Titus 1:5 - De Beebaa Dabu

⁵ Au ne hai goe gi noho i Crete, gai koe ga hagalava ai mee tigi lava, ma de hili denga dagi o de nohoanga dabu i denga aduhale hugadoo, bei dagu hai gu tala adu ai.

Titus 1:5 Iomraidhean Croise

1 Chronicles 6:32

Gai gilaadeu ne hua denga daahili i gaogao de tabernacle, go de hale malo hagabuni, ga dae ai gi de masavaa a Solomon ne hagaduu age ai de hale o Tagi Maolunga i Jerusalem. Gai gilaadeu ne hagatau de masavaa o dahi ma dahi e hai hegau ai.

Ecclesiastes 12:9

Tangada Agoago e dee se heiangi donu huu, aagai ia e agoago ange hogi dangada i de iloo mee. Ia ne hagasaele ma de ssala gi donu ange ia, ma de hagamaumau ma de hagatau muna heiangi.

Isaiah 44:7

Goai e bei ogu dagodo? Gai ia gi hagailoo ina. Ia gi daalaa ma de hagaagona mai gi de au be ni aha ne hai i mua dagu hai denga huaadangada madagidagi, gai aahee mee tigi loomai; gilaadeu gi daalaa mee e loomai.

Leviticus 14:42

Gai gilaadeu gi gaamai hanu hadu hoou gi suuia ai hadu ne aau laa, ma de hai hanu bela pigi ga lebu ai de hale laa.

Acts 11:30

Gai gilaadeu ne hai donu de hegau nei, ga gaavange denga sseene laa gi Barnabas ma Saul gi gaavee gi denga dagi i kilaa.

Acts 14:23

Gai gilaau ga hili denga dagi i dahi nohoanga dabu ma dahi nohoanga dabu, i de dalodalo ma de hagahiikai, ga gaavange gilaadeu gi Tagi Maolunga, de ia olaadeu e kai ange laa aagena.

Acts 2:11

(go de gau Ssuu ma denga Gentile alodahi gu dau laa i taumaha a de gau Ssuu); ma muna a de gau Crete, aama de gau Arab — gidaadeu e langona delaadeu tala dagodo o hegau hagalele mouli a de Maadua ne hai i amaadeu muna donu.”

Acts 27:12

Gai go hiidinga taulanga laa e dee danuaa ange gi de masavaa hagamagalili, deelaa ai, de baasi soa o dangada ne hagataba bolo gilaadeu ga hagatale de hulo gi tae gi Phoenix, se mommee iai dahi daulanga i Crete, e huli gi dai ngaage ma dai ngaiho.

Acts 27:13

Gai de masavaa huu ne dahuli ai de madangi ga humai i ngaage, gai denga daane ne maanadu bolo gu maua i de hai gi bei delaadeu hagatau, gai gilaadeu ga hhudi age de ataula, ga dele laa gaogao de agau o Crete ga hulo ai.

Acts 27:21

Gai ga daulooloa huu tee gaimee o dangada, gai a Paul ga duu age i olaadeu mada i mua, ga hai ange, “Denga daane, noo goodou ne daudali i agu muna, ga tee malanga mai i Crete, gai de vaga tee maoha donu aabe ne tili ono goloa.

Acts 27:7

Gai gimaadeu ne damaa dele donu huu i hanu laangi, gai ne hai ngadaa donu demaadeu tau i Cnidus. Gai ga dee maua huu e gimaadeu i de hagassoe e hulo, i hiidinga o de madangi, gai gimaadeu ne dele laa lalo i de mommee luungagi i gaogao o Crete, i de baasi gee o Salmone.

1 Corinthians 11:34

gai noo dahi dangada e hiigai, gai ia gi gaimee i dono hale — gi dee too ange ai goodou gi de hagaduasala i doodou masavaa e hagabuni ai. Gai dogu masavaa naa huu e dae adu ai, gai au ga tala adu gi goodou dagodo o mee ange laa.

1 Corinthians 14:40

Aagai haia mee alodahi gi danuaa, ma de hagatau heohi.

1 Corinthians 4:17

Aanei hiidinga aagu ne hai ai naa Timothy gi hanadu gi oodou daha, ia se dama hagamogomogo gai e hai hegau i de mee abodonu i lodo o Tagi Maolunga. Gai ia ga hagamaanadu adu ai gi goodou dagodo o dogu mouli i lodo o Klisdo, bei dagu hai ne agoago ai laa mee nei i denga nohoanga dabu i mommee alodahi.

Colossians 2:5

Gai ga dee noho naa donu au i oodou daha iainei i de angaanga, gai au e noho donu i oodou daha i de hagasaalunga, ma de malangilangi i dagu gide doodou lodo mmahi aama doodou tuu ga makaga i oodou kai ange gi Klisdo.

1 Timothy 1:3

Au ne hai goe gi noho i Ephesus, i dogu masavaa ne hano ai gi Macedonia, gai koe ga hai ai gilaadeu e agoago i hanu agoago gee gi dee agoago ai,

2 Timothy 2:2

gai koe daohia au mee gu langona dagu tala i mada i mua o de gau tala hagadonu soa, gai koe ga agoagona ange ai gilaadeu e hai hegau i de mee abodonu, gai gilaadeu e maua hogi i de agoago ange ai de gau ange laa.

Titus 1:12

Gai e hagadaba dahi pelaabisi o de gau Crete, “De gau Crete ni dangada e hadu muna i masavaa alodahi, gilaadeu e bei dagodo o denga manu alasala baubau, gai e aagai ma de vaiduu.”