Zechariah 10:2 - De Beebaa Dabu

² Denga diinonga e dee tala de muna abodonu, de gau e daalaa mee e loomai e hadu muna; gilaadeu e tala denga midi dee heohi, alaadeu muna hagaaneane e deai haigamaiana. Deelaa ai, dangada gu ssenga saele bei denga ssiibi; gilaadeu gu duasala i hiidinga gu deai selaadeu hagaloosi.

Zechariah 10:2 Iomraidhean Croise

Genesis 31:19

De masavaa o Laban ne hano ai e duuduu huluhulu o ana ssiibi, gai Rachel ne gaiaa denga diinonga a de huaabodu o dono damana.

1 Kings 22:17

Gai Micaiah ga hai ange, “Au ne gidee de gau Israel alodahi e mavaevae saele i honga denga mounga, bei dagodo o denga ssiibi e deai selaadeu dangada hagaloosi; gai Tagi Maolunga ne hai mai, ‘De gau nei e deai donu selaadeu dagi; haia gilaadeu gi aahe gi olaadeu hale i de baba.’ ”

De Beebaa go Job 13:4

Aagai goodou e haoli goodou i oodou muna hhadu; goodou alodahi ni dangada hai magi dee haigamaiana!

De Beebaa go Job 21:34

E maua naa donu e goodou i de hagaaneane ogu lodo i oodou ngadi muna? Oodou muna alodahi e deai donu se muna abodonu iai.”

Isaiah 41:29

Tilo, gilaadeu alodahi ni ngadi mee, alaadeu hegau e deai donu haigamaiana, olaadeu diinonga baalanga e bei de ngadi madangi.

Isaiah 44:25

Gai go au e haia gi dee ssula hagailonga a denga pelaabisi hadu muna, ma de hai de gau e daalaa mee loomai gi bei de gau llodo ssenga, ma de hai gi dee ssula muna a de gau heiangi, aama de hai olaadeu iloo mee gi deai haigamaiana;

Isaiah 44:9

Alodahi e haia denga diinonga ni ngadi mee, gai alaadeu mee hagamogomogo e deai donu mee e kii ange ai. Dangada e daalaa hagadonu olaadeu dagodo e dee kide, ma de ssenga — gilaadeu e hagadookaa ina naa.

Isaiah 46:5

Goai oodou e hagataba bolo e bei ogu dagodo, gai goai oodou e hagahedae ange au aagena, ma de hagataba bolo gimaadeu e dagodo daudahi?

Jeremiah 10:8

Gilaadeu alodahi e ssenga ma de llodo ssenga; gilaadeu e agoago i daho denga diinonga laagau e deai laa olaadeu haigamaiana.

Jeremiah 14:13

Gai au ne hai ange, “De Ia Aamua go Iahweh, tilo, denga pelaabisi e hai ange gi dangada, ‘Goodou e dee gidee naa donu de gadilaasa ma de onge, aagai Tagi Maolunga e hai naa donu goodou gi nnoho paba i de mommee nei.’ ”

Jeremiah 14:22

Gu hanu laa ngadi diinonga i magavaa diinonga o denga huaahenua e maua i de hai gi pala de langi? E aha, e maua e de langi i de hai gi pala iho de langi? E deai, gai go Iahweh demaadeu Maadua e haia mee nei. Deenei ai, go koe demaadeu tali hagalodolodo, gai go koe e haia mee nei alodahi.

Jeremiah 23:17

Gilaadeu e duudagi huu de hai ange gi dangada e hagangadi mee ina dogu ingoo, ‘E hagadaba Tagi Maolunga: Goodou e nnoho paba naa donu;’ gai e hai ange gi dangada alodahi e hagamakaga ina olaadeu lodo, ‘E deai donu se hai ngadaa e duu adu gi goodou.’

