Zechariah 7:5 - De Beebaa Dabu

⁵ “Siilia ange gi dangada o de henua ma de gau haimeedabu, hai ange, ‘E aha, de masavaa oodou ne hagahiikai ai ma de tangi i de lima ma de hidu malama i denga ngadau e madahidu gu hulo, goodou ne hagahiikai laa donu i ogu hiidinga?

Zechariah 7:5 Iomraidhean Croise

2 Kings 25:23

Gai de masavaa huu a dagi alodahi o de hebagi ne langona ai, bolo de hodooligi o Babylon gu hili Gedaliah e hai ai de goobenaa, gai gilaadeu ga loomai gi daho Gedaliah i Mizpah. Aanei gilaadeu: go Ishmael, tama daane a Nethaniah, ma Johanan, tama daane a Kareah, ma Seraiah, tama daane a Tanhumeth, taane Netophah, ma Jaazaniah tama daane a dahi daane Maacah, aama olaadeu daane.

2 Kings 25:25

Aagai de hidu malama huu, gai Ishmael, tama daane a Nethaniah, tama daane a Elishama, se dangada mai i de huaabodu o de hodooligi, ne humai madali e dinoangahulu daane, ga daa gu magau Gedaliah ma de gau Ssuu aama de gau Babylon madali ia i Mizpah.

Isaiah 43:23

Koe tee gaamai gi de au hanu ssiibi e hai ai denga sigidaumaha dudu; aabe ne hagadubu au i au sigidaumaha. Au tee hagadaemaha goe i denga sigidaumaha, aabe ne hagadalea goe i sigidaumaha o denga frankincense.

Isaiah 58:3

Gilaadeu e hagataba, ‘Gu aha gu hagahiikai ai gimaadeu gai de Maadua e dee gidee donu? Gai gu aha gu hagamaolalo ai gimaadeu, gai koe e dee anga mai donu?’ Gai de laangi oodou ne hagahiikai ai, gai goodou e hai donu huu oodou mee e malangilangi ai, goodou ne vaivai hai oodou dangada hai hegau alodahi.

Jeremiah 25:11

Gai de henua nei alodahi e hai naa ga deai dangada e nnoho ai gai se mommee e ngadi dagodo, gai denga huaahenua nei e hai hegau ange naa gi de hodooligi o Babylon i e madahidu ngadau.

Jeremiah 29:10

Gai e hagadaba Tagi Maolunga: De masavaa naa huu e odi ange ai de madahidu ngadau, gai au ga hanadu gi oodou daha, ga hagassula mee danuaa alodahi aagu gu hagatoo donu adu ai gi goodou, ga hagaahe mai goodou gi de mommee nei.

Jeremiah 52:12

Gai de madaangahulu laangi huu o de lima malama i de madaangahulu ma siva ngadau o Nebuchadnezzar, de hodooligi o Babylon, gai Nebuzaradan, tagi o de gau hagaloosi gai se dagi i lalo o de hodooligi o Babylon ne humai gi Jerusalem.

Daniel 9:2

tahi ngadau oona ne hodooligi ai, gai au ne daulia ange i lodo beebaa taelodo o ngadau o Jerusalem e ngadi dagodo ai, bei de hai a Tagi Maolunga gu tala ange ai laa gi de pelaabisi go Jeremiah, bolo taulooloa o de masavaa laa se madahidu ngadau.

Hosea 7:14

Gilaadeu tee dalodalo mai i de lodo abodonu, aagai e tangi see i honga olaadeu moenga. Gilaadeu ne hagalagolagohia gilaadeu i hiidinga denga grain ma uvaini hoou; aagai gilaadeu ne daahuli gee mai i de au.

Zechariah 1:12

Gai tangada de langi o Tagi Maolunga ga hagadaba, “Tagi o denga hagabuulinga hebagi, dee hee maa taulooloa doo dee degi ange gi Jerusalem ma denga aduhale o Judah, ma de golo age doo lili i ngadau e madahidu nei?”

Zechariah 7:3

ma de ssili ange gi de gau haimeedabu, i de hale o Tagi o denga hagabuulinga hebagi, aama denga pelaabisi, gi hai ange, “E heohi dogu dangi ma de hagahiigai i de lima malama, bei agu mee gu hai i ngadau lagolago gu hulo laa?”

Zechariah 7:4

Gai Tagi o denga hagabuulinga hebagi ne hagaago mai ana muna, ga hai mai:

Zechariah 7:6

E aha, de masavaa oodou e gaimee ai ma de unu, gai goodou tee hagamalangilangi laa donu huu goodou?

Zechariah 8:19

“E hagadaba Tagi o denga hagabuulinga hebagi: Denga hagahiikai i de haa, ma de lima, ma de hidu, aama de madaangahulu malama, e hai naa ga se masavaa e malangilangi ai ma de lodo danuaa ai dangada, gai ni daonga hagamalangilangi niio Judah. Deenei ai, goodou gi llodo i de muna abodonu ma de nnoho paba.”

Matthew 23:5

Gilaadeu e hai alaadeu hegau alodahi gi gidee ai e dangada. Gilaadeu e hai gi llaha olaadeu phylacteries, ma de hai gi lloa huga malo hagalaagii i bido i lalo o olaadeu malo lloa.

Matthew 6:16

“Noo goodou e hagahiikai, gai goodou gi dee haia gi dagodo hagaaloha oodou mada, bei dagodo olaadeu e daahangadia dangada. Gilaadeu e hai gi dagodo hagaaloha olaadeu mada, gi gidee ai e dangada bolo gilaadeu e hagahiikai. Ni muna abodonu aagu e hai adu nei gi goodou, gilaadeu gu lava donu i de kave olaadeu hagaoanga.

Matthew 6:2

Deenei ai, noo goodou gu gaavange hanu mee gi tangada e duasala, aagai goodou gi dee ilihia denga trumpet i mua, bei dagodo hegau a dangada e daahangadia dangada, i denga synagogue ma honga denga haiava, gi duuhia ai e dangada gilaadeu. Ni muna abodonu aagu e hai adu nei gi goodou, gilaadeu gu lava donu i de kave olaadeu hagaoanga.

Matthew 6:5

“Gai de masavaa naa huu oodou e dalodalo ai, aagai goodou gi dee ago ange i gilaadeu e daahangadia dangada! Gilaadeu e llodo e tuu e dalodalo i denga synagogue ma dege o denga haiava, gi gidee ai e dangada alaadeu hegau. Ni muna abodonu aagu e hai adu nei gi goodou, gilaadeu gu lava donu i de kave olaadeu hagaoanga.

1 Corinthians 10:31

Deenei ai, e dee hilihili be goodou e gaimee be unu, aabe ni aha ange oodou e hai, gai goodou haia mee alodahi e hagamahamaha ai de Maadua.

2 Corinthians 5:15

Gai ia ne magau i hiidinga o dangada alodahi, deelaa ai, dangada alodahi e mouli gi dee hagamalangilangi ina donu huu gilaadeu, gai gi mouli e hagamalangilangi ai de ia ne magau ma de mouli age i olaadeu hiidinga.

Colossians 3:23

Gai be ni aha naa huu oodou e hai, gai goodou haia i de lodo se mee abodonu ange gi Tagi Maolunga e dee ange gi dangada.