Zechariah 13:9 - De Beebaa Dabu

⁹ Gai au e hai naa tahi diba i diba e dolu nei gi hulo laa lo te ahi; gai au ga hagagilimalali ai gilaadeu bei denga selevaa, ma de hagatale ange olaadeu dagodo bei denga goolo. Gilaadeu e hagaagahi naa dogu ingoo, gai au ga basa ange gi gilaadeu. Au e hagadaba naa, ‘Gilaadeu go ogu dangada,’ gai gilaadeu e hagataba naa, ‘Tagi Maolunga go taadeu Maadua.’ ”

Zechariah 13:9 Iomraidhean Croise

2 Samuel 7:24

Koe ne hai Israel go oo dangada donu ga hano ai. Gai koe, Tagi Maolunga, ne hai go delaadeu Maadua.

De Beebaa go Job 23:10

Aagai ia e iloo dogu haiava e hano ai; ga lava naa huu dana hagatale au, gai au gu gilimalali bei dagodo o denga goolo mai i lo te ahi.

De Beebaa go Job 28:1

E dahi donu mommee e geli ai denga selevaa, gai e dahi mommee e hagagilimalali ai denga goolo.

Psalm 144:15

E manuuia dangada e dagodo bee nei; E manuuia dangada go Tagi Maolunga delaadeu Maadua.

Psalm 43:4

Gai au e hano gi de mommee o ssigidaumaha a de Maadua, ma daho dogu Maadua i de malangilangi laumalie. Au e tuhi goe i de tale de lyre, de Maadua, go dogu Maadua.

Psalm 50:15

ma de hagahi mai au i de masavaa o de hai ngadaa gai au ga hagaola ai goe, gai koe ga hagamahamaha ai au.” Selah

Psalm 91:15

Au e basa ange naa gi de ia, i de masavaa aana e hagahi mai ai au; au e noho naa i ono daha i de masavaa hai ngadaa, gai au e hagaola naa ia ma de hagadubu ia.

Proverbs 17:3

De anibada se mee ange gi denga selevaa, gai de ahi mmahi se mee ange gi denga goolo, aagai Tagi Maolunga e hagatale dagodo lodo o tangada.

Song of Songs 2:16

Dogu dau soa niiagu, gai au niiana; ia e haangai ana ssiibi i magavaa o denga lilii.

Isaiah 43:2

De masavaa oou e hano ai laa lo te vai, gai au madali goe; gai ga seesee naa donu goe i lodo saalingaa vai, gai koe e dee maua donu gi abulu, gai de masavaa oou e seesee ai i lo te ahi, gai koe e dee maua donu gi vela, gai de ula o de ahi e dee maua donu i de dudu goe.

Isaiah 48:10

Tilo, au gu hagagilimalali goe, gai tee hagagilimalali bei denga selevaa; au ne hagagilimalali goe i lo te ahi o de hagaduasala.

Isaiah 58:9

Gai de masavaa naa huu oou e dalodalo ai, gai Tagi Maolunga ga basa adu gi de goe; de masavaa naa huu oou e dangidangi i de bale, gai ia e hai adu naa, ‘Deenei au.’ Noo koe e tuu dau vaivai hai dangada, ma de sisi ange dahi, ma de tala hagabaubau dahi,

Jeremiah 24:5

“E hagadaba Tagi Maolunga, de Maadua o Israel: Gai e bei denga fig danuaa nei, au e hagabinga bolo dangada gu gaavee gee laa i Judah e danuaa, go gilaadeu aagu gu hai gi hulo gee mai i de mommee nei, gi de henua o de gau Babylon.

Jeremiah 30:22

Gai goodou e hai ai naa go ogu dangada, gai au go doodou Maadua.”

Jeremiah 31:33

Gai deenei dagu hagatoo donu hagaheloongoi e hai madali dangada o Israel i dua laangi laa, go Tagi Maolunga e hagadaba. Au e hai naa gi daakodo agu hainga i alaadeu maanadu, ma de sisi ange gi olaadeu lodo. Gai au e hai naa go delaadeu Maadua, gai gilaadeu go ogu dangada.

Jeremiah 32:38

Gai gilaadeu e hai naa go ogu dangada, gai au go delaadeu Maadua.

Jeremiah 9:6

Gu kona mmao de vaivai haia o dangada, gu laumalie de hagasenga, gai dangada gu dee llodo gi iloo e gilaadeu au,” go Tagi Maolunga e hagadaba.

Ezekiel 11:20

Gai gilaadeu ga daudali naa i agu muna gu hagasauaa, ma de daohi agu hainga ga hai hegau ai. Gai gilaadeu e hai naa go ogu dangada, gai au go delaadeu Maadua.

Ezekiel 14:11

Gai gi dee huuhuli gee ai de huaadangada o Israel i de au, aabe go de hai gi hakino gee gilaadeu i olaadeu haisala alodahi. Gai gilaadeu e hai naa go ogu dangada gai au go delaadeu Maadua, go de Ia Aamua go Iahweh e hagadaba.’ ”

Ezekiel 20:38

Au e aau gee naa i oodou daha, gilaadeu e hai baasi mai ma de hagamaanege. Gai e dee galemu naa donu dagu hagassao mai gilaadeu i de henua olaadeu e nnoho gaainga ai laa, aagai gilaadeu e dee ulu donu i de henua o Israel. Gai gi iloo ai e goodou bolo go au donu go Iahweh.

