Zechariah 11:6 - De Beebaa Dabu

⁶ Au e dee lodo aloha ange naa gi dangada o de henua, go Tagi Maolunga e hagataba. Au e dugu ange naa dangada gi olaadeu hodooligi ma dangada e paa ange gi gilaadeu gi vaivai haia gilaadeu. Gai gilaadeu e oha naa de henua, gai au e dee hagaola naa donu dahi gilaadeu.”

Zechariah 11:6 Iomraidhean Croise

Psalm 50:22

Goodou gu ngalo laa de Maadua, hagasaelea de mee nei, au kana hangahanga goodou, gai gu deai e maua i de hagaola goodou.

Isaiah 27:11

De masavaa naa huu o ono laa vaaligi e mmasa ai, gai gu hadihadi, gai denga haahine ga hai ai alaadeu ahi. Gai de huaadangada nei e dee maua donu gi tonu ange, gai de ia ne haia gilaadeu tee lodo aloha i gilaadeu; de ia ne haia gilaadeu tee abodonu ange gi gilaadeu.

Isaiah 3:5

Dangada e hagadau vaivai daakodo naa i olaadeu magavaa, dahi dangada e vaivai hai tangada ange laa ma tangada e baa ange gi de ia. De gauligi e hai baasi ange naa gi tangada madumadua, tangada maolalo e hai baasi ange naa gi tangada hagadubu.

Jeremiah 13:14

Au e hai naa gilaadeu gi bei denga ssaa hadu e hagadau hoohoa laa; go denga damana ma denga dama alodahi, go Tagi Maolunga e hagadaba. Au e dee aloha ange naa donu, be e abodonu ange, aabe e lodo aloha ange gi gilaadeu, ga dee daa ai gilaadeu gi maakau.’ ”

Lamentations 2:21

Denga dama daane ma de gau maatua gu daakodo i lodo gelegele i honga haiava; agu damaa hine ma agu dama daane gu daia ma gu maakau i de gadilaasa. Koe ne daa gilaadeu ga maakau i de laangi oou ne lili ai; koe tee lodo aloha ange gi gilaadeu, aagai ne daa gilaadeu ga maakau.

Lamentations 5:8

Gai gu ni dangada hai hegau e dagina gimaadeu; gu deai hogi dangada e hagaola ina mai gimaadeu i olaadeu daha.

Ezekiel 8:18

Deenei ai, au e hagaduasala naa gilaadeu i dogu bole; au e dee lodo aloha ange naa donu gi gilaadeu aabe hagaola gilaadeu. Gai ga kona naa donu delaadeu oo mai gi lodo luoogu dalinga, gai au e dee hagallongo donu gilaadeu.”

Ezekiel 9:10

Gai au e dee lodo aloha ange naa donu gi gilaadeu aabe hagaola gilaadeu, aagai au e hagaduasala naa donu gilaadeu i hiidinga alaadeu hegau.”

Hosea 1:6

Gai Gomer ne hai dama ange hogi ga haanau dahi damaa hine. Gai Tagi Maolunga ga hai ange gi Hosea, “Hagaagahi ange dono ingoo go Lo-Ruhamah, go hiidinga au e dee lodo aloha ange naa donu gi dangada o Israel, aabe e degi ange gi gilaadeu.

Hosea 2:10

Iainei gai au ga hagaui nei gi deai ono malo gi dogaa ai ia i ono dau soa, gai e deai naa donu e maua i de hagaola ia mai i de au.

Micah 5:8

Gai dangada o Jacob e doe e nnoho laa i magavaa o denga huaadangada soa, e bei de laiono i magavaa o denga manu lodo henua, ma de laiono mmahi i magavaa o denga hagabuulingaa ssiibi, e hagalagolagohia laa ma de hangahanga ina mee i honga dono haiava, gai e deai naa donu se dangada e maua i de hagaola.

Micah 6:14

Koe e gaimee naa, aagai e dee maua gi bosu, gai doo dinae e dee maua donu gi honu. Koe e hagabudu goloa, gai e dee maua donu gi daakodo, go hiidinga au e dugu ange naa gi de gadilaasa au mee gu doange.