Jeremiah 23:32

Tilo, au e hai baasi ange gi gilaadeu e pasa pelaabisi i denga midi hhadu, go Tagi Maolunga e hagadaba. Gilaadeu e dagi gee ogu dangada i alaadeu muna hagassoenga, gai e dee go au donu ne haia gilaadeu gi hulo, aabe go au ne hilia gilaadeu. Deenei ai, e deai donu olaadeu haigamaiana ange gi dangada, go Tagi Maolunga e hagadaba.

Jeremiah 27:10

Gilaadeu e pasa pelaabisi naa ga hadu muna adu ai gi goodou, ga hidi mai ai doodou noodia ga gaavee gee mai i doodou henua. Gai au e hai naa goodou gi hulo gi denga henua gee gi maakau ai.

Jeremiah 27:14

Goodou aude hagalaangona muna a denga pelaabisi e hai adu naa, ‘Goodou e dee hai hegau ange naa donu gi de hodooligi o Babylon.’ Go hiidinga gilaadeu e hadu muna adu gi goodou.

Jeremiah 27:9

Gai goodou e dee hagallongo muna a oodou pelaabisi, ma oodou dangada e daalaa mee e dee iloo, ma oodou dangada hagadonu midi, ma oodou hilohilo ma eidu, aama oodou dangada e haia gi loage denga hagasaalunga e tala adu laa gi goodou, “Goodou e dee hai hegau ange naa donu gi de hodooligi o Babylon.”

Jeremiah 28:15

Gai de pelaabisi go Jeremiah ga hai ange gi de pelaabisi go Hananiah, “Hananiah, e dee go Tagi Maolunga donu ne haia goe gi humai, gai koe gu hai dangada gi hagadonusia hanu muna hhadu.

Jeremiah 29:8

Gai e hagadaba Tagi o denga hagabuulinga hebagi, de Maadua o Israel: Goodou gi dee dugua ange denga pelaabisi ma de gau e daalaa mee e loomai i oodou magavaa gi hagasengalia goodou, goodou e dee hagallongo ange gi muna a dangada e haia denga midi,

Jeremiah 37:19

I hee iai oodou pelaabisi e pasa pelaabisi laa ma e hai adu, ‘De hodooligi o Babylon e dee humai naa donu e hebagi adu gi goodou aabe go de henua nei’?

Jeremiah 50:17

Israel e bei dahi hagabuulingaa ssiibi e doolohia laa i de laiono ga hai gu mavaevae saele. Tangada ne holomia ia i mua go de hodooligi o Assyria; gai tangada hagaodi ne hadihadia ono ivi go Nebuchadnezzar, de hodooligi o Babylon.”

Jeremiah 51:23

go koe e balea mai au e daa ai tangada hagaloosi ma ana ssiibi; go koe e balea mai au e daa ai tangada hai veelenga ma ana kaau e hagahai hegau; go koe e balea mai au e daa denga goobenaa ma dagi o de hebagi.

Jeremiah 6:14

Gilaadeu e saabini maanuga o ogu dangada e dagodo be e dee ni maanuga kona. Gilaadeu e hagataba, ‘Nnoho paba, nnoho paba,’ aagai e deai donu se nnoho paba.

Jeremiah 8:11

Gilaadeu e saabini maanuga o ogu dangada e dagodo be e dee ni maanuga kona. Gilaadeu e hagataba, ‘Nnoho paba, nnoho paba,’ aagai e deai ai donu se nnoho paba.

Lamentations 2:14

Oo pelaabisi ne gidee denga midi hagaago ange hadu muna ga daahanga ai dangada; gilaadeu tee hagaago adu oo baubau gi hagaahea mai ai goe gi de henua, aagai gilaadeu ne hagassenga goe i denga muna pelaabisi ga dagi gee ai goe.

Ezekiel 21:21

De hodooligi o Babylon e humai naa ga duu i de hesilihaginga o luu haiava laa, ga hai ai de buubuu; ia e luuluu naa denga dao o de mee hholu gi too gi lalo, ma de ssili gi iloo i daho ono diinonga, aama de galo ange ga tilo de ade.

