Titus 2:5 - De Beebaa Dabu

⁵ Gilaadeu gi golomagi ina olaadeu lodo, gai gi gilimalali, gilaadeu gi kana ange gi haia hegau i olaadeu hale, gilaadeu gi abodonu ange, aama de hagadubu olaadeu bodu, gi dee hagabaubau ina ai muna a de Maadua.

Titus 2:5 Iomraidhean Croise

Genesis 18:9

Gai gilaadeu ga ssili ange gi Abraham, “I hee iai doo bodu go Sarah?” Gai ia ga hai ange, “Ia i lo te hale malo.”

Genesis 3:16

Gai ia ga hai ange gi de hine laa, “Au e hai naa gi kona doo mmae i doo masavaa e hai ai oo hagalangona; koe e mmae naa i de masavaa oou e haanau ai. Koe e lodo mmao naa i doo bodu, ma de noho i lalo dana hainga.”

2 Samuel 12:14

Aagai go hiidinga koe gu hai hagadaumee o Tagi Maolunga gi hagangadi mee ina ia, i dau hai de hegau nei, tama gu dai haanau adu naa gi de goe e magau naa donu.”

Psalm 74:10

De Maadua, dee hee maa taulooloa de kada o oo hagadaumee i de goe? E aha, oo hagadaumee e hagangadi mee naa doo ingoo ga hano ai?

Proverbs 7:11

Ia se hine nngana de leo ma de makaga ono lodo, ia e dee maua i de noho donu huu i dono hale;

Acts 9:36

Gai e dahi hahine gu hagadonusia e noho i Joppa, dono ingoo go Tabitha, e bei Dorcas i muna Greek. De hine laa ne lagolago ana hegau danuaa ne hai ma de abodonu ange gi de gau hagaau aloha.

Acts 9:39

Gai Peter ga hidi age ga hano madali luu daane laa. Gai ga dae huu ia gi kilaa, gai gilaadeu ga kave ia gi de aabi i lunga. Gai denga haahine gu maakau olaadeu bodu ne tuu ma e tangi i ono gaogao, ma de hagaago ange gi de ia denga malo lloa ma malo ange laa, a Dorcas ne hai i de masavaa oona goi mouli ai.

Romans 14:16

Deenei ai, aude haia dau mee e hagadaba laa bolo e danuaa gi se mee e hagabaubau ina i daho dangada.

Romans 2:24

Gai gu sisi e hai ange, “De ingoo o de Maadua gu hagangadi mee ina i daho denga Gentile i oodou hiidinga.”

1 Corinthians 11:3

Gai au e lodo goodou gi tonu ange bolo de biho o taane go Klisdo, gai de biho o de hine go taane, gai de biho o Klisdo go de Maadua.

1 Corinthians 14:34

denga haahine gi dee muu i lo te hale daumaha. E dee dugu ange gilaadeu gi pasa, aagai gilaadeu gi daudali i hainga a olaadeu bodu, bei dagodo muna o de hainga.

Ephesians 5:33

Deenei ai, dahi ma dahi gi aloha i dono bodu bei dono aloha donu i de ia, gai de hine gi hagadubu ina dono bodu.

Colossians 3:18

Denga haahine, goodou hagadubu ina oodou bodu, bei de hai e heohi ange ai gi oodou mouli i lodo o Tagi Maolunga.

1 Timothy 5:10

gai se hine gu iloo abodonu ana hegau danuaa — ia ne agoago danuaa ana dama, ma de abodonu ange gi dangada i dono hale, ma de hhui vae o dangada o de Maadua, ma de bale ange gilaadeu e hai ngadaa, aama de hagaduu ngae i denga hagadaagangaa hegau danuaa alodahi.

1 Timothy 6:1

Gai de gau hai hegau dee ilaage alodahi gi hagadubu ina olaadeu dangada aamua, gi dee hagabaubau ina ai de ingoo o de Maadua aama amaadeu agoago.

Titus 2:4

Gai gilaadeu gi agoago ange denga gauligi haahine, gi aaloha i olaadeu bodu ma alaadeu dama.