Zechariah 4:4 - De Beebaa Dabu

⁴ Gai au ne ssili ange gi tangada de langi e pasa laa gimaau, “Dogu dangada aamua, aahee hagadoonunga o mee nei?”

Zechariah 4:4 Iomraidhean Croise

Ezra 5:2

Gai Zerubbabel, tama daane a Shealtiel, ma Jeshua, tama daane a Jozadak, ne daamada de hagaduu age de hale o de Maadua i Jerusalem, gai luu pelaabisi o de Maadua madali gilaadeu ne bale ange gilaadeu.

Daniel 12:8

Au ne langona muna laa, gai au tee donu ange aagena. Gai au ga ssili ga hai ange, “Dogu dangada aamua, dee hee naa de hai e hagalava ai mee nei?”

Zechariah 1:19

Gai au ne ssili ange gi tangada de langi e pasa laa gimaau, “Aahee hagadoonunga o denga hanga nei?” Ia ne hai mai, “Aanei hanga ne haia ga mavaevae saele dangada o Judah ma Israel aama Jerusalem.”

Zechariah 1:9

Gai au ne ssili ange, “Dogu dangada aamua, ni aha aanei?” Gai tangada de langi e pasa laa gimaau, ne hai ange, “Au gu dai hagaago adu naa gi de goe hagadoonunga o mee nei.”

Zechariah 4:5

Gai tangada de langi e pasa laa gimaau ga hai mai, “Koe tigi iloo naa donu be ni aha aanei?” Gai au ga hai ange, “Dogu Ia Aamua, deai.”

Zechariah 5:6

Gai au ne ssili ange, “Se aha donu deelaa?” Ia ne hai mai, “De mee naa se gede e lele naa ma e hano.” Ia ne hai mai hogi, “Gai e hhao ai baubau o dangada i henua i lalo alodahi.”

Zechariah 6:4

Gai au ga hai ange gi tangada de langi e pasa laa gimaau, “Dogu dangada aamua, aahee hagadoonunga o denga hoosa nei?”

Matthew 13:36

De masavaa o Iesu ne hano gee ai i daho dangada ga ahe gi de hale, gai ana dangada agoago ga loomai gi ono daha, ga hai ange, “Daalaa mai gi gimaadeu de hagadoonunga o de mee hagasengasenga o denga helii i lo te veelenga.”