Titus 1:6 - De Beebaa Dabu

⁶ Taane se dagi gi deai ono mee e hagabaubau ina ai, gai gi dahi donu huu ono bodu, ana dama gi ni dangada e hagadonusia, gilaadeu gi dee hagabaubau ina i delaadeu dahulinga baubau, aabe go delaadeu dee hagallongo i muna.

Titus 1:6 Iomraidhean Croise

Genesis 18:19

Gai au gu lava i de hili ia, gai ia e hai naa ana dama ma dangada i dono hale gi daohia de haiava o Tagi Maolunga, ma de hai hegau i de mee heohi ma de hagamodu heohi, gai Tagi Maolunga e gaavange naa gi Abraham mee aana gu hagatoo donu ange ai gi de ia.”

Proverbs 28:7

Tangada e daudali laa i de hainga se dama heiangi, aagai tangada e hagabuni ange gi de gau aagai e hagadogaa dono damana.

Ezekiel 44:22

Gilaadeu e dee hai bodu ange donu gi denga haahine gu maakau olaadeu bodu, ma denga haahine gu maavae ange gi olaadeu bodu; gai e hai bodu ange donu huu gi denga bua mmoe o Israel, aabe go de bodu o dahi dangada haimeedabu gu magau laa.

Leviticus 21:14

Ia e dee hai bodu ange gi de hahine gu magau dono bodu, be se hine gu maavae, aabe se hine gu hakino gee i de hai be se manu, aagai ia e hai bodu ange donu huu gi dahi bua moe i magavaa o ono dangada,

Leviticus 21:7

Gilaadeu e dee hai bodu ange hogi gi dahi hahine hai be se manu, be se hine gu hakino gee, aabe se hine gu maavae ange gi dono bodu; i hiidinga tangada haimeedabu gu hagadabu ange gi dono Maadua.

Malachi 2:15

E aha, e dee go de Maadua ne haia gooluu gi dahi? De angaanga ma de hagasaalunga ni mee niiana. Gai se aha a de Maadua e ssala? Go denga hagadiilinga dabu. Deenei ai, goodou dagidiiloo dagodo o oodou lodo, goodou gi dee oohaa de hagatoo donu ange gi doo bodu mai i doo masavaa e dama daane ai.

Luke 1:5

De masavaa o Herod e hodooligi ai i Judea, gai e dahi daane haimeedabu i kilaa, dono ingoo go Zechariah. Ia se daane e dau i de hagabuulinga o Abijah, gai ia ne hai bodu ange gi dahi damaa hine mai i de aamuli o Aaron, dono ingoo go Elizabeth.

Ephesians 5:18

Goodou gi dee unu gi ssenga i uvaini, go hiidinga e oha oodou mouli; aagai gi hoohonu i de Hagasaalunga ⌊Dabu⌋.

1 Thessalonians 5:14

Denga daina, gimaadeu e dangidangi adu goodou gi agoagona ange gilaadeu e vaiduu, ma de hagaaneane ange gilaadeu e daemaha olaadeu lodo, aama de bale ange gilaadeu e baageaa, gai golomagi ina oodou lodo i dangada alodahi.

1 Timothy 1:9

Gidaadeu e iloo hogi bolo de hainga tee hai ange gi gilaadeu e heohi, aagai ne hai ange gi gilaadeu e oohaa de hainga ma gilaadeu e hai baasi ange aagena, ma de gau baubau, ma gilaadeu e haisala, ma gilaadeu e hakino gee, ma de hagangadi mee de Maadua, ma gilaadeu e daia ga maakau olaadeu maadua, ma gilaadeu e daia dangada ga maakau,

1 Timothy 3:12

Gai taane se deacon gi dahi donu huu ono bodu, ia gi maua i de dagi gi danuaa ana dama ma dono huaabodu alodahi.

Titus 1:10

Gai e soa dangada e hai baasi ange gi mee nei, gilaadeu ni dangada e daalaa denga ngadi muna ma de daahanga dangada, gai e kii ai hugadoo de gau Ssuu gu tuu dagaholiage laa.

1 Samuel 2:11

Gai Elkanah ga ahe gi dono hale i Ramah. Gai tama daane go Samuel ne noho ga hai hegau ange gi Tagi Maolunga, i daho tangada haimeedabu go Eli.

1 Samuel 2:22

De masavaa laa gai Eli gu madumadua, gai gu dee modu dana langona hegau baubau a luaana dama e hai ange gi de gau Israel alodahi, i delaau dagodo haisala ma denga haahine e hai hegau i de haitoga o de hale malo hagabuni.