Haggai 2:22

Au e kave gee naa ssauaa ma mahi o denga nohoanga hodooligi. Au e oha naa olaadeu hada hebagi ma denga daane e saavini ai; alaadeu hoosa ma gilaadeu e kage ai e maakau naa, gai gilaadeu e hagadau daa naa donu huu gilaadeu.

Zechariah 11:14

Gai au ne hhadi hogi de lua dogo e hagaingoo ange laa go de Buni, gi dee buni Judah ma Israel.

Zechariah 11:5

Dangada e hagao ina gilaadeu e daa gilaadeu ga maakau, gai gilaadeu tee hagaduasala. Dangada e hagao ina gi daha denga ssiibi e hagataba, ‘Duuhia Tagi Maolunga, au gu se dangada lava.’ Olaadeu dangada hagaloosi e dee lodo aaloha ange donu gi gilaadeu.

Zechariah 11:9

Gai au ne hagadaba, “Au gu dee hagaloosi adu goodou. Tangada gu dai magau gi magau, gai tangada e daia gi magau gi daia gi magau. Gai dangada e doe gi hagadau daia donu huu gilaadeu.”

Zechariah 14:13

De laangi laa gai Tagi Maolunga e hai naa gi kona delaadeu maatagu. Dahi ma dahi e poo naa dono soa, gai gilaau ga hagadau hebagi.

Zechariah 8:10

Laangi i mua, gai e deai donu se dangada e hagao ina tangada aabe go de manu aana e hagahai hegau laa. E deai hogi se dangada e baba ono lodo i dono hano saele, i hiidinga o de hagadaumee, go hiidinga au ne hai gi hagadau hai baasi dangada.

Malachi 4:6

Gai ia e hagadanuaa naa magavaa o denga maadua ma alaadeu dama, ma magavaa o denga dama ma olaadeu maadua; kana hanadu au ga oha de henua ga hagamalaia.”

Matthew 10:21

Dahi dangada e gaavange naa dono daina daane e daa gi magau, gai tamana e gaavange naa dana dama. Denga dama e hai baasi ange naa gi olaadeu maadua ga daa gilaadeu gu maakau.

Matthew 22:7

Gai de hodooligi laa gu kona mmao de lili. Gai ia ga hai gi hulo ono daane hebagi gi daia gi maakau de gau daa dangada laa magi duungia delaadeu aduhale.

Matthew 24:10

Gai e soa naa dangada e daahuli gee i de laangi laa, ma de hagadau hagabaubau aama de hagadau kino.

John 19:15

Gai gilaadeu ga hevaalogi ga hai ange, “Gaavee gee ia, gaavee gee ia, daudau ina ia i de laagau lui!” Pilate ne ssili ange gi gilaadeu, “Goodou e llodo au gi daudaulia doodou Hodooligi i de laagau lui?” Gai de gau haimeedabu maolunga ga hai ange, “E deai ange donu semaadeu hodooligi, go Caesar donu huu.”

1 Thessalonians 2:16

De gau nei ne hagammahi donu ga buibui gimaadeu gi dee agoagona ange denga Gentile, gi dee hagamouli ai gilaadeu. Gai gilaadeu e hai gi kii ange de hoohonu olaadeu haisala i delaadeu hai mee nei. Gai de bole ⌊o de Maadua⌋ gu duu ange donu gi gilaadeu iainei!

Hebrews 2:3

gai dee hee ai taadeu hai e hagaola ai gidaadeu, noo gidaadeu e hagangadi mee de hagamouli maolunga nei? De hagamouli nei ne tala i mua i daho Tagi Maolunga, gai dangada ne langona ne tala hagadonu mai gi gidaadeu.

James 2:13

Go hiidinga de Maadua e dee degi ange donu gi tangada e dee degi ange laa gi dangada i de masavaa hagamodu muna; aagai tegi e kii i de hagamodu muna.