Zechariah 3:4 - De Beebaa Dabu

⁴ Gai tangada de langi ne hai ange gi gilaadeu e tuu i ono mada i mua, “Hagauia ono malo vai gelegele naa.” Gai ia ne hai ange gi Joshua, “Tilo, au gu kave gee oo baubau, gai ga hakahu adu goe i hanu malo hoou.”

Zechariah 3:4 Iomraidhean Croise

2 Samuel 12:13

Gai David ne hai ange gi Nathan, “Au gu haisala ange gi Tagi Maolunga.” Nathan ne hai ange, “Tagi Maolunga gu degi adu gi oo haisala; koe e dee magau naa donu.

1 Kings 22:19

Gai Micaiah ne hai ange hogi, “Deenei ai, koe gi hagalaangona muna a Tagi Maolunga: au ne gidee Tagi Maolunga e noho i honga dono nohoanga hodooligi, gai denga hagabuulinga o de langi e tuu i dono baasi madau ma dono baasi masui.

Psalm 51:9

Hagamuunia luoo mada i ogu haisala, gai sooloa ogu baubau alodahi.

Isaiah 43:25

Go au, go au donu e sooloa gi deai oo haisala i hiidinga o dogu ingoo; au e dee ahe ange naa donu e maanadu oo haisala.

Isaiah 44:22

Au gu ili gi hulo oo haisala bei dahi giliiga, ma de hai oo haisala gi bei de mama o denga vai. Ahe mai gi de au, go hiidinga au gu hagaola goe.

Isaiah 52:1

Zion, alahage, alahage, hagammahi ina goe. Jerusalem, de aduhale dabu, gahu i oo malo mahamaha. Gai de gau tigi tuu dagaholiage ma gilaadeu e dee gilimalali e dee aahe e ulu i de aduhale.

Isaiah 61:10

Au gu malangilangi mmao i Tagi Maolunga, dogu hagasaalunga e lodo danuaa mmao i dogu Maadua. Go hiidinga ia gu hakahu mai au i de hagaola, ma de saabini au i de heohi bei de malo laa daha, bei de hai a taane e hagahai bodu e gahu hagadanuaa ai laa bei tangada haimeedabu gai bei de hai a de hine e hagahai bodu e dau ai laa denga hadu hagamogomogo.

Isaiah 61:3

ma de gaavange gi gilaadeu e hinangalosaa i Zion de hau mahamaha e sui ai lehu, ma de lolo o de malangilangi, e sui ai de hinangalosaa olaadeu lodo, ma de hakahu gilaadeu i de tuhi, e sui ai teai selaadeu tali. Gai gilaadeu e hagaingoo ange naa go denga oak o de heohi, a Tagi Maolunga ne doo laa e hagaago mai ai dono mahamaha.

Jeremiah 52:33

Gai Jehoiachin ne hagaui ono malo nogo gahu ai i lo te hale pono, gai ia ne gaimee i teebele o de hodooligi i laangi alodahi i taulooloa dono mouli.

Ezekiel 36:25

Au e hagassii adu naa denga vai gilimalali gi goodou, gi gilimalali ai goodou. Au e hagagilimalali naa goodou mai i oodou dahulinga hakino gee alodahi, aama mai i oodou diinonga alodahi.

Ezekiel 42:14

De masavaa naa huu o de gau haimeedabu e ulu ai gi de mommee dabu laa, gai gilaadeu gu dee maua i de ssao e hulo gi lo te buibui e mua gi daha, ga dae ai gi delaadeu hagaui olaadeu malo e hai ai laa alaadeu hegau, go hiidinga malo laa e dabu. Gai gilaadeu gi kahu i hanu malo gee i mua delaadeu hulo gi mommee iai dangada.”

Micah 7:18

De Maadua, goai e bei oo dagodo, i dau hagangalo baubau aama de degi ange gi haisala o dangada o doo boolonga e doe? Koe e dee golo age doo lili ga hano ai, gai e malangilangi i de hagaago mai doo lodo aloha.

