Zechariah 7:12 - De Beebaa Dabu

¹² Gilaadeu ne hagamakaga olaadeu lodo bei de hadu go de diamond, gai tee daudali i de hainga, aabe go muna a Tagi o denga hagabuulinga hebagi gu tala i daho denga pelaabisi madagidagi, i ssauaa o dono Hagasaalunga. Gai au, Tagi o denga hagabuulinga hebagi gu lili mmao.

Zechariah 7:12 Iomraidhean Croise

2 Chronicles 36:13

Ia ne hai baasi ange hogi gi de hodooligi go Nebuchadnezzar, go de hodooligi ne haia laa ia gi hagatoo donu i de ingoo o de Maadua. Ia tee hagamaolalo gai ne hagamakaga ono lodo aama tee dahuli ange ono lodo gi Tagi Maolunga, de Maadua o Israel.

2 Chronicles 36:16

Aagai dangada ne hagadookaa dangada e daalaa muna a de Maadua, ma de hagangadi mee ana muna, ga hakadanga i ono pelaabisi, ga dae ai gi de dae mai de lili o Tagi Maolunga gi ono dangada, gai gu dee maua i de hagaieiangi gilaadeu.

De Beebaa go Job 9:4

Dono heiangi e gelo, ono mmahi e mmahi mmao; goai gu maua i de hai baasi ange gi de ia ma gu kii?

Psalm 50:17

Koe e kino i dagu hagaheohi adu goe, gai koe e dee anga ange gi agu muna.

Exodus 7:13

Gai Pharaoh goi hagamakaga huu ono lodo; ia tee hagallongo ange gi alaau muna, bei de hai a Tagi Maolunga gu tala ai laa.

Isaiah 46:12

Goodou de gau makaga oodou lodo, nnoho mai hagalaangona agu muna; go goodou e mmao gee i de mee heohi:

Isaiah 48:4

Gai au e iloo bolo koe e makaga oo lodo; doo ua e makaga bei iron, gai doo lae e makaga bei bronze.

Isaiah 6:10

Hagamakaga ina lodo o de huaadangada nei, haia olaadeu dalinga gi longoduli, gai haia olaadeu ganomada gi dee kide. Kana gidee e gilaadeu i olaadeu ganomada ma de langona i olaadeu dalinga, gai gilaadeu gu tonu ange i olaadeu lodo, ga daahuli olaadeu lodo, gai gilaadeu gu ieiangi.”

Isaiah 65:12

au e hagadabena adu naa gi goodou de gadilaasa, gai goodou alodahi e ino ange naa gi de ia e daia gi maakau; go hiidinga au ne hagaagahi, aagai goodou tee pasa mai, au ne basa adu, aagai goodou tee hagallongo. Goodou ne hai de baubau i mada luoogu mada, ma de hilihili mee oogu e dee malangilangi ai.”

Jeremiah 17:1

“Haisala o Judah gu hagadaakodo i dahi biini baalanga, ma de sisi i dahi mada kangi bei de diamond, gai gu maaga ange gi olaadeu lodo, aama honga hanga i dege o olaadeu mommee o ssigidaumaha.

Jeremiah 17:23

Gai gilaadeu tee hagallongo mai aabe ne aanga mai gi agu muna; gilaadeu ne hagamakaga olaadeu lodo, tee llodo e hagallongo mai aabe ne daohi agu muna ange gi gilaadeu.

Jeremiah 26:19

E aha, go Hezekiah, de hodooligi o Judah ne daia ia ga magau, aabe go hanu dangada o Judah? Gai Hezekiah tee madagu laa i Tagi Maolunga, ga dangidangi ange ia gi degi ange gi de ia? Gai Tagi Maolunga ne sui dana hagatau, ia tee gaamai de mee hai ngadaa aana gu tala laa bolo e hai ange gi gilaadeu. Aagai gidaadeu gu dai hai naa donu gi dae mai dahi hai ngadaa laumalie gi gidaadeu!”

Jeremiah 42:21

Gai au gu tala adu gi goodou anailaa nei, mee alodahi aana ne gaamai au gi daalaa adu gi goodou, gai goodou e dee hagallongo ange gi Tagi Maolunga doodou Maadua.