Ezekiel 21:29

Gilaadeu e hai denga midi hhadu i oo dagodo, ma de tala oo dagodo i mee e loomai i de hadu muna, ma de hagauda ange goe gi honga eu o de gau baubau gu dai daa laa gi maakau, gai delaadeu laangi e hagaduasala ai gu dae mai donu.

Ezekiel 34:5

Gai denga ssiibi gu mavaevae saele, i hiidinga gu deai selaadeu dangada hagaloosi, gai gilaadeu gu ni gai nii denga manu lodo henua.

Ezekiel 34:8

Au e hagatoo donu i dogu mouli, go de Ia Aamua go Iahweh e hagadaba: go hiidinga dagu hagabuulingaa ssiibi gu gaina i denga manu alasala alodahi, gai gu deai dangada hagaloosi e ssala gilaadeu e hagaahe mai, de gau hagaloosi gu haangai donu gilaadeu, gilaadeu gu dee haangai agu ssiibi,

Hosea 3:4

De gau Israel e daulooloa naa teai selaadeu hodooligi aabe se dagi i de henua, gu deai alaadeu sigidaumaha be ni duludulu dabu, e deai hogi olaadeu ephod aabe ni diinonga i lodo olaadeu hale.

Micah 2:12

Jacob, au e hagabuni mai naa oo dangada. Au e hagabuni mai naa de gau Israel e doe. Au e hagabuni mai naa gilaadeu bei denga ssiibi i lo te buibui, ma de hagabuulingaa ssiibi i de mommee iai helii; gai de henua e soa naa dangada e nnoho ai.

Habakkuk 2:18

Ni haigamaiana aha o dahi diinonga, noo se mee nii tangada ne hagaduu; gai se diinonga baalanga e agoagona denga muna hhadu? Gai tangada ne haia e tali hagalodolodo ange gi dana mee ne hagaduu; gai denga diinonga aana e hai e dee maua i de pasa!

Zechariah 11:17

E vakaa naa tangada hagaloosi deai ono haigamaiana, go de ia ne dilia de hagabuulingaa ssiibi! De gadilaasa gi duudia dono lima ma dono ganomada madau! Dono lima masui gi magau, dono ganomada madau gi dee gide!”

Numbers 27:17

gai ia ga hano ai i olaadeu mada i mua, ma de dagi gilaadeu i mommee alodahi, gai de hagabuulingaa dangada o Tagi Maolunga gu dee bei denga ssiibi e deai laa selaadeu dangada hagaloosi.”

Matthew 9:36

De masavaa a Iesu ne gidee ai dangada soa, gai ia gu lodo aloha i gilaadeu, go hiidinga gilaadeu e dee nnoho paba gai e maoha saele, bei dagodo o denga ssiibi e deai laa selaadeu dangada hagaloosi.

Mark 6:34

De masavaa o Iesu ne dae ai ga gidee dangada soa i kilaa, gai ia gu lodo aloha i gilaadeu, go hiidinga gilaadeu e bei dagodo o denga ssiibi e deai laa selaadeu dangada hagaloosi. Gai ia ga daamada de agoago ange gilaadeu i mee lagolago.

Deuteronomy 13:2

gai noo de hagailonga ma de mee hagalele mouli aana gu tala laa ne sula, aagai noo ia e hai adu, “Gidaadeu ga hulo e daudali ange i hanu diinonga gee” (go diinonga oodou tigi iloo laa), “ma de daumaha ange gi gilaadeu,”

Judges 18:14

Gai denga daane dogolima ne hulo laa e mulidagi ina de mommee go Laish, ga hai ange gi olaadeu dangada, “Goodou e iloo laa bolo e dahi hale i kinei iai dahi ephod, ma hanu diinonga o de huaabodu, aama dahi diinonga i laagau ma baalanga? Gai goodou hagasaelea be ni aha oodou e hai.”