Zechariah 2:9 - De Beebaa Dabu

⁹ tilo, au e hagaabo naa dogu lima e hai baasi ange gi gilaadeu, ga hai olaadeu dangada hai hegau gi haia gi de mahi olaadeu goloa, gi iloo ai e goodou bolo go Tagi o denga hagabuulinga hebagi donu ne haia nei au gi humai.

Zechariah 2:9 Iomraidhean Croise

Isaiah 10:32

Anailaa nei gai ia e nnoho naa i Nob, ia e tugi ange naa dono lima gi tamaa hine o Zion, i de mounga o Jerusalem.

Isaiah 11:15

Gai Tagi Maolunga e hai naa gi masa vai i lo te mada loolodo o Egypt. Ia e haalo naa dono lima ga hai gi humai de madangi hagavvela gi honga ssaalingaa vai go Euphrates. Ia e hagaili naa honga de vai laa ga hai ai e hidu saalingaa vai vaaligiligi, gai dangada e maua naa i de seesee ga hulo gi de baasi laa.

Isaiah 12:6

Dangada o Zion, goodou hevaalogi daahili i de malangilangi, i hiidinga de Ia Dabu o Israel i oodou magavaa e maolunga.”

Isaiah 13:2

Hagaduulia age dahi hagailonga i honga dahi duuduu malaelae, gai oo ange gi gilaadeu, ma de aloalohagi ange gilaadeu gi loomai gi ulu i haitoga o de gau aamua.

Isaiah 14:2

Denga huaadangada e kave naa gilaadeu, ga hagaahe gi delaadeu mommee donu. Gai de gau Israel e henua naa i denga huaahenua, bei denga daane ma haahine hai hegau, i de henua o Tagi Maolunga. Gilaadeu e hagadee kii naa dangada ne hagadee kii ina gilaadeu ma de dagi gilaadeu nogo vaivai haia gilaadeu.

Isaiah 19:16

De masavaa laa gai de gau Egypt e bei naa dagodo o denga haahine. Gilaadeu e bolebole naa ma de maatagu i de hagaabo de lima o Tagi o denga hagabuulinga hebagi e hai baasi ange ai gi gilaadeu.

Isaiah 26:1

De laangi laa gai dangada e hua naa taahili nei i de henua o Judah: Demaadeu aduhale e makaga; de Maadua ne hagatuu ono buibui ma ono mee hagamakaga e hagaola ai.

Isaiah 33:1

E vakaa naa goe, de ia e oohaa denga henua, gai tigi ai donu dangada ne oohaa ina goe! E vakaa naa goe, tangada e dee hai hegau i de mee abodonu, gai tigi ai donu dangada ne hagasengalia goe! De masavaa naa huu aau e tuu ai de oha gai koe e oohaa naa donu hogi; de masavaa naa huu aau e tuu ai de hagasenga dangada, gai koe e hagasengalia naa donu hogi.

Isaiah 33:21

Aagai go kilaa iai Tagi Maolunga taadeu Ia Maolunga. De mommee laa e bei dahi mommee iai leevaa nnui ma saalingaa vai. Gai e deai donu se vaga iai hoe e hulo ai, e deai hogi vaga mmahi e dele i kilaa.

Isaiah 33:23

Denga uga o saiolo gu daudau age, de bou e dee hagamakaga, gai ssaiolo tigi hagaduu e doha. Gai denga goloa lagolago ne maua i de hebagi e duha naa; tangada balagelage e kave naa hogi goloa aana ne gaiaa.

Isaiah 4:5

Gai Tagi Maolunga e gaamai naa gi honga de mounga go Zion, ma honga o dangada alodahi gu hagabuni i kilaa de hagausinga i de laangi, gai de boo go de useahi ma de ahi ula; gai de mahamaha e haoli naa de mommee laa alodahi bei de hale malo.

Isaiah 48:16

Loomai gi paa mai goodou gi de au, mage hagalaangona muna nei: Mai i taamada gai au tee tala hagammuni dahi mee, de masavaa ne hai ai mee nei, gai au i kilaa. Iainei gai de Ia Aamua go Iahweh ma dono Hagasaalunga gu hai au gi humai.

Isaiah 60:18

Gu deai naa donu dangada alasala e gidee i doo henua, e deai mommee e ngadi daakodo ma de maoha i doo henua, aagai koe e hagaingoo ange naa doo buibui go de Hagaola, gai e hagaingoo ange oo haitoga go de Tuhi.

Isaiah 60:19

Gai e dee go de laa e hagamaalama ina goe i de laangi, e dee go de maasina hogi e hagamaalama ina goe i de boo; gai go Tagi Maolunga donu doo maalama ga hano ai, gai go doo Maadua e hagamahamaha ina goe.

Jeremiah 27:7

Gai denga huaahenua alodahi e hai hegau ange naa gi de ia, ma dana dama daane, aama dono mogobuna, ga dae gi de odi de masavaa o dono henua. Gai muli mai naa huu gai denga huaahenua soa ma hodooligi mmahi e hai ia gi hai hegau ange gi gilaadeu.

