Zechariah 7:7 - De Beebaa Dabu

⁷ E dee aanei muna a Tagi Maolunga gu tala i daho ono pelaabisi i mua, i de masavaa o Jerusalem e honu ai i tangada ma de lava. Gai denga aduhale i luoono baasi, ma de bido gi ngaage aama mommee iai duuduu paa i lalo e nnoho ai hogi dangada.’ ”

Zechariah 7:7 Iomraidhean Croise

Isaiah 55:3

Huugea oodou dalinga, gai loomai gi de au; goodou hagalaangona agu muna, gi mouli ai goodou. Au e hai naa dahi hagatoo donu hagaheloongoi dee ngado mai madali goodou, i hiidinga dogu hai hegau i de muna abodonu, aama dogu aloha gu hagatoo donu ange laa gi David.

Jeremiah 13:19

Denga aduhale i ngaage e pono naa, gai e deai naa donu dangada e huugea. Dangada o Judah alodahi gu gaavee gee i de henua, gai gu odi alodahi dangada i de gaavee gee.

Jeremiah 17:26

Gai dangada e loomai naa i denga aduhale o Judah, ma mommee nnoho i luu baasi o Jerusalem, ma de henua o Benjamin, ma de mommee iai duuduu paa i lalo, ma mommee iai mounga, aama de bido i ngaage, gai gilaadeu e gaamai mee e hai ai denga sigidaumaha dudu, ma sigidaumaha ange laa, ma sigidaumaha o grain, ma frankincense, aama sigidaumaha e hagaahe ange ai de abodonu i de hale o Tagi Maolunga.

Jeremiah 22:21

Au ne basa adu gi de goe i de masavaa oou e duadonu ai, aagai koe ne hai mai, ‘Au e dee hagallongo adu!’ Deenei dau dahulinga e hai mai i doo gauligi; koe tee hagallongo mai donu gi de au.

Jeremiah 32:44

Dangada e hagao naa denga alahenua i sseene ga sisi ange olaadeu ingoo gi denga beebaa alahenua ga pono ma de hagasauaa i daho de gau hagadonu, i de vaaenga o Benjamin, ma mommee nnoho i luu baasi o Jerusalem, ma lodo aduhale o Judah, ma aduhale i mommee iai mounga, ma aduhale i mommee iai duuduu paa i lalo, ma de bido gi ngaage, go hiidinga au e hagaahe ange naa delaadeu manuuia,” go Tagi Maolunga e hagadaba.

Jeremiah 33:13

Gai denga aduhale i de mommee iai mounga, ma aduhale iai duuduu paa i lalo, ma aduhale i de bido gi ngaage, i de vaaenga o Benjamin, ma mommee i luu baasi o Jerusalem, ma lodo aduhale o Judah, de gau hagaloosi ssiibi e aahe ange naa ga dau alaadeu ssiibi, go Tagi Maolunga e hagadaba.

Jeremiah 44:4

Gai tee modu donu dagu hai gi loadu ogu dangada hai hegau go denga pelaabisi gi oodou daha, gi hai adu, ‘Goodou aude haia hegau hakino gee oogu e kino ai laa!’

Jeremiah 7:23

aagai au ne tala ange gi gilaadeu muna nei: ‘Goodou hagallongo mai gi de au, gai au ga hai ai goodou go ogu dangada, gai au go doodou Maadua. Goodou daudali i mee alodahi aagu gu tala adu gi goodou, gi danuaa adu ai gi goodou.’

Jeremiah 7:5

Gai noo goodou e sui abodonu oodou dagodo ma oodou hegau, ga hagadau hai hegau i de mee heohi,

Zechariah 7:12

Gilaadeu ne hagamakaga olaadeu lodo bei de hadu go de diamond, gai tee daudali i de hainga, aabe go muna a Tagi o denga hagabuulinga hebagi gu tala i daho denga pelaabisi madagidagi, i ssauaa o dono Hagasaalunga. Gai au, Tagi o denga hagabuulinga hebagi gu lili mmao.

Zechariah 7:6

E aha, de masavaa oodou e gaimee ai ma de unu, gai goodou tee hagamalangilangi laa donu huu goodou?

Zechariah 7:8

Gai Tagi Maolunga ne ahe ange ga hagaago ange ana muna gi Zechariah, ga hai ange,

Deuteronomy 34:3

ma Negev, ma de mommee soe, ma de geelonga i gaogao o Jericho, de aduhale o denga palm, ga hano ai ga dae gi Zoar.