Zechariah 1:16 - De Beebaa Dabu

¹⁶ Deenei ai, e hagadaba Tagi Maolunga: Au e ahe ange naa e lodo aloha ange gi Jerusalem; dogu hale e hagaduu naa i lo te aduhale laa, gai de uga haide e haide naa Jerusalem, go Tagi o denga hagabuulinga hebagi e hagadaba.

Zechariah 1:16 Iomraidhean Croise

De Beebaa go Job 38:5

Goai ne hagailonga ina ono haidenga? Ni muna abodonu koe e odi donu mee nei i dau iloo! Gai goai ne dagia de uga ga haide ai?

Isaiah 12:1

De laangi laa gai koe e hagadaba naa: “Tagi Maolunga, au e hagaahe adu de abodonu gi de goe, go hiidinga, e dee galemu koe nogo lili i de au, gai iainei koe gu dee lili, gai gu hagaaneane ogu lodo.

Isaiah 34:11

De owl e loomai naa ga nnoho i kilaa; de owl laumalie ma de raven e nnoho naa hogi i kilaa. Gai de Maadua e dagi naa de uga haide i honga de henua, go de uga e haide ai de hellumi, ma de uga e haide ai de ngadi dagodo o de mommee laa.

Jeremiah 30:18

E hagadaba Tagi Maolunga: Tilo, au e hagaahe ange naa de manuuia o dangada o Jacob, ma de lodo aloha ange gi ono mommee nnoho; de aduhale e ahe ange naa ga hagaduu i honga dono duulanga, gai de hale o de hodooligi e duu naa i dono mommee donu.

Ezekiel 40:3

De masavaa aana ne kave ai au gi kilaa, gai au ne gidee dahi daane e duu i kilaa, ia e bei de malamalama o de bronze; gai ia e duu i de haitoga ma e poo ai dahi uga e hai i denga flax ma dahi laagau haide i dono lima.

Ezekiel 47:3

Gai taane laa ne seesee gi dua gai dana laagau haide e poo i dono lima, gai ia ne haide e mano sugilima, gai ia ne hai au gi seesee i lodo vai laa, gai denga vai gu tae age gi luoogu gubu vae.

Ezekiel 48:35

Gai de looloa o de buibui i luu baasi de aduhale laa se 18,000 sugilima. Gai de ingoo o de aduhale mai i de masavaa laa ga hano ai go: Iahweh i Kilaa.”

Haggai 1:14

Gai Tagi Maolunga ga hagangaalue lodo o Zerubbabel, tama daane a Shealtiel, de goobenaa o Judah, ma lodo o Joshua, tama daane a Jehozadak, tangada haimeedabu maolunga, aama lodo o dangada alodahi. Gai gilaadeu ga loomai ga daamada de hagaduu age de hale o Tagi o denga hagabuulinga hebagi, delaadeu Maadua,

Zechariah 10:6

“Au e hai naa gi mmahi dangada o Judah, gai au e hagaola naa dangada o Joseph. Au e hagaahe mai naa gilaadeu go hiidinga au e lodo aloha ange gi gilaadeu. Gai e dagodo naa be au tee tili donu gilaadeu, go hiidinga go au Tagi Maolunga, delaadeu Maadua; gai au e basa ange naa gi alaadeu dalodalo.

Zechariah 2:4

ga hai ange, “Savini hannoo hai ange gi tama daane laa, ‘Jerusalem e ahe ange naa ga noholia bei dagodo o denga aduhale e dee buibui, go hiidinga gu soa mmao dangada ma manu haangai e nnoho ai.

Zechariah 2:5

Gai Tagi Maolunga e hagadaba: Au e hai naa ga bei de ahi e duuli ina luu baasi o Jerusalem, gai go de mahamaha i ono lodo.’ ”

Zechariah 2:6

“E vakaa naa! E vakaa naa! Saavini hulo gee mai i de henua i ngaiho, go Tagi Maolunga e hagadaba. Au ne hai gi mavaevae goodou gi denga madangi e haa o de langi, go Tagi Maolunga e hagadaba.

Zechariah 4:9

“Zerubbabel gu lava i de hagaduu tagelo o de hale nei; gai go ia hogi e hagalava ina. Gai gi iloo ai e goodou bolo go Tagi o denga hagabuulinga hebagi donu ne haia nei au gi humai gi oodou daha.

Zechariah 8:3

E hagadaba Tagi Maolunga: Au e ahe mai naa gi Zion, ga noho i Jerusalem, gai Jerusalem e hagaingoo ange naa go de aduhale o de muna abodonu, gai de mounga o Tagi o denga hagabuulinga hebagi e hagaingoo ange go de mounga dabu.