Zechariah 10:10 - De Beebaa Dabu

¹⁰ Au e hagaahe mai naa gilaadeu i de henua go Egypt, ma de hagabuni mai gilaadeu i Assyria. Au e hagaahe mai naa gilaadeu gi Gilead ma Lebanon, ga dae ai gi delaadeu dee oo i luu mommee laa.

Zechariah 10:10 Iomraidhean Croise

Isaiah 60:22

Dangada hugadoo e sogoisi i goodou e hai naa ga se aamuli soa, gai de hagabuulinga damaa mee hugadoo e hai naa ga se huaahenua soa. Go au donu go Iahweh, au e hai gi moolau de hai mee nei i de masavaa gu hagamodu.

Jeremiah 22:6

Gai e hagadaba Tagi Maolunga i dagodo o de hale o de hodooligi o Judah: “E dee galemu donu koe e bei Gilead mai gi de au, ma de ulu o Lebanon, gai au e hai naa goe gi bei de vao, ma denga aduhale e deai dangada e nnoho ai.

Jeremiah 50:19

Aagai au e hagaahe mai naa Israel gi dono mommee iai helii, gai ia e gaimee ai i honga Carmel ma Bashan; ia e bosu danuaa naa i honga duuduu o Ephraim ma Gilead.

Hosea 11:10

Gilaadeu e daudali ange naa i Tagi Maolunga, ia e oo naa bei de laiono e goo laa; uaa, ia e oo naa bei de laiono e goo laa, gai ono dangada e bolebole naa ga loomai ai i dai.

Hosea 11:11

Gilaadeu e bolebole naa ga loomai ai bei denga manu llele mai i Egypt ma denga manu kono mai i de henua go Assyria. Gai au e hagaahe mai naa gilaadeu gi delaadeu mommee,” go Tagi Maolunga e hagadaba.

Obadiah 1:20

De hagabuulingaa dangada o Israel e kave naa de henua o de gau Canaan, ga hano ai ga dae gi Zarephath; gai dangada o Jerusalem ne gaavee laa gi Sepharad e henua naa i denga aduhale o de Negev.

Micah 7:14

Hagaloosia ange oo dangada i doo dogo, go de hagabuulingaa ssiibi o doo boolonga, go dangada e nnoho laa donu huu i gilaadeu i lodo henua, i de mommee iai de gelegele danuaa. Dugua denga manu gi gaimee saele i Bashan ma Gilead bei dagodo mee nogo hai madagidagi.

Zechariah 8:7

E hagadaba Tagi o denga hagabuulinga hebagi: Tilo, au e hagaola naa ogu dangada mai i denga henua i dua ma henua i dai,

Zechariah 8:8

ga hagaahe mai gilaadeu gi nnoho i Jerusalem. Gilaadeu e hai naa go ogu dangada, gai au go delaadeu Maadua, i de muna abodonu ma de heohi.