Titus 3:6 - De Beebaa Dabu

⁶ go de ia a de Maadua ne hai gi hano iho gi odaadeu elunga, i hiidinga o Iesu Klisdo taadeu Ia Hagaola,

Titus 3:6 Iomraidhean Croise

Proverbs 1:23

Goodou aanga mai gi agu muna hagaheohi; tilo, au e hai naa gi iloo e goodou ogu lodo, ga hai gi tonu ange goodou gi agu muna.

Isaiah 32:15

ga dae ai gi de hano iho o de Hagasaalunga o de Maadua i de mommee maolunga, gai de vao e hai naa ga se gelegele danuaa e ssomo ai manu, gai gelegele danuaa e ssomo ai manu e hai naa ga se lodo mee muimui.

Isaiah 44:3

Au e llingi ange naa denga vai gi honga de henua e deai vai iai, ma de hai gi hanu saalingaa vai i honga de gelegele mmasa; au e gave iho naa dogu Hagasaalunga gi honga doo hagadiilinga, ma de hagamanuuia oo aamuli.

Ezekiel 36:25

Au e hagassii adu naa denga vai gilimalali gi goodou, gi gilimalali ai goodou. Au e hagagilimalali naa goodou mai i oodou dahulinga hakino gee alodahi, aama mai i oodou diinonga alodahi.

Joel 2:28

Muli mai naa huu, gai au e hai naa gi hano iho dogu Hagasaalunga gi honga o dangada alodahi; oodou dama daane ma oodou damaa hine e pasa pelaabisi naa, oodou daane maatua e hai naa denga midi, gai oodou dama daane e hai naa denga midi hagaago ange.

John 1:16

Gai gidaadeu alodahi gu kave de manuuia mai i dono abodonu laumalie e aheahe ange laa ma e gaamai gi gidaadeu.

John 16:7

Gai au e tala adu gi goodou de muna abodonu: e haigamaiana adu donu gi goodou dogu hano gee mai i oodou daha. Noo au e dee hano gee, gai de Ia Bale e dee humai gi oodou daha; aagai noo au e hano gee, gai au e hai naa ia gi humai gi oodou daha.

John 4:10

Iesu ne hai ange gi de ia, “Noo koe e iloo de mee ngadi gaavange a de Maadua, gai goai e hai adu nei gi de goe, ‘Au e unu,’ gai koe e maua i de dangidangi ange gi de ia, gai ia e maua i de gaavadu gi de goe vai o de mouli.”

John 7:37

Gai de laangi hagaodi o taonga, go de laangi maolunga hugadoo, gai Iesu ne duu age ga oo ga hagadaba, “Be goai e hieunu, gai ia gi humai gi unu i ogu daha.

Acts 10:45

Aagai de gau Ssuu ne loomai laa madali Peter gu llele mouli i de hano iho hogi o de ngadi gaavange go de Hagasaalunga Dabu gi honga o denga Gentile.

Acts 2:33

Deenei ai, ia gu noho i de baasi madau o de Maadua, gai gu kave de Hagasaalunga Dabu gu lava laa i de hagatoo donu i daho Tamana, ma gu hai ia gi hano iho, bei doodou hai gu gidee ai naa ma de langona.

Romans 2:4

Aabe koe e hagangadi mee naa donu de abodonu laumalie o de Maadua, ma tee moolau ono lodo aama de golomagi ono lodo? Koe e dee iloo laa donu bolo go de abodonu o de Maadua e haia ga maua gi dahuli oo lodo?

Romans 5:5

Gai de tali hagalodolodo nei e hai gi dee llodo baageaa gidaadeu, go hiidinga de Maadua gu gaamai dono aloha gi odaadeu lodo, i daho de Hagasaalunga Dabu aana ne gaamai laa gi noho i odaadeu lodo.

Romans 8:2

Go hiidinga de hainga a de Hagasaalunga o de mouli gu hagailaage au mai i ssauaa o de hainga o de haisala ma de magau, i hiidinga o Klisdo Iesu.

Ephesians 3:8

Gai dagu hai go au hugadoo e maolalo i dangada o de Maadua alodahi, aagai tuuhanga nei ne gaamai gi de au i dono abodonu, gai au ga agoago ange ai denga Gentile, i dagodo de lava o Klisdo e dee maua laa i de tala ono dagodo,

Ephesians 4:2

i de llodo maolalo alodahi ma de daudonu, ma de golomagi lodo, ma de hagadau golomagi lodo i de aloha.

1 Timothy 6:17

Aagai koe daalaa ange gi de gau lava o henua i lalo, gilaadeu gi dee llodo maolunga aabe gi tali hagalodolodo ange gi de lava e dee maua laa gi dagodo daulooloa, aagai gi haia go de Maadua delaadeu tali hagalodolodo, go de ia e gaamai mee alodahi odaadeu e mouli ai ma de malangilangi ai.

Titus 1:4

Ange gi Titus, dagu dama abodonu i de gai. De abodonu ma de baba mai i daho de Maadua Tamana aama Klisdo Iesu taadeu Ia Hagamouli gi dagodo i oo daha.