Zechariah 12:3 - De Beebaa Dabu

³ De laangi laa gai au e hai naa Jerusalem gi bei dahi hadu daemaha ange gi denga huaahenua alodahi. Gai alodahi e sabaia age e hai naa ga lagolagohia gilaadeu. Gai denga huaahenua alodahi o henua i lalo e hagabuni mai naa e hebagi ange aagena.

Zechariah 12:3 Iomraidhean Croise

Isaiah 60:12

Gai denga huaahenua ma nohoanga hodooligi e dee hai hegau adu laa gi de goe e daa naa ga maakau, gai e oha naa donu ga maoha.

Obadiah 1:18

Dangada o Jacob e bei naa dahi ahi, dangada o Joseph e bei naa de ula o dahi ahi; gai dangada o Esau e bei naa denga gainga, gai gilaadeu e dudu naa gilaadeu ga odi. Gai e deai naa donu dangada e ola i dangada o Esau,” go Tagi Maolunga e hagadaba.

Micah 5:15

Au e sui ange naa hegau a denga huaahenua i dogu bole, go gilaadeu tee hagallongo mai laa gi de au.”

Micah 5:8

Gai dangada o Jacob e doe e nnoho laa i magavaa o denga huaadangada soa, e bei de laiono i magavaa o denga manu lodo henua, ma de laiono mmahi i magavaa o denga hagabuulingaa ssiibi, e hagalagolagohia laa ma de hangahanga ina mee i honga dono haiava, gai e deai naa donu se dangada e maua i de hagaola.

Habakkuk 2:17

Au hegau alasala ne hai ange gi Lebanon e hai naa ga manavasaa oo lodo, gai dau daa ga maakau denga manu dolodolo e hai naa goe ga madagu, i hiidinga dodo o dangada ma dau vaivai hai denga henua ma aduhale aama dangada alodahi e nnoho ai.

Zephaniah 3:19

Tilo, de masavaa laa gai au e hagaduasala naa gilaadeu alodahi ne vaivai haia goe. Au e hagaola naa tangada balagelage ma de hagabuni mai dangada gu mavaevae saele laa. Au e hai naa dangada gi duuhia ma de hagadubu gilaadeu, i henua alodahi olaadeu ne hagadookaa ina ai laa.

Haggai 2:22

Au e kave gee naa ssauaa ma mahi o denga nohoanga hodooligi. Au e oha naa olaadeu hada hebagi ma denga daane e saavini ai; alaadeu hoosa ma gilaadeu e kage ai e maakau naa, gai gilaadeu e hagadau daa naa donu huu gilaadeu.

Zechariah 12:11

De laangi laa gai e hai naa tangi laumalie i Jerusalem, bei de tangi o dangada ma de hinangalosaa o dangada i Hadad Rimmon, i de geelonga o Megiddo.

Zechariah 12:4

De laangi laa, go Tagi Maolunga e hagadaba, gai au e hai naa gi maatagu denga hoosa, gai denga daane e saavini ai e ssenga ange naa. Gai au e hagaloosi ange naa dangada o Judah, aagai ga hai gi dee kide hoosa alodahi a denga huaahenua ange laa.

Zechariah 12:6

De laangi laa gai au e hai naa denga hagadiilinga o Judah gi bei de anibada iai de ahi i magavaa o denga lahhie, ma de lama e ula laa i magavaa denga noodangaa grain. Gai gilaadeu e daa naa ga maakau denga huaahenua alodahi e duuli ina gilaadeu i de madau ma de masui, gai Jerusalem e nnoho ai naa dangada i dono mommee donu, go Jerusalem.

Zechariah 13:1

“De laangi laa gai e dahi naa vai e sali age e hagagilimalali ai haisala ma hakino gee o de huaabodu o David aama dangada e nnoho i Jerusalem.

Zechariah 14:13

De laangi laa gai Tagi Maolunga e hai naa gi kona delaadeu maatagu. Dahi ma dahi e poo naa dono soa, gai gilaau ga hagadau hebagi.

Zechariah 14:6

De laangi laa gai e deai naa donu se maalama o de laa, be e hagamagalili, aabe ni haisi.

Matthew 21:44

Be goai e doo ange gi honga de hadu nei e maoha dono angaanga, aagai be goai e doo ange de hadu nei gi ono elunga, gai ia e balaginagina donu.”]

Luke 20:18

Be goai e doo ange gi honga de hadu laa e maoha dono angaanga, aagai noo de hadu laa e doo ange gi honga o tangada gai ia gu balaginagina donu.”

Revelation 16:14

Aagai denga hagasaalunga baubau laa e hai denga sauaa, gai gilaadeu ne hulo gi daho denga hodooligi alodahi o henua i lalo, ga hagabuni mai gilaadeu e hagadabena ange gi de hebagi i de laangi maolunga o de Maadua Mmahi Mmao laa.