Ezekiel 36:28

Gai goodou ga nnoho ai i de henua aagu ne gaavange gi oodou dubuna madagidagi; gai goodou e hai naa go ogu dangada, gai au go doodou Maadua.

Ezekiel 37:27

Gai dogu mommee noho e dagodo naa i olaadeu daha; gai au e hai naa go delaadeu Maadua, gai gilaadeu go ogu dangada.

Daniel 11:35

Hanu dangada iloo mee laa e maakau naa, e hagadanuaa ai ma de hagagilimalali ai aama de hai gi deai mee baubau i gilaadeu ga dae ai gi de hagaodi; gai e dae mai naa i de masavaa gu hagamodu laa.

Daniel 12:10

Gai e soa naa dangada e hagagilimalali ina naa gilaadeu, ma de hai gilaadeu gi tea ma de danuaa; aagai de gau baubau e duudagi naa donu de hai de baubau. Gai e deai naa donu se dangada baubau e maua gi donu ange, aagai gilaadeu e heiangi laa e tonu ange naa donu.

Joel 2:32

Gai dangada alodahi e hagahia ange de ingoo o Tagi Maolunga e hagamouli; Gai dangada e hagaola naa i honga de mounga go Zion ma Jerusalem, bei de hai a Tagi Maolunga gu tala ai laa; dangada ne ola, go gilaadeu a Tagi Maolunga ne hagahi.

Leviticus 26:12

Au e seesee naa i oodou magavaa, ma de hai go doodou Maadua, gai goodou go ogu dangada.

Zechariah 10:6

“Au e hai naa gi mmahi dangada o Judah, gai au e hagaola naa dangada o Joseph. Au e hagaahe mai naa gilaadeu go hiidinga au e lodo aloha ange gi gilaadeu. Gai e dagodo naa be au tee tili donu gilaadeu, go hiidinga go au Tagi Maolunga, delaadeu Maadua; gai au e basa ange naa gi alaadeu dalodalo.

Zechariah 12:10

“Gai au e gaavange naa gi de huaabodu o David de hagasaalunga o de lodo aloha ma talodalo. Gilaadeu e daumada naa donu au, de ia alaadeu ne velo laa ga hagalagohia, gai gilaadeu ga tangi ai naa i ono hiidinga, bei de dangi o tangada i dana dama dagidahi, ma de kona de hinangalosaa i de ia bei de dangi o tangada i de magau o dana dama madua.

Zechariah 8:8

ga hagaahe mai gilaadeu gi nnoho i Jerusalem. Gilaadeu e hai naa go ogu dangada, gai au go delaadeu Maadua, i de muna abodonu ma de heohi.

Acts 2:21

Gai be goai e hagahia ange Tagi Maolunga gai ia e hagamouli.’

Hebrews 8:10

Gai deenei dagu hagatoo donu hagaheloongoi e hai madali dangada o Israel i dua laangi laa, go Tagi Maolunga e hagadaba: au e hai naa gi daakodo agu hainga i lodo alaadeu maanadu, ma de sisi ange gi olaadeu lodo. Gai au e hai naa go delaadeu Maadua, gai gilaadeu go ogu dangada.

James 1:12

E manuuia tangada e lodo mmahi i dono masavaa e hagataalea ai, go hiidinga noo ia e duu ga makaga i lo te hagatale, gai ia e kave donu de hau o de mouli, go de mee a de Maadua gu hagatoo donu ange gi gilaadeu e aaloha i de ia.

1 Peter 4:12

Ogu soa hagamogomogo, goodou gi dee llele oodou mouli i de tuu adu denga hagaduasala hagammae gi goodou e hagatale ai goodou, ga maanadu bolo hanu mee e dee heohi de hai gu tuu adu gi goodou.

Revelation 21:7

Be goai e kii i mee nei, gai au e bolo ange de mee nei gi de ia; au e hai naa go dono Maadua gai ia go dagu dama.

Revelation 8:10

Gai togodolu dangada de langi ne ili dana trumpet, gai dahi heduu laumalie mmao i lo te langi gu doo iho, gai e ula bei de lama gu haula laa, gai ne doo iho gi honga e dahi diba i diba e dolu o denga leevaa, ma denga saalingaa vai alodahi.

Revelation 8:11

Gai de ingoo o de heduu laa go de Mmala. Gai dahi diba i diba e dolu o denga vai gu mmala, gai gu soa dangada ne maakau i hiidinga o denga vai mmala laa.

Revelation 8:12

Gai togohaa dangada de langi ne ili dana trumpet, gai dahi diba i diba e dolu o de laa, ma de maasina, aama denga heduu gu hagagohu, gai dahi diba i diba e dolu o olaadeu maalama gu gohu; deelaa ai, dahi diba i diba e dolu o de laangi ma de boo gu deai se maalama iai.

Revelation 8:7

Tahi dangada de langi ne ili dana trumpet, gai gu too iho denga duudangaa haisi ma de ahi e hilo laa ma dodo gi henua i lalo. Gai dahi diba i diba e dolu o henua i lalo gu vela, madali dahi diba i diba e dolu o denga manu ssomo, aama denga helii alodahi.

Revelation 8:8

Gai togolua dangada de langi ne ili dana trumpet, gai dahi mee be se mounga laumalie mmao e ula bei de ahi gu tili ange gi honga tai. Gai dahi diba i diba e dolu o tai gu ni dodo,

Revelation 8:9

gai dahi diba i diba e dolu o denga manu alodahi e mouli i lausedi gu maakau, gai dahi diba i diba e dolu o denga vaga gu maoha.