Zechariah 8:12 - De Beebaa Dabu

¹² Gilaadeu e doo naa denga golee i de masavaa o de nnoho paba. De grapevine e hua naa, gai de gelegele e lagolago naa huamanu e maua ai, gai de maluulu o taiao e hano iho naa i de langi ga hagamaluulu de gelegele. Au e gaavange naa gi dangada e doe mee nei alodahi.

Zechariah 8:12 Iomraidhean Croise

Genesis 26:12

Gai Isaac ne doo hanu veelenga i de henua laa, gai hua ne hagihagi i de ngadau laa se lau hanonga ne lagolago ange ai i ana hua ne doo, go hiidinga Tagi Maolunga ne hagamanuuia ia.

Genesis 27:28

De Maadua gi gaavadu gi de goe de mee suungia mai i de langi, ma mee moomuna o de gelegele ma grain ma uvaini lagolago.

1 Kings 17:1

Gai Elijah, taane Tishbe mai i Gilead, ne hai ange gi Ahab, “Au e hagatoo donu adu gi de goe i de mouli o Tagi Maolunga, de Maadua o Israel, go de ia oogu e hai hegau ange nei aagena, bolo e deai naa donu se mee maluulu aabe se langi e pala i hanu ngadau, gai go dagu hagadaba donu huu bolo ga hai mee nei.”

Psalm 72:3

Denga mounga gi haia gi nnoho paba dangada, gai denga duuduu gi haia mee nei i de heohi!

Psalm 85:12

Tagi Maolunga e gaamai de mee danuaa, gai demaadeu gelegele e hhua lagolago naa.

Proverbs 19:12

De bole o de hodooligi e bei de hagangolo o de laiono, aagai dono abodonu e bei de mee suungia e hano iho laa gi honga helii.

Isaiah 30:23

Gai ia e hai naa gi pala iho de langi, e hagamaluulu ai oodou golee e doo i lo te gelegele, gai e maua mai i honga de gelegele e moomuna naa ma de lagolago. De laangi laa gai oodou manu haangai e gaimee naa i mommee iai helii lau kohu.

Isaiah 61:7

Goodou e kave naa tuuhanga e lua hanonga e kii ange ai e sui ai doodou hagadookaa ina. Gilaadeu e malangilangi naa i olaadeu boolonga e sui ai delaadeu hagangadi mee ina; gai delaadeu gelegele i de henua e hai naa ga lua hanonga e kii ange ai, gai delaadeu malangilangi e deai donu se ngado mai.

Jeremiah 31:12

Gai gilaadeu e daga mai naa ma de daahili i honga tuuduu o Zion; gilaadeu e malangilangi naa i mee danuaa a Tagi Maolunga: go denga grain, ma uvaini, ma lolo, ma dama a de hagabuulingaa ssiibi ma guudi aama kaau. Gilaadeu e bei naa de veelenga gu maluulu danuaa laa, gai gilaadeu e dee daemaha ange naa donu.

Ezekiel 34:28

Gai denga huaahenua gu dee aahe ange naa donu e vaivai hai gilaadeu, gai gu deai hogi manu lodo henua e gaina gilaadeu; gilaadeu gu nnoho paba, gai gu deai donu mee e hagamaatagu ina gilaadeu.

Ezekiel 36:12

Au e hai naa ogu dangada, go de gau Israel, gi seesee i oodou elunga. Gilaadeu e henua naa i goodou, gai goodou e bolo ange naa gi gilaadeu. Gai goodou e dee ahe ange naa donu e hai gi deai alaadeu gauligi.

Ezekiel 36:30

Gai au e hai gi hhua lagolago denga manu ssomo, gai oodou veelenga gi lagolago huamanu iai, gai gi dee hagangadi mee ina ai goodou i magavaa o denga huaahenua i hiidinga o de onge.

Ezekiel 36:9

Tilo, au e bale adu donu goodou, ma de abodonu adu gi goodou; gai goodou e hagabalabala naa ga doo doodou gelegele,

Hosea 13:3

Deelaa ai, gilaadeu e bei naa de mama o de maluulu i taiao, be go ssuungia o taiao e moolau laa teai, ma gili o denga grain i de mommee hili huamanu e ilihia laa ga dee maaleva, ma de useahi e hanage laa i tua de hale.