Jeremiah 28:9

Aagai de pelaabisi e daalaa laa bolo dangada e nnoho paba, goodou e iloo abodonu naa bolo go Tagi Maolunga ne haia ia gi humai, noo ana muna gu tala e hagassula donu.”

Jeremiah 8:19

Hagalaangona adu leo o ogu dangada e tangi ai i honga de henua alodahi: “E aha, Tagi Maolunga gu dee noho nei i Zion? E aha, dono Hodooligi gu dee maleva laa i kilaa?” ⌊E hagadaba Tagi Maolunga,⌋ “Gu aha gilaadeu gu hai ai au gi lili i olaadeu diinonga, ma olaadeu diinonga henua gee deai haigamaiana?”

Ezekiel 39:10

Gai gilaadeu gu dee hagabudu lahhie i lodo henua e hai ai de ahi, aabe hulo e duuduu denga laagau i lodo henua, go hiidinga gilaadeu e hai naa alaadeu ahi i denga goloa hebagi. Gai gilaadeu e hai gi de mahi naa goloa o dangada ne hai gi de mahi ina olaadeu goloa, ma de gaiaa goloa o dangada ne gaiaadia olaadeu goloa, go de Ia Aamua go Iahweh e hagadaba.

Joel 2:27

Gai goodou e tonu ange naa bolo au e noho donu i Israel, gai go au go Iahweh doodou Maadua, e deai ange donu; ogu dangada e dee aahe ange naa donu ga dookaa.

Habakkuk 2:17

Au hegau alasala ne hai ange gi Lebanon e hai naa ga manavasaa oo lodo, gai dau daa ga maakau denga manu dolodolo e hai naa goe ga madagu, i hiidinga dodo o dangada ma dau vaivai hai denga henua ma aduhale aama dangada alodahi e nnoho ai.

Habakkuk 2:8

Koe ne hai gi de mahi mee a denga huaahenua soa, deelaa ai, dangada e doe i denga huaadangada e hai naa gi de mahi oo goloa. Go hiidinga koe ne daa dangada ga maakau; koe ne oha denga henua ma aduhale aama dangada alodahi e nnoho ai.

Zephaniah 2:9

Deenei ai, au e hagatoo donu i dogu mouli, go Tagi o denga hagabuulinga hebagi, de Maadua o Israel e hagadaba: Moab e bei naa donu dagodo o Sodom, de gau Ammon e bei naa dagodo o Gomorrah — se henua iai denga helii ma haonga iai soolo, gai e ngadi dagodo naa ga hano ai. Dangada e doe i ogu dangada e hai gi de mahi naa olaadeu goloa; dangada e ola i dogu huaahenua e kave naa delaadeu henua.”

Zephaniah 3:15

Tagi Maolunga gu kave gee doo hagaduasala, ia gu hai gi aahe dua oo hagadaumee. Tagi Maolunga, de Hodooligi o Israel, e noho madali goe; gai koe e dee madagu ange naa donu i dahi mee hai ngadaa.

Zechariah 2:11

Denga huaahenua soa e hagabuni mai naa gi daho Tagi Maolunga, i de laangi laa ga hai ai ono dangada. Gai au e noho naa i oodou daha, gi iloo ai e goodou bolo go Tagi o denga hagabuulinga hebagi donu ne haia nei au gi humai gi oodou daha.

Zechariah 2:8

Gai e hagadaba Tagi o denga hagabuulinga hebagi: Dua dana hai gi hano au i dono mahamaha gi denga huaahenua ne haia gi de mahi oodou mee — go hiidinga be goai e poo adu gi goodou e poo ange donu gi tama legalega eidu o dono ganomada —

Zechariah 4:9

“Zerubbabel gu lava i de hagaduu tagelo o de hale nei; gai go ia hogi e hagalava ina. Gai gi iloo ai e goodou bolo go Tagi o denga hagabuulinga hebagi donu ne haia nei au gi humai gi oodou daha.

Zechariah 6:15

Gai dangada e nnoho laa i mommee mmao e loomai naa ga bale de hagaduu o de temple o Tagi Maolunga. Gai goodou e tonu ange naa bolo go Tagi o denga hagabuulinga hebagi ne haia ngau gi humai gi oodou daha. Gai mee nei alodahi e hai naa donu ga bei, noo koe e hagaduu ngae ga hagallongo ange gi muna a Tagi Maolunga doodou Maadua.”

Zechariah 9:15

gai Tagi o denga hagabuulinga hebagi e buibui naa gilaadeu. Gilaadeu e daa naa dangada ma de hagadee kii gilaadeu i denga buada. Gilaadeu e unu naa ma de hevaalogi bei dagodo o dangada gu ssenga i de unu uvaini; gilaadeu gu hoohonu bei de gumedi iai laa dodo e hagassii ange laa gi dege o de mommee o ssigidaumaha.

John 13:19

Au e tala adu gi goodou mee nei iainei i mua de hai, gi hagadonusia ai e goodou bolo go au donu go ia, i de masavaa e hai ai mee nei.

John 16:4

Au gu tala adu de mee nei gi goodou, gi manadua ai e goodou i de dae mai de masavaa laa, bolo au gu tala adu mee nei gi goodou. Au tee tala adu de mee nei i taamada age, go hiidinga au goi noho huu i oodou daha.