Zechariah 14:2 - De Beebaa Dabu

² Au e hagabuni mai naa denga huaahenua alodahi gi hebagi ange gi Jerusalem, gai de aduhale e gaavee naa, denga goloa i lodo hale e gaiaadia naa, gai denga haahine e haia naa gi de mahi. Dahi luu baasi o dangada i de aduhale e noonoodia naa ga gaavee gi dahi henua gee, aagai dangada e doe e dee kave gee mai naa i de aduhale.

Zechariah 14:2 Iomraidhean Croise

Isaiah 13:16

Alaadeu gaagaa e dagadagahia naa ga maakau i olaadeu mada i mua; gai goloa i lodo olaadeu hale e gaavee naa, gai alaadeu haahine dau bodu e haia naa gi de mahi.

Isaiah 4:3

Gai tangada e doe i Zion ma de noho i Jerusalem e hagabinga naa bolo e dabu, go dangada alodahi gu daohi olaadeu ingoo bolo e mouli i Jerusalem.

Isaiah 5:26

Ia e hagaduu age naa dahi hagailonga ange gi denga huaahenua mmao, ia e hagavogi ange gi gilaadeu i luu bido o henua i lalo, gai tilo, gilaadeu e hagamoolau mai naa ma de hakemo mai!

Isaiah 65:18

Aagai goodou llodo danuaa ma de malangilangi ga hano ai, i mee aagu gu hai; tilo, au e hai naa Jerusalem gi malangilangi, gai ono dangada gi llodo danuaa.

Jeremiah 21:4

‘E hagadaba Iahweh, de Maadua o Israel: Tilo, au gu dai hai baasi adu naa gi goodou i goloa hebagi, oodou e hebagi ange ai naa gi de hodooligi o Babylon, ma de gau Babylon, i tua de buibui o de aduhale. Gai au e hagabuni mai naa gilaadeu gi lo te aduhale nei.

Jeremiah 34:1

De masavaa o Nebuchadnezzar, de hodooligi o Babylon, ma dono hagabuulinga hebagi alodahi, ma denga nohoanga hodooligi alodahi o henua i lalo aana e dagi laa, ne hebagi ange gi Jerusalem ma ono aduhale alodahi, gai Tagi Maolunga ne hagaago ange ana muna gi Jeremiah, ga hai ange,

Lamentations 1:10

De hagadaumee gu hagabudu ono goloa hagamogomogo alodahi. Gai ia ne gidee denga huaahenua gu ulu i dono mommee dabu — go dangada aau tee dugu ange gi ulu madali doo hagabuulingaa dangada.

Ezekiel 5:8

Deenei ai, e hagadaba de Ia Aamua go Iahweh: Tilo, ⌊Jerusalem,⌋ au e hai baasi adu donu gi de goe, au e hagaduasala naa donu goe i madamada o denga huaahenua.

Joel 3:2

Au e hagabuni mai naa denga huaahenua alodahi gi de Geelonga o Jehoshaphat. Gai au ga hagamodu ai olaadeu muna i kilaa, i hiidinga o dogu boolonga, go dangada o Israel, go hiidinga gilaadeu ne hai ga mavaevae saele ogu dangada gi denga huaahenua, ma de vaevae dogu henua.

Joel 3:9

Hagailoo ina muna nei i denga huaahenua: hagadaabena ange gi de hebagi; hagabuni ina mai denga daane mmahi! Gai denga daane hebagi alodahi gi loomai e hebagi.

Amos 7:17

Deenei ai, e hagadaba Tagi Maolunga: ‘Doo bodu e hai naa ga se hine hai be se manu i lo te aduhale, gai au dama alodahi e daa naa ga maakau i de gadilaasa. Doo henua e haide naa i de uga haide ga vaevae, gai koe e magau naa i de henua o de gau henua gee, Gai Israel e gaavee naa donu gi dahi henua gee, ma de hano gee mai i dono henua donu.’ ”

Zechariah 12:2

“Tilo, au gu dai hai naa Jerusalem gi bei de ubu e haia laa ga ssenga denga huaadangada alodahi i luoono baasi. De masavaa naa huu alaadeu e hebagi ange ai gi Jerusalem, gai gilaadeu e hebagi ange naa hogi gi Judah.

Zechariah 12:3

De laangi laa gai au e hai naa Jerusalem gi bei dahi hadu daemaha ange gi denga huaahenua alodahi. Gai alodahi e sabaia age e hai naa ga lagolagohia gilaadeu. Gai denga huaahenua alodahi o henua i lalo e hagabuni mai naa e hebagi ange aagena.

Zechariah 12:9

De laangi laa gai au e hagadabena ange e oha denga huaahenua alodahi e hebagi ange laa gi Jerusalem.

Matthew 22:7

Gai de hodooligi laa gu kona mmao de lili. Gai ia ga hai gi hulo ono daane hebagi gi daia gi maakau de gau daa dangada laa magi duungia delaadeu aduhale.

Mark 13:14

“Aagai de masavaa naa huu oodou e gidee ai de mee hakino gee e haia laa ga ngadi dagodo de mommee, gu duu i de mommee e dee alaange de duu ai,” (gai tangada e daulia muna nei gi donu ange,) “gai dangada i Judea gi saavini gi hulo gi denga mounga.

Mark 13:19

Go hiidinga e kona naa de hagaduasala o dangada i laangi laa, gai tigi ai ange se masavaa bee nei, mai i taamada de hai a de Maadua henua i lalo ga dae mai ai gi iainei, gai e deai ange naa hogi se masavaa bee nei i muli mai.

Luke 2:1

Laangi laa gai Caesar Augustus ne hagailoo bolo dangada alodahi i henua i lalo e sisi olaadeu ingoo.