Titus 3:11 - De Beebaa Dabu

¹¹ Gai koe gi donu ange bolo tangada bee nei e dee gilimalali ma de haisala, gai gu hagamalaia donu huu ia.

Titus 3:11 Iomraidhean Croise

Luke 19:22

Gai tangada aamua ne hai ange gi de ia, ‘Koe se dangada hai hegau baubau! Au e hagamodu oo dagodo gi bei au muna! E aha, koe ne iloo bolo au se dangada vaivai dagodo, au e kave mee e dee niiagu ma de hagihagi mee aagu tee doo?

Luke 7:30

Aagai denga Pharisee aama de gau agoago o de hainga ne hagangadi mee de hagatau a de Maadua, gilaadeu tee babudaisi i daho John.

John 3:18

Gai tangada e hagadonusia e dee hagaduasala donu, aagai be goai e dee hagadonusia gu lava donu i de hagaduasala, i hiidinga ia e dee hagadonusia Tama dagidahi a de Maadua.

Acts 13:46

Gai Paul ma Barnabas ne pasa ange gi gilaadeu i de lo taane, ga hai ange, “Ne heohi donu de tala adu gi goodou muna a de Maadua i mua, gai go hiidinga goodou ne kino ai, ma de maanadu bolo goodou e dee heohi ange gi de mouli e dee ngado mai, deenei ai, iainei gimaau ga hulo gi denga Gentile.

Acts 15:24

Gimaadeu ne langona bolo hanu i omaadeu magavaa ne loadu ga hai ga dee paba goodou, ma de hai gi manavasaa oodou lodo i alaadeu muna, gai e dee go gimaadeu donu ne hagasauaa ina gilaadeu gi loadu.

Acts 23:25

Gai ia ne sisi hogi dahi leda, ga hai ange:

Romans 3:19

Gidaadeu e iloo bolo muna alodahi o de hainga e basa ange gi dangada e nnoho laa i lalo de hainga, gi dee maua ai e dahi dangada daudahi i de hagaheohi donu huu ia, gai henua i lalo alodahi gi too ange gi de hagaduasala a de Maadua.

2 Timothy 2:14

Gai koe hagamanadua ina ange gi gilaadeu mee nei, ma de tala ange gi gilaadeu i mada luu mada o de Maadua gilaadeu gi dee hagadaumee i denga hagadoonunga o hanu muna; mee nei e deai donu olaadeu haigamaiana, aagai e oha donu lodo o dangada e langona mee laa.

Titus 1:11

Gai e heohi donu de hai de gau bee nei gi dee pasa, go hiidinga gu soa huaabodu alaadeu ne hai gi huuhuli gee i de mee heohi i alaadeu agoago dee heohi nei. Gai gilaadeu e hai mee nei i hiidinga delaadeu llodo i sseene.

Titus 1:14

gai gilaadeu gi dee hagalaangona denga ngadi daalanga a de gau Ssuu ma muna a dangada gu daahuli gee laa i de muna abodonu.

Hebrews 10:26

Gai noo gidaadeu se hagabau donu e haisala, i dua taadeu iloo de muna abodonu, aagai gu deai ange donu se sigidaumaha e maua i de kave gee odaadeu haisala,