Jeremiah 5:3

Tagi Maolunga, e aha, e dee go de muna abodonu aau e ssala? Koe ne hagailiili gilaadeu, aagai gilaadeu tee langona iho de mmae; koe ne hagahai ngadaa gilaadeu, aagai gilaadeu tee llodo e hai de mee heohi. Gilaadeu ne hagamakaga olaadeu lodo bei de hadu, ma tee llodo e daahuli olaadeu lodo.

Jeremiah 7:20

Deenei ai, e hagadaba de Ia Aamua go Iahweh: Au e hai naa gi humai dogu lili aama dogu bole gi honga de mommee nei, ma honga o dangada ma manu dolodolo, ma honga manu ssomo ma hua o de gelegele. Mee nei e dudu naa, gai e dee maua naa donu i de diinei.”

Ezekiel 11:19

Au e hai naa gilaadeu gi buni i de lodo daudahi, ma de hagahoou olaadeu lodo; au e kave gee naa olaadeu lodo e makaga laa bei de hadu, gai ga gaavange gi gilaadeu dahi lodo hoou.

Ezekiel 14:5

Gai au ga hagaahe mai ai lodo o de gau Israel alodahi gu hulo gee laa i de au i hiidinga delaadeu daumaha ange gi denga diinonga.’

Ezekiel 2:4

Gai olaadeu hagadiilinga ni dangada hagamaanege ma de makaga olaadeu lodo. Gai au e hai goe gi hano gi hai ange gi gilaadeu, ‘E hagadaba de Ia Aamua go Iahweh.’

Ezekiel 36:26

Au e hagahoou naa oodou lodo, ma de gaavadu gi goodou dahi hagasaalunga hoou; au e aau gee de lodo makaga bei de hadu mai i oodou daha, gai ga gaavadu gi goodou de lodo e bei laa dagodo o kano hoou.

Zechariah 1:2

“Tagi Maolunga ne kona mmao dono lili i oodou dubuna madagidagi.

Zechariah 7:7

E dee aanei muna a Tagi Maolunga gu tala i daho ono pelaabisi i mua, i de masavaa o Jerusalem e honu ai i tangada ma de lava. Gai denga aduhale i luoono baasi, ma de bido gi ngaage aama mommee iai duuduu paa i lalo e nnoho ai hogi dangada.’ ”

Matthew 13:15

Go hiidinga de huaadangada nei e makaga olaadeu lodo, gai olaadeu dalinga gu longoduli, gai gu pono olaadeu ganomada; kana gidee naa e gilaadeu i olaadeu ganomada ma de langona i olaadeu dalinga, ga tonu ange i olaadeu lodo, ga daahuli olaadeu lodo, gai au ga hagaieiangi gilaadeu.’

Mark 4:12

‘gi gidee ai e gilaadeu gai e dee madea; gai gi langona ai e gilaadeu, gai e dee tonu ange aagena, gi dee daahuli ai olaadeu lodo gai de Maadua ga degi ange gi olaadeu haisala.’ ”

Luke 8:12

Golee ne too ange laa gi gaogao de haiava, go dangada e langona laa muna nei; gai de ia hagabaubau laa ga humai ga kave gee muna laa i olaadeu lodo, gi dee hagadonusia ai e gilaadeu, gai gilaadeu gu hagamouli.

Acts 28:27

Go hiidinga de huaadangada naa e makaga olaadeu lodo, olaadeu dalinga gu longoduli, gai gu pono olaadeu ganomada. Kana gidee naa e gilaadeu i olaadeu ganomada ma de langona i olaadeu dalinga, ga tonu ange i olaadeu lodo, ga daahuli olaadeu lodo, gai au ga hagaieiangi gilaadeu.’

2 Peter 1:21

Go hiidinga teai donu se muna pelaabisi ne daamada mai i daho tangada aabe go lodo donu huu o tangada, aagai go de Hagasaalunga Dabu ne hagangaalue ina lodo o dangada, gai gilaadeu ga tala muna mai i daho de Maadua.