Zechariah 6:12 - De Beebaa Dabu

¹² Gai koe ga hai ange gi de ia: ‘Tagi o denga hagabuulinga hebagi e hagadaba: Tilo, e dahi daane dono ingoo go de Uli Manu; ia e somo age naa i dono mommee, gai ia ga hagaduu age de temple o Tagi Maolunga.

Zechariah 6:12 Iomraidhean Croise

2 Samuel 7:13

Go ia e hagaduulia dahi hale e hagadubu ai dogu ingoo, gai au e hai naa dono nohoanga hodooligi gi dagodo ga hano ai.

Ezra 3:10

Gai ga lava huu i de hagadagodo tagelo o de temple o Tagi Maolunga, gai de gau haimeedabu ga kahu i olaadeu malo ga tuu ai ma alaadeu trumpet, gai dama daane a Asaph mai i de aamuli o Levi ne tuu hogi ma alaadeu cymbal ga tuhi Tagi Maolunga, bei de hai a David, de hodooligi o Israel, gu tala ange ai gi gilaadeu.

Ezra 3:8

De lua ngadau huu i de lua malama i dua delaadeu tae gi de hale o de Maadua i Jerusalem, gai Zerubbabel, tama daane a Shealtiel, ma Jeshua, tama daane a Jozadak, ma olaau dangada ange laa, go de gau haimeedabu ma de aamuli o Levi, aama dangada alodahi ne aahe mai laa madali gilaadeu gi Jerusalem, ne daamada de hegau. Gai gilaadeu ne hili denga daane de aamuli o Levi gu dagimadalua laa olaadeu ngadau ga hanage ai, gi hagaseesee ina hegau o de hale o Tagi Maolunga.

Isaiah 11:1

Dahi uli e matili age naa i tahido o Jesse; gai dahi laa e somo age naa i dono dahido ga hua.

Isaiah 4:2

De laangi laa gai de uli a Tagi Maolunga e somo danuaa naa ma de mahamaha, gai hua o de henua e hai naa ga malangilangi ai ma de hagamahamaha ai dangada o Israel e doe.

Isaiah 53:2

Ia ne somo age i mada luu mada o Tagi Maolunga bei de uli o dahi manu somo, gai e bei de aga o dahi manu e somo laa i lo te gelegele e deai vai iai. Ia e deai donu sono mahamaha aabe se hagadubu e haia gi llodo gidaadeu e tilo ia, e deai hogi se mahamaha o dono angaanga e haia gi llodo gidaadeu i de ia.

Jeremiah 23:5

E hagadaba Tagi Maolunga, “E tae mai naa laangi, aagu e hagasula age ai dahi uli moo David, se ia e heohi, se hodooligi e humai ga dagi i de heiangi ma de hai hegau i de hagamodu soe ma de heohi i honga de henua.

Jeremiah 33:15

Laangi laa ma de masavaa laa gai au e hai naa de uli o de heohi gi matili age i tahido o David; gai ia e hai hegau naa i de hagamodu heohi ma de muna abodonu i honga henua.

Ezekiel 37:25

Gilaadeu e nnoho naa i honga de henua aagu gu gaavange gi dogu dangada hai hegau go Jacob, go de henua o oodou dubuna nogo nnoho ai, gai gilaadeu ma alaadeu dama e nnoho ai naa ga hano ai, gai dogu dangada hai hegau go David e hodooligi naa i olaadeu elunga ga hano ai.

Ezekiel 41:1

Gai taane laa ne kave hogi au gi lo te de aabi e mua gi daha, ga haide denga laagau i luu baasi; gai denga laagau laa se dagiono sugilima de llaha.

Amos 9:11

“De laangi laa gai au e hagaahe age naa de hale malo o David gu maoha laa, ma de hai ange naa mommee gu masaavava laa, ma de hagaahe age mommee gu maoha, aama de hagaduu age ange gi bei ono dagodo madagidagi.

Micah 5:5

Gai ia e hai naa go delaadeu nnoho paba. De masavaa o de gau Assyria e kage mai ai gi honga taadeu henua ma de ulu mai gi lodo odaadeu hale buibui makaga, gai gidaadeu e hili naa e dogohidu dangada hagaloosi gi hai baasi ange gi de ia, gai e dogovalu dagi mai i daho dangada,

Zechariah 13:7

“De gadilaasa, alahage, hai baasi ange gi dogu dangada hagaloosi, gai hai baasi ange gi tangada e baa mai gi de au! go Tagi o denga hagabuulinga hebagi e hagadaba. Daia gi magau tangada hagaloosi, gi mavaevae saele ai denga ssiibi, gai au e hagaabo naa dogu lima e hai baasi ange ai gi denga ssiibi gauligi.

