Zechariah 12:4 - De Beebaa Dabu

⁴ De laangi laa, go Tagi Maolunga e hagadaba, gai au e hai naa gi maatagu denga hoosa, gai denga daane e saavini ai e ssenga ange naa. Gai au e hagaloosi ange naa dangada o Judah, aagai ga hai gi dee kide hoosa alodahi a denga huaahenua ange laa.

Zechariah 12:4 Iomraidhean Croise

1 Kings 8:29

Gai koe daumada ina de hale nei i de laangi ma de boo, go de mommee aau ne hagadaba laa bolo e hagadubu ai doo ingoo. Gai koe e hagallongo naa talodalo a doo dangada hai hegau, i de masavaa oona e dalodalo ai ga huli mai gi de mommee nei.

2 Kings 6:14

Gai de hodooligi o Syria ne kave hanu hoosa ma hada hebagi aama dahi hagabuulinga hebagi gi hulo gi kilaa. Gai gilaadeu ne hulo i de boo ga duuli de aduhale laa.

2 Kings 6:18

Gai de masavaa o denga hagadaumee ne loomai ai e poo Elisha, gai ia ne dalodalo ange gi Tagi Maolunga, ga hai ange, “Au e dangidangi adu koe gi haia de hagabuulinga hebagi nei gi dee kide.” Gai ia ga hai gilaadeu gu dee kide, bei de hai a Elisha gu dangidangi ange ai laa.

2 Chronicles 6:20

Gai koe gi daumada ina de hale nei i de laangi ma de boo, go de mommee aau gu hagadaba bolo e hagadubu ai doo ingoo. Gai koe ga hagallongo talodalo a doo dangada hai hegau i de masavaa oona e dalodalo ai ga huli mai gi de mommee nei.

2 Chronicles 6:40

Dogu Maadua, koe gi galo iho ma de hagalaangona talodalo e hai i de mommee nei.

2 Chronicles 7:15

Gai au e galo iho naa ma de hagallongo dalodalo a dangada e dangidangi mai ai i de mommee nei.

Nehemiah 1:6

hagahuuhulia mai luoo dalinga ma luoo mada, mage hagalaangona talodalo a doo dangada hai hegau, e dalodalo ai i mada luoo mada i de laangi ma de boo i dagodo o de gau Israel, oo dangada hai hegau, ma de tala adu haisala o de gau Israel gu haisala adu ai gi de goe. Ni muna abodonu, gimaadeu ma ogu dubuna madagidagi gu haisala adu donu gi de goe.

Isaiah 24:21

De laangi laa gai Tagi Maolunga e hagaduasala naa denga dagi maolunga o lo te langi i lunga ma denga hodooligi o henua i lalo.

Isaiah 37:17

Tagi Maolunga, hagadaahuli ina mai luoo dalinga ma gi hagalaangona; Tagi Maolunga, huugea mai luoo mada ma gi diiloo; gai hagalaangona muna alodahi a Sennacherib, gu hagailoo mai e hagangadi mee ai de Maadua e mouli laa.

Jeremiah 24:6

Gai au e dagitilo naa e hai ange tanuaa gi gilaadeu, ma de hagaahe mai gilaadeu gi de henua nei. Au e hagatuu age naa gilaadeu, e dee oha iho gilaadeu. Au e doo naa gilaadeu, e dee unuunusi age.

Ezekiel 38:4

Au e hai naa goe gi huli gi ahe, ma de hagalau doo ngudu i denga maadau ga kave goe madali doo hagabuulingaa daane hebagi — au hoosa ma denga daane e kage ai, ma daane alodahi e hagauda ina olaadeu goloa hebagi, madali doo hagabuulingaa daane hebagi, e hagauda ina mee hungihungi nnui aama mee hungihungi vaaligiligi, aama de dau alaadeu gadilaasa.

Ezekiel 39:20

Gai goodou e boobosu naa i dogu deebele i denga hoosa ma denga daane e saavini ai, ma denga daane mmahi aama denga daane dau o de hebagi alodahi,’ go de Ia Aamua go Iahweh e hagadaba.

Daniel 9:18

Dogu Maadua, hagahuuhulia mai luoo dalinga hagalaangona; gai huli mai luoo mada diiloo de ngadi dagodo o de aduhale e hagaingoo laa i doo ingoo. Gai e deai donu omaadeu heohi e maua ai i de dangidangi adu gi de goe i dahi mee, aagai go hiidinga donu huu o doo degi laumalie.

Zechariah 10:5

Gilaadeu alodahi e bei denga daane dau o de hebagi, e dagadagahia laa de hagadaumee gi lodo bela i honga haiava. Gilaadeu e kii naa i de hebagi, go hiidinga Tagi Maolunga e noho madali gilaadeu, gilaadeu e hai naa ga dookaa dangada e kage i honga hoosa.

Zechariah 12:11

De laangi laa gai e hai naa tangi laumalie i Jerusalem, bei de tangi o dangada ma de hinangalosaa o dangada i Hadad Rimmon, i de geelonga o Megiddo.

Zechariah 12:3

De laangi laa gai au e hai naa Jerusalem gi bei dahi hadu daemaha ange gi denga huaahenua alodahi. Gai alodahi e sabaia age e hai naa ga lagolagohia gilaadeu. Gai denga huaahenua alodahi o henua i lalo e hagabuni mai naa e hebagi ange aagena.

Zechariah 12:5

Gai denga hagadiilinga o Judah e hagataba naa, ‘Mahi o dangada i Jerusalem ni mee mai i daho Tagi o denga hagabuulinga hebagi, delaadeu Maadua.’

Zechariah 12:6

De laangi laa gai au e hai naa denga hagadiilinga o Judah gi bei de anibada iai de ahi i magavaa o denga lahhie, ma de lama e ula laa i magavaa denga noodangaa grain. Gai gilaadeu e daa naa ga maakau denga huaahenua alodahi e duuli ina gilaadeu i de madau ma de masui, gai Jerusalem e nnoho ai naa dangada i dono mommee donu, go Jerusalem.

Zechariah 14:15

Gai de mee hagamaakau mau e baa naa i denga hoosa, ma mule, ma gamelo, ma donkey, aama manu alodahi i olaadeu mommee nnoho gaainga.

Zechariah 9:8

Aagai au e duuli naa dogu hale, ma de tilo gi deai hagabuulinga hebagi e ulu ai. E deai ange naa hogi daane hebagi e vaivai haia ogu dangada, go hiidinga iainei gai au gu dagitilo gilaadeu.

Acts 17:30

I mua gai de Maadua tee anga ange gi de ssenga o dangada, aagai iainei ia e hai ange gi dangada i mommee alodahi gilaadeu gi daahuli olaadeu lodo.

Deuteronomy 28:28

Gai Tagi Maolunga e hai naa goe gi libolibo ange doo biho, ma tee gide aama de buni ange oo lodo.