Zechariah 2:10 - De Beebaa Dabu

¹⁰ Tamaa hine o Zion, koe gi daahili ma de malangilangi, go hiidinga au e humai naa e noho i oo daha, go Tagi Maolunga e hagadaba.

Zechariah 2:10 Iomraidhean Croise

Psalm 40:7

Gai au ne hagadaba, “Tilo, au gu humai e hai oo lodo, bei de hai gu sisi ai laa ogu dagodo i lo te beebaa mulo.

Psalm 68:18

Koe ne hanage gi de mommee maolunga, ma de dagi de gau dee kii madali goe, koe ne kave mee ngadi gaavange mai i daho dangada; aama daho dangada hogi e hai baasi adu, gai koe, Tagi Maolunga de Maadua, ga noho ai i kilaa.

Exodus 29:45

Gai au ga noho ai madali de gau Israel, gai go au delaadeu Maadua.

Isaiah 12:6

Dangada o Zion, goodou hevaalogi daahili i de malangilangi, i hiidinga de Ia Dabu o Israel i oodou magavaa e maolunga.”

Isaiah 35:10

dangada a Tagi Maolunga gu hagaola e aahe mai naa. Gilaadeu e loomai naa ga ulu i Zion ma de daahili; gai de malangilangi e dee odi go de hau i honga olaadeu biho. Gilaadeu e hoohonu naa i de lodo danuaa ma de malangilangi, gai taemaha ma de daalea gu hano gee mai i olaadeu daha.

Isaiah 37:22

aanei muna a Tagi Maolunga e hai baasi ange ai gi de ia: De bua moe o Zion e hagangadi mee ma de doo mee i de goe. Tamaa hine o Jerusalem e geugeu dono biho i doo savini e hano gee.

Isaiah 42:10

Daahili ange gi Tagi Maolunga i taahili hoou, duuhia ia i henua i lalo alodahi, go goodou e loiho gi tai, ma mee alodahi i ono lodo, goodou denga mommee i tagudai, ma mee alodahi e mouli i kilaa.

Isaiah 48:20

Goodou hulo gee mai i Babylon, gai saavini hulo gee mai i daho de gau Babylon! Hagailoo ina de mee nei ma de oo i de malangilangi, hagadele ina de longo nei gi dae gi de bido laa o henua i lalo; hai ange, “Tagi Maolunga gu hagaola dono dangada hai hegau go Jacob.”

Isaiah 51:11

Gilaadeu a Tagi Maolunga gu hagaola e aahe mai naa. Gilaadeu e loomai naa ga ulu i Zion ma de daahili; gai de lodo danuaa e dee odi laa go de hau i honga olaadeu biho. Gai gilaadeu e kona naa i de lodo danuaa ma de malangilangi, gai taemaha ma de daalea gu hano gee mai i olaadeu daha.

Isaiah 52:11

Goodou hulo gee, goodou hulo gee, hulo gee mai i kilaa! Goodou aude poo ange gi dahi mee hakino gee! Goodou ssao hulo gee mai i kilaa gai gi gilimalali ai goodou, go goodou e hagauda ina goloa hai hegau o Tagi Maolunga.

Isaiah 54:1

“Oo ma gi daahili, de hine dee hua, gai go de hine tee haanau; oo ma gi daahili, oo ma gi malangilangi, de hine tigi ai ono hagalangona; go hiidinga dama a de hine gu dilia e dono bodu e soa ange naa i dama a de hine e dahi ono bodu, go Tagi Maolunga e hagadaba.

Isaiah 61:10

Au gu malangilangi mmao i Tagi Maolunga, dogu hagasaalunga e lodo danuaa mmao i dogu Maadua. Go hiidinga ia gu hakahu mai au i de hagaola, ma de saabini au i de heohi bei de malo laa daha, bei de hai a taane e hagahai bodu e gahu hagadanuaa ai laa bei tangada haimeedabu gai bei de hai a de hine e hagahai bodu e dau ai laa denga hadu hagamogomogo.

Isaiah 66:14

Goodou e malangilangi naa i de masavaa oodou e gidee ai mee nei, gai oodou ivi e ssomo danuaa naa bei denga helii; gai Tagi Maolunga e hai naa gi iloo e ono dangada hai hegau dagodo o dono sauaa, aagai ia e hai naa gi iloo e ono hagadaumee dagodo o dono lili.

Jeremiah 30:19

Gai gilaadeu e daahili naa ga hagaahe ange de abodonu, gai leo o dangada e malangilangi ai e langona naa i kilaa. Gai au e hai naa gi kii ange de soa gilaadeu, gai taelodo o olaadeu dangada e dee kii mai naa donu. Au e hai naa gi hagadubu ina gilaadeu, gilaadeu e dee hagangadi mee ina naa donu.

Jeremiah 31:12

Gai gilaadeu e daga mai naa ma de daahili i honga tuuduu o Zion; gilaadeu e malangilangi naa i mee danuaa a Tagi Maolunga: go denga grain, ma uvaini, ma lolo, ma dama a de hagabuulingaa ssiibi ma guudi aama kaau. Gilaadeu e bei naa de veelenga gu maluulu danuaa laa, gai gilaadeu e dee daemaha ange naa donu.

