Titus 1:9 - De Beebaa Dabu

⁹ Ia gi maua i de daohi de muna abodonu oona gu agoago ai laa, gi maua ai e ia i de hagammahi ange dangada i agoago abodonu aama de hagakana ange gilaadeu e hai baasi ange gi mee nei.

Titus 1:9 Iomraidhean Croise

De Beebaa go Job 2:3

Gai Tagi Maolunga ne ssili ange gi Satan, “Koe gu gidee naa dagodo o dogu dangada hai hegau go Job? E deai ange donu se dangada e bei ono dagodo i henua i lalo; ia e dee haisala ma de heohi, gai e madagu i de Maadua, ma de kino i de baubau. Gai ia goi duudagi donu huu de hai hegau i de muna abodonu, e dee galemu donu koe gu hai au gi hai baasi ange gi de ia, ma de hagaduasala ia, gai e deai donu hiidinga.”

De Beebaa go Job 27:6

Au e daohi naa donu huu dogu hai hegau i de heohi; ogu lodo e gilimalali i taulooloa dogu mouli.

Proverbs 23:23

Hagao ina de mee abodonu, gai koe gi dee hagao ina gi daha, gai hagao ina de heiangi, ma agoago heohi, aama de donu ange danuaa.

Acts 18:28

Gai ia ne hai ga dee mmuu de gau Ssuu i madamada o dangada alodahi, i dana tala hagadonu mai i de Beebaa Dabu bolo Iesu go de Klisdo.

1 Corinthians 14:24

Gai noo goodou alodahi e pasa pelaabisi, gai dahi dangada tigi hagadonusia laa, aabe se dangada gee e humai gi oodou daha, gai ia gu dee donu iho bolo ia gu haisala, ma de velosia ono lodo i ana mee alodahi gu langona,

1 Thessalonians 5:21

aagai hagataalea ange mee alodahi; gai daohi mee danuaa.

2 Thessalonians 2:15

Deenei ai, denga daina, goodou tuu gi makaga ma de daohi muna amaadeu gu agoago adu ai goodou, e dee hilihili be go amaadeu muna e tala adu aabe go amaadeu leda e sisi adu.

1 Timothy 1:10

ma gilaadeu e dagodo haisala, ma denga daane e dagodo haisala madali denga daane, ma gilaadeu e hagao ina dangada gi daha, ma de gau hadu muna, ma dangada e oohaa alaadeu hagatoo donu, aama de hai mee alodahi e hai baasi ange laa gi denga agoago heohi,

1 Timothy 1:15

Muna nei ni muna abodonu gai e heohi taadeu daohi, bolo Klisdo Iesu ne humai gi henua i lalo e hagamouli ai de gau haisala, gai go au hugadoo e haisala i dangada alodahi.

1 Timothy 1:19

aama de daohi de gai ma tagi o de lodo e dee haisala laa. Hanu gu tili mee nei, gai olaadeu kai gu maoha bei dagodo o de vaga gu maoha laa.

1 Timothy 4:9

Muna nei ni muna abodonu gai e heohi taadeu daohi.

1 Timothy 6:3

Gai noo dahi dangada e agoago i hanu mee gee, e dee bei denga agoago heohi a taadeu Dagi Maolunga go Iesu Klisdo, ma agoago i lodo o de Maadua,

2 Timothy 1:13

Koe daohia ma de daudali i agoago heohi aau gu kave mai i ogu daha, i doo gai ma doo aloha i Klisdo Iesu.

2 Timothy 2:2

gai koe daohia au mee gu langona dagu tala i mada i mua o de gau tala hagadonu soa, gai koe ga agoagona ange ai gilaadeu e hai hegau i de mee abodonu, gai gilaadeu e maua hogi i de agoago ange ai de gau ange laa.

2 Timothy 2:25

Gai ia gi hagaheohi ange tangada e hai baasi ange gi de ia i de lodo e daudonu, ga tali ange de Maadua gi balea ange gilaadeu gi daahuli olaadeu lodo, ma de dagi ange gilaadeu gi de muna abodonu,

2 Timothy 3:14

Aagai koe gi duudagi ina de daohi au mee gu lava i de ago ma de hagadonusia, go hiidinga koe e iloo dagodo o dangada ne agoagona adu goe i mee naa.

2 Timothy 4:3

I hiidinga e dae mai naa de masavaa a dangada e dee llodo ai e hagallongo denga agoago heohi, gai ga daudali ange i gilaadeu e agoagona mee olaadeu e malangilangi i de hagallongo.

Titus 1:11

Gai e heohi donu de hai de gau bee nei gi dee pasa, go hiidinga gu soa huaabodu alaadeu ne hai gi huuhuli gee i de mee heohi i alaadeu agoago dee heohi nei. Gai gilaadeu e hai mee nei i hiidinga delaadeu llodo i sseene.

Titus 2:1

Aagai koe gi agoagona mee e bei dagodo o denga agoago heohi abodonu.

Jude 1:3

Ogu soa hagamogomogo, au ne lodo mmao e sisi adu gi goodou, dagodo o de hagamouli adaadeu alodahi gu kave nei, aagai au ne gidee bolo e danuaa dagu sisi e hagammahi adu, goodou gi lo taane ma de hagaduu ngae i de gai gu gaavange laa gi dangada alodahi o de Maadua.

Revelation 2:25

aagai goodou daohia donu huu de gai oodou gu kave naa ga dae ai gi dogu humai.

Revelation 3:11

Au e moolau naa donu de humai. Deenei ai, goodou daohia donu huu de gai i oodou daha naa, gi deai ai se dangada e gaavee gee oodou hau.

Revelation 3:3

Deenei ai, manadua au mee gu lava i de kave ma de longo; daohia mee laa, gai dahuli oo lodo. Aagai noo koe e dee alahage, gai au e humai naa bei dagodo o tangada gaiaa. Gai koe e dee iloo donu de aoaa oogu e dae adu ai.