Zechariah 1:5 - De Beebaa Dabu

⁵ I hee iai oodou dubuna madagidagi? Gai denga pelaabisi, gilaadeu e mouli laa ga hano ai?

Zechariah 1:5 Iomraidhean Croise

2 Kings 13:14

Gai de masavaa huu o Elisha ne magi ai ga dai magau, gai Jehoash, de hodooligi o Israel ga humai gi ono daha, gai ia ga oo ga hagadaba, “Dogu damana, dogu damana! Denga hada hebagi o Israel ma daane e saavini ai!”

2 Kings 13:20

Gai Elisha ne magau, gai dangada ga danu ia. Gai de gau Moab e dee modu de loomai ma e hebagi ange gi de henua i de masavaa o de matili age.

Psalm 90:10

Gai de lagolago o odaadeu ngadau e mouli ai se madahidu, aabe e madavalu, noo gidaadeu e mmahi; aagai laangi laa iai de hai ngadaa ma taemaha, gai e moolau donu de odi, gai gimaadeu e lele ga hulo.

Ecclesiastes 1:4

Dahi atangada e humai, gai dahi atangada gu hano, aagai henua i lalo e dagodo ga hano ai.

Ecclesiastes 12:5

de masavaa olaadeu gu maatagu ai i de mommee maolunga, gai denga mee hagamaatagu gu honga denga haiava; i de masavaa e aala ai hua o de almond, gai de itebuubuu gu tagi luoono vae, gai gu deai donu se lodo e hanage i ono lodo; go hiidinga tangada e hano gi dono mommee e dee ngado mai, gai de gau hinangalosaa e hulo saele i honga haiava;

Ecclesiastes 12:7

gai de mama o de gelegele e ahe ange naa gi de gelegele, ne daamada mai ai laa, gai de hagasaalunga e ahe gi daho de Maadua ne gaavange laa.

Jeremiah 36:28

“Ahe ange haia dahi beebaa mulo ga sisi ai muna alodahi i lo te beebaa mulo a Jehoiakim, de hodooligi o Judah ne dudu laa.

Lamentations 5:7

Omaadeu dubuna ne haisala, gilaadeu gu dee mouli iainei; gai gimaadeu gu hagaduasala i hiidinga o olaadeu baubau.

John 8:52

Gai de gau Ssuu ga hai ange gi de ia, “Deenei donu de sula mai bolo de hagasaalunga baubau e noho i oo daha! Abraham gu magau, gai e bei ai hogi denga pelaabisi; gai koe e hagadaba, ‘Tangada e daohia agu muna e dee magau donu.’

Acts 13:36

Dua de hai a David ga bei lodo o de Maadua i dono atangada, gai ia ne magau ga danu madali ono maadua madagidagi, gai dono angaanga ne bobo,

Hebrews 9:27

Bei de hai gu hagamodu ange ai laa bolo dangada e maakau i e dahi donu huu hanonga, gai dua naa huu mee nei go de hagamodu muna,

1 Samuel 25:1

Gai ga magau huu Samuel; gai de gau Israel alodahi ga hagabuni ga tangi i de ia, gai gilaadeu ga danu ia i dono hale i Ramah. Muli mai gai David ne hano gi de vao o Paran.