Jeremiah 33:11

leo o dangada e malangilangi ai ma de llodo danuaa i kilaa, ma leo o taane ma de hine se goodo hai bodu, ma leo o dangada e daahili, i de masavaa alaadeu e gaamai ai alaadeu sigidaumaha, e hagaahe ange ai de abodonu i de hale o Tagi Maolunga, ga hagataba, ‘Hagaahea ange de abodonu gi Tagi o denga hagabuulinga hebagi, go hiidinga Tagi Maolunga e danuaa, gai dono abodonu e dagodo ga hano ai.’ Gai au e hagaahe ange naa de manuuia o de henua gi bei ono dagodo i mua, go Tagi Maolunga e hagadaba.

Ezekiel 37:27

Gai dogu mommee noho e dagodo naa i olaadeu daha; gai au e hai naa go delaadeu Maadua, gai gilaadeu go ogu dangada.

Ezekiel 48:35

Gai de looloa o de buibui i luu baasi de aduhale laa se 18,000 sugilima. Gai de ingoo o de aduhale mai i de masavaa laa ga hano ai go: Iahweh i Kilaa.”

Leviticus 26:12

Au e seesee naa i oodou magavaa, ma de hai go doodou Maadua, gai goodou go ogu dangada.

Zephaniah 3:17

Tagi Maolunga, doo Maadua e noho madali goe, gai e mmahi i de hagaola goe. Ia e malangilangi mmao donu i de goe, gai ia e hagaaneane naa goe i dono aloha; ia e malangilangi naa ma de daahili i oo hiidinga.”

Zechariah 1:16

Deenei ai, e hagadaba Tagi Maolunga: Au e ahe ange naa e lodo aloha ange gi Jerusalem; dogu hale e hagaduu naa i lo te aduhale laa, gai de uga haide e haide naa Jerusalem, go Tagi o denga hagabuulinga hebagi e hagadaba.

Zechariah 14:5

Gai goodou e saavini naa ga hulo laa gaogao de geelonga e vaaea laa denga mounga, go hiidinga de geelonga laa e dae laa gi Azal. Gai goodou e saavini naa ga hulo gee, e dagodo be goodou e saavini e hulo gee mai i de ngalungalue o de henua, i laangi o Uzziah ne hodooligi ai i Judah. Gai Tagi Maolunga dogu Maadua e humai naa madali de gau dabu alodahi.

Zechariah 2:11

Denga huaahenua soa e hagabuni mai naa gi daho Tagi Maolunga, i de laangi laa ga hai ai ono dangada. Gai au e noho naa i oodou daha, gi iloo ai e goodou bolo go Tagi o denga hagabuulinga hebagi donu ne haia nei au gi humai gi oodou daha.

Zechariah 2:5

Gai Tagi Maolunga e hagadaba: Au e hai naa ga bei de ahi e duuli ina luu baasi o Jerusalem, gai go de mahamaha i ono lodo.’ ”

Zechariah 8:3

E hagadaba Tagi Maolunga: Au e ahe mai naa gi Zion, ga noho i Jerusalem, gai Jerusalem e hagaingoo ange naa go de aduhale o de muna abodonu, gai de mounga o Tagi o denga hagabuulinga hebagi e hagaingoo ange go de mounga dabu.

Zechariah 9:9

Tamaa hine o Zion, koe gi malangilangi! Tamaa hine o Jerusalem, koe gi oo i doo malangilangi! Tilo, doo hodooligi e humai naa gi oo daha; ia e heohi gai de hagaola i ono daha, ia e daudonu gai e gage i honga dahi donkey, ma dahi manu gauligi, go tama a dahi donkey.

Malachi 3:1

“Tilo, au e hai gi hano dogu dangada hagailoo, gai ia ga hagadabena ai de haiava i ogu mada i mua. Gai de Ia Aamua oodou e tali naa e daa hagalele naa donu de humai gi dono temple; gai tangada hagailoo o de hagatoo donu hagaheloongoi oodou e malangilangi ai naa e humai naa donu,” go Tagi o denga hagabuulinga hebagi e hagadaba.

Matthew 28:20

ma de agoago ange gilaadeu gi daudali i mee alodahi aagu gu tala adu gi goodou. Gai tilo, au e noho i oodou daha i masavaa alodahi ga dae ai gi de hagaodi.”

John 1:14

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

John 14:23

Iesu ne basa ange, ga hai ange gi de ia, “Tangada e aloha i de au e daudali i agu muna. Gai dogu Damana e aloha i de ia, gai gimaau e loomai naa ga nnoho madali ia.

Deuteronomy 28:64

Gai Tagi Maolunga e hai naa goodou gi mavaevae saele gi nnoho i magavaa o denga huaadangada alodahi, mai i dahi luu bido o henua i lalo ga dae ai gi de bido ange laa. Gai goodou ga nnoho ai i kilaa ga daumaha ange gi denga diinonga laagau ma hadu, go diinonga oodou ma oodou dubuna madagidagi tee iloo.

Philippians 4:4

Goodou gi malangilangi i lodo o Tagi Maolunga i masavaa alodahi! Au e ahe ange e hai adu, goodou gi malangilangi!

Revelation 2:1

“Siia ange muna nei gi tangada de langi o de nohoanga dabu i Ephesus: Aanei muna mai i daho de ia e daohia laa denga heduu e hidu i dono lima madau, ma de seesee i magavaa o denga mee dugu laama goolo e hidu laa.

Revelation 21:3

Gai au ne langona dahi leo mmahi e basa mai i de mommee iai de nohoanga laa, ma e hagadaba, “Tilo, de mommee noho o de Maadua gu i daho dangada. Gai de Maadua e noho naa i olaadeu daha, gai gilaadeu e hai naa go ono dangada, gai go ia delaadeu Maadua.