Micah 7:19

Koe e ahe ange naa ga abodonu mai gi gimaadeu; koe e dagadagahi naa omaadeu haisala gi lalo luoo vae, ma de tili omaadeu haisala alodahi gi lo te moana gelo.

Zechariah 3:1

Ia ne hagaago mai hogi Joshua tangada haimeedabu maolunga e duu i mada i mua o tangada de langi o Tagi Maolunga, gai Satan e duu i dono baasi madau ma e hagabaubau ai ia.

Zechariah 3:7

“E hagadaba Tagi o denga hagabuulinga hebagi: Noo koe e hagallongo mai gi de au ma de daohi agu muna, gai koe e dagi naa i dogu hale ma de tilo ange ono buibui, gai au ga gaavadu gi de goe ssauaa madali gilaadeu e tuu nei i kinei.

Zechariah 3:9

Gai tilo, au e maaga ange naa dahi hagailonga gi honga dagu hadu gu hagaduu i mada i mua o Joshua, e dahi donu huu hadu nei gai e hidu ono ganomada, go Tagi o denga hagabuulinga hebagi e hagadaba. Au e aau gee naa baubau alodahi o de henua nei i e dahi laangi daudahi.

Matthew 22:11

Aagai de masavaa huu o de hodooligi ne ulu mai ai gi daho dangada, gai ia gu gidee dahi daane e dee gahu i malo o taonga hagahai bodu;

Luke 1:19

Gai tangada de langi ne hai ange gi de ia, “Go au go Gabriel, au e duu i mada luu mada o de Maadua. Au ne hai gi humai gi daalaa adu gi de goe de longo danuaa nei.

Luke 15:22

Gai tamana ga hai ange gi ono dangada hai hegau, ‘Goodou hagamoolau gaamai de malo danuaa hakahu ina ange ai ia. Gai ulumagina ange de buulei gi dono lima aama mee vae gi luoono vae.

John 1:29

De laangi i ono dua, gai a John ne gidee e ia Iesu e humai gi ono daha, gai ia ne hagadaba, “Tilo, Ssiibi Gauligi a de Maadua, go de ia e gaavee gee haisala o henua i lalo!

Romans 3:22

Gai de hagaheohi nei ne gaavange gi dangada alodahi i delaadeu hagadonu Iesu Klisdo. Gai e dee dagodo geegee donu dangada,

Romans 6:23

Gai de hagaoanga o de haisala go de magau, gai de mee ngadi gaavange a de Maadua go de mouli e dee ngado mai i lodo o Klisdo Iesu taadeu Dagi Maolunga.

1 Corinthians 6:11

I mua gai hanu goodou e dagodo bee nei. Aagai iainei goodou gu hagagilimalali ma gu vvae gee ma gu hai gi dabu, goodou gu hagaheohi i de ingoo o Tagi Maolunga go Iesu Klisdo aama ssauaa o de Hagasaalunga o taadeu Maadua.

2 Corinthians 5:21

Gai de Maadua ne hai Klisdo e deai laa ono haisala go de haisala, gi maua ai e gidaadeu i de kave de heohi o de Maadua i ono daha.

Colossians 3:10

gai gu kahu i tangada hoou, e hagahoou laa i doodou iloo dagodo o de ia ne haia goodou.

Hebrews 8:12

Au e degi ange naa gi olaadeu baubau, aagai au e dee ahe ange naa donu e manadua olaadeu haisala.”

Revelation 5:11

Gai au ne gidee hogi ma de langona leo o de gau de langi soa e dee maua laa i de dau, i luu baasi de nohoanga laa madali denga mee mouli laa aama denga daane maatua laa,

Revelation 7:14

Gai au ne hai ange, “Dogu dangada aamua, koe e iloo.” Gai ia ne hai mai gi de au, “Aanei gilaadeu ne ola mai i de hagaduasala laumalie laa; gilaadeu gu taa olaadeu malo ma gu tea i dodo o Ssiibi Gauligi.