

Isaiah 43:28

Gai au e hagangadi mee naa denga dagi o doo mommee dabu, ma de hai gi oohaa Jacob, ma de hai gi hagangadi ina Israel.

Ezekiel 34:26

Gai au e hai naa gilaadeu ma mommee i luu baasi dogu mounga dabu gi manuuia; gai au e hai naa gi pala de langi i malama o de langi; gai se langi e hagamanuuia ai.

Haggai 2:5

Deenei dagu hagatoo donu hagaheloongoi ne hai adu gi goodou i de masavaa oodou ne ssao mai ai i Egypt. Dogu Hagasaalunga e noho i oodou magavaa, goodou aude maatagu!

Zechariah 8:15

aagai e bei ai hogi, iainei gai au gu baba ange hogi e hai ange tanuaa gi Jerusalem ma dangada o Judah; goodou aude maatagu.

Zechariah 14:11

Gai dangada e nnoho naa i kilaa, gu dee ahe ange e hai gi se mommee gu hagamalaia. Gai Jerusalem e noho baba naa.

Deuteronomy 26:19

gai ia e hai goodou gi maolunga ange i denga huaahenua alodahi aana gu hagatuu age. Gilaadeu e tuhi naa ma de tala hagadanuaa oodou dagodo ma de hagadubu goodou, gai goodou e hai naa ga se huaadangada dabu ange gi Tagi Maolunga doodou Maadua, bei dana hai gu tala ai laa.

Zephaniah 3:16

Gai dangada e hai ange naa gi Jerusalem i de laangi laa, “Zion, aude madagu; gai luoo lima gi dee baageaa.