Hosea 14:5

Au e bei naa de maluulu o taiao ange gi Israel; gai ono huaala e bei naa bei de lilii. Ono aga e bei naa aga o cedar o Lebanon,

Joel 2:19

Gai Tagi Maolunga e basa ange naa ga hai ange gi gilaadeu: “Tilo, au e gaavadu naa gi goodou denga grain, ma uvaini hoou, aama lolo lagolago, goodou e gaimee naa ga boobosu; gai au e dee ahe ange naa donu e dugu ange denga huaahenua gi hagangadi mee ina goodou.

Joel 2:22

Denga manu lodo henua, goodou aude maatagu, denga mommee iai helii i lodo henua gu dai aahe ange naa ga lau kohu. Denga manu ssomo gu dai hhua naa, de fig ma de grapevine ngaadahi gu hhua lagolago.

Leviticus 26:3

Noo goodou e daudali i agu hainga gu hagasauaa ma de kana ange ga hagallongo mai gi agu muna,

Zephaniah 3:13

Gai dangada o Israel e doe e dee hai naa donu de mee dee heohi; gilaadeu e dee tala naa donu denga muna hhadu, gai e deai naa hogi se muna hagasenga alaadeu e tala. Gilaadeu e gaimee naa ma de daakodo iho i de baba, gu deai dangada e haia gilaadeu gi maatagu.”

Haggai 1:10

Deenei ai, go oodou hiidinga tee hano iho ai de mee maluulu i de langi, ga hagadee ssomo ai manu i honga de henua.

Haggai 2:18

Goodou hagasaelea gi danuaa mai ailaa nei, mai i de madalua ma haa laangi o ssiva malama, go de laangi oodou ne hagadagodo ai tagelo o de temple o Tagi Maolunga:

Haggai 2:19

e aha, e hanu laa golee e doe i lodo oodou hale doange huamanu? Denga grapevine ma fig, ma pomegranate, aama olive tigi hhua donu ga dae mai ai gi iainei. Aagai mai ailaa nei gai au e hagamanuuia naa goodou.”

Zechariah 8:6

E hagadaba Tagi o denga hagabuulinga hebagi: De mee nei se mee donu hai ngadaa i daho dangada e doe i laangi laa, aagai e aha, se mee hai ngadaa de mee nei i ogu daha? go Tagi o denga hagabuulinga hebagi e hagadaba.

Malachi 3:11

Gai au e hai naa gi dee gaina oodou huamanu, gai denga grapevine i honga oodou gelegele e dee tuu naa donu de hhua lagolago, go Tagi o denga hagabuulinga hebagi e hagadaba.

Matthew 6:33

Aagai goodou saalaa i mua nei de nohoanga hodooligi o de Maadua ma dono heohi, gai mee nei alodahi e gaavadu naa donu gi goodou.

1 Corinthians 3:21

Deenei ai, tangada gi dee duuhia dangada! Go hiidinga mee alodahi niiodou:

Deuteronomy 32:2

Agu agoago e bei dagodo o de langi pala, agu muna e loiho bei de mee suungia o taiao; bei de langi e pala iho laa gi honga helii se goodo matili age, aama de langi e hano iho maalie laa gi honga denga manu ssomo vaaligiligi.

Deuteronomy 33:13

Ia ne tala dagodo o Joseph, ga hagadaba, “Tagi Maolunga e hagamanuuia delaadeu henua i denga mee danuaa mai i de langi i lunga aama lalo de henua,

Deuteronomy 33:28

Gai de gau Israel gu dee maatagu, gai hagadiilinga o Jacob gu nnoho paba, i de henua iai denga grain ma uvaini hoou, gai se mommee e hano iho aagena de mee suungia i de langi.

James 3:18

Gai hua o de heohi, go gilaadeu ne dooa de nnoho paba e hagihagia.