Zechariah 3:8

Nnoho mai hagalaangona, Joshua, tangada haimeedabu maolunga, ma oo soa e nnoho madali goe, go hiidinga gilaadeu ni hagailonga niio mee e loomai: tilo, au e hai naa gi humai dogu dangada hai hegau go de Uli o David.

Zechariah 8:9

E hagadaba Tagi o denga hagabuulinga hebagi: Goodou alodahi ne langona laa muna nei i daho denga pelaabisi, i de laangi ne hagadagodo ai tagelo o de hale o Tagi o denga hagabuulinga hebagi, goodou gi lodo mmahi gi maua ai i de hagaahe age de temple.

Matthew 16:18

Au e hai adu, go koe go Peter; go honga de baba nei aagu e hagaduu ai dogu nohoanga dabu, gai ssauaa o Hades e dee maua donu i de hagadee kii.

Matthew 26:61

ga hai ange, “Taane nei gu hagadaba, ‘Au e maua i de oha de temple o de Maadua, gai ga hagaduu age ange i e dolu donu huu laangi.’ ”

Mark 14:58

“Gimaadeu ne langona taane nei e hagadaba, ‘Au e oha naa de temple a dangada ne hagaduu laa, gai au ga hagaduu age naa dahi temple i e dolu donu huu laangi, gai e dee go dangada e hagaduulia,’ ”

Mark 15:29

Dangada ne loomai laa kilaa ne hagammae manava ia, ma de geugeu olaadeu biho, ga hai ange, “Aha! Go koe ne hagadaba bolo koe e oha de temple gai ga hagaduu age ange i e dolu donu huu laangi,

Mark 15:39

Gai ga gidee huu e tagi o de lau, e duu laa i mada i mua o Iesu, dono hai ne magau ai, gai ia ga hagadaba, “Ni muna abodonu, taane nei go Tama Daane donu a de Maadua!”

Luke 1:78

ma hiidinga de lodo aloha o taadeu Maadua, e haia laa ga humai de maalama o de langi gi odaadeu daha,

John 1:45

Philip ne gidee hogi e ia Nathanael, ga hai ange, “Gimaadeu gu gidee de ia a Moses e basa ai laa i lodo hainga, gai denga pelaabisi ne sisi hogi ono dagodo — Iesu tangada Nazareth, tama a Joseph.”

John 19:5

Gai de masavaa huu o Iesu ne sao mai ai, gai ia gu hagauda de hau duiduia ma de gahu i de malo purple. Gai Pilate ga hai ange gi gilaadeu, “Tilo, deenei taane!”

Acts 13:38

Deenei ai, denga daina, au e lodo goodou gi iloo bolo go daho Iesu e maua ai i de tala oodou haisala.

Acts 17:31

Go hiidinga ia gu hagatau dahi laangi e hagamodu ai muna o dangada i henua i lalo i de heohi, i daho tangada aana gu hili. Ia ne hagadonu de mee nei i madamada o dangada i dana hagamouli age ia i de magau.”

1 Corinthians 3:9

Gai gimaau ni dangada e hai hegau madali de Maadua; gai goodou go de veelenga a de Maadua aama de hale o de Maadua.

Hebrews 10:12

Aagai dua huu de hai a Klisdo ssigidaumaha i dono angaanga donu, i dahi hanonga, i hiidinga o denga haisala, gai ia gu noho i de baasi madau o de Maadua.

Hebrews 7:24

Aagai Iesu e duudagi naa donu huu dana hai hegau a tangada haimeedabu, i hiidinga ia e mouli ga hano ai.

Hebrews 7:4

Goodou kalo ange diiloo dagodo de maolunga o taane nei: Abraham, tubuna hagadubu o de gau Israel, ne gaavange gi de ia tahi diba i diba e madaangahulu o mee aana ne mau i de hebagi!

Hebrews 8:3

De gau haimeedabu maolunga alodahi e hili gi gaavange denga mee ngadi gaavange ma de hai denga sigidaumaha. Deenei ai, e heohi hogi de hai a tangada haimeedabu nei dahi sigidaumaha.