Zechariah 10:4 - De Beebaa Dabu

⁴ Go Judah e humai ai tuludulu o de logunga, go ono daha e humai de laagau hagamakaga o de hale malo, go ono daha iai de mee hholu ange gi de hebagi, gai go ono daha e loomai ai dagi alodahi.

Zechariah 10:4 Iomraidhean Croise

Genesis 49:24

aagai dana mee hholu e dee ngalungalue naa donu, luoono lima e hai ga mmahi i hiidinga o de Ia Mmahi o Jacob, go de Ia Hagaloosi, ma de Baba mmahi o Israel.

Ezra 9:8

Aagai iainei Tagi Maolunga demaadeu Maadua ne abodonu mai gi gimaadeu, i dahi damaa masavaa, ia ne hai gi hanu gimaadeu e doe, ma de gaamai gi gimaadeu dahi duulanga i dono mommee dabu. Demaadeu Maadua ne hai gi ilaage gimaadeu ma de ola mai i omaadeu hagaduasala.

Psalm 118:22

De hadu a de gau hagatuu hale ne hagangadi mee gu hai go de hadu i tege.

Isaiah 19:13

Denga dagi o Zoan ni dangada donu ssenga, gai dagi o Memphis gu hagasengalia; go gilaadeu duludulu o dangada, aagai gilaadeu gu dagi gee Egypt.

Isaiah 28:16

Gai e hagadaba de Ia Aamua go Iahweh; “Tilo, au gu hagaduu dahi hadu e hai ai tagelo i Zion, se hadu gu lava i de hagadanuaa; gai go tuludulu o de logunga hagamogomogo, gai se dagelo makaga; gai be goai e hagadonusia e dee hai mee hagamoolau.

Isaiah 49:2

Ia ne hai dogu ngudu gi kangi bei de gadilaasa, gai ne haoli au i lalo de malu o dono lima; ia ne hai hogi au gi bei dahi dao o de mee hholu gu hakaa ma gu kangi, ma gu hhao gi lo te mommee hhao dao.

Isaiah 54:16

Tilo, go au ne hagadau ina de labagau o denga baalanga, go tangada e iliilihia denga maga ahi gi ula, ma de hai dahi goloa hebagi gi heohi ange gi ono hai hegau. Gai go au hogi ne hagadau ina tangada e oohaa laa gi oohaa mee;

Jeremiah 1:18

Tilo, ailaa nei gai au gu hai goe gi bei dahi aduhale buibui makaga, gai se duludulu iron, gai se buibui bronze, e hai baasi ange ai gi de henua alodahi — gi denga hodooligi o Judah, ma dagi o de henua, ma ono dangada haimeedabu, aama dangada o de henua.

Jeremiah 51:20

Go koe dagu haamaa ma dagu laagau hebagi — go koe e balea mai au e oha ai denga huaahenua, go koe e balea mai au e oha ai denga nohoanga hodooligi,

Zechariah 9:10

Au e hai naa gi deai hada hebagi o Ephraim ma hoosa hebagi i Jerusalem, ma de hhadi de mee hholu e hai ai de hebagi. Ia e hai naa gi noho paba denga huaahenua; gai ia e dagi naa mai i tai ga dae ai gi tai ange laa, ma mai i ssaalingaa vai go Euphrates, ga dae ai gi de bido laa o henua i lalo.

Zechariah 9:8

Aagai au e duuli naa dogu hale, ma de tilo gi deai hagabuulinga hebagi e ulu ai. E deai ange naa hogi daane hebagi e vaivai haia ogu dangada, go hiidinga iainei gai au gu dagitilo gilaadeu.

Numbers 24:17

Au e gidee ia, gai e dee go iainei; au e daumada ia, aagai ia tigi baa mai. Dahi heduu e sobo age naa i daho Jacob, dahi laagau hodooligi e sula age naa i Israel; ga dagahi gi bala de biho o Moab, ma de ngadi biho o hagadiilinga o Sheth.

Matthew 9:38

Deenei ai, goodou dangidangi ange gi de Ia Aamua o tau gai, ia gi haia gi hulo de gau hai hegau gi dana dau gai.”

Luke 20:17

Aagai Iesu ga haaina gilaadeu, ga hai ange, “Dee hee de hagadoonunga o muna gu sisi laa: ‘De hadu a de gau hagatuu hale ne hagangadi mee gu hai go de hadu i tege’?

Ephesians 2:20

Goodou gu hagatuu ange gi honga tagelo a de gau tala ma denga pelaabisi, gai go Klisdo Iesu donu tuludulu o de logunga,

2 Timothy 2:4

E deai donu se daane e hagadee saohia ange ia gi hegau i de laa tubua, i de masavaa o de hebagi, gai dana mee e hai go de hagamalangilangi donu huu dono dagi.

1 Peter 2:6

Go hiidinga e hagadaba de Beebaa Dabu: “Tilo, au e hagaduu dahi hadu i Zion, go tuludulu hagamogomogo i tege ne hili laa, gai be goai e hagadonusia ia e dee hagadogaa ina donu.”

Revelation 17:14

Gai gilaadeu e hulo naa ga hebagi ange gi Ssiibi Gauligi, aagai Ssiibi Gauligi e hagadee kii naa gilaadeu, go hiidinga go ia Tagi Maolunga o denga dagi, ma de Hodooligi o denga hodooligi. Gai dangada madali ia gu lava i de hagahi, ma de hili, gai gilaadeu e hai hegau i de mee abodonu.”

1 Samuel 14:38

Saul ne hai ange, “Denga dagi alodahi o de hebagi, goodou loomai gi kinei, gai gidaadeu ga ssala gi iloo be se haisala aha gu hai anailaa nei.