Titus 1:3 - De Beebaa Dabu

³ gai ga dae huu de masavaa, gai ia ga hagaago mai i ana muna i agu agoago gu lava i de tala adu ai goodou, bei de hai a de Maadua taadeu Ia Hagaola gu tala mai ai gi de au.

Titus 1:3 Iomraidhean Croise

Isaiah 12:2

Tilo, de Maadua go dogu Ia Hagaola; au e hagadonu ia, deelaa ai, au e dee madagu. De Ia Aamua, Tagi Maolunga, go ogu mahi ma dagu daahili, gai go ia dogu Ia Hagaola.”

Isaiah 45:15

Ni muna abodonu, koe se Maadua e hagamuunia goe, go koe de Maadua ma de Ia Hagaola i Israel.

Isaiah 45:21

Goodou daalaa ma de gaamai oodou tonu, gai gilaadeu gi hagabuni gi hagasaele. Goai ne hagailoo ina mee nei madagidagi loo? Gai goai ne daalaa mee nei i denga masavaa gu hulo? E dee go au, Tagi Maolunga? Gai e deai ange donu se maadua, go au donu huu, au se Maadua heohi gai go de Ia Hagaola; e deai ange donu, go au donu huu.

Daniel 11:27

Gai luu hodooligi laa e hagatau naa i olaau lodo de hai de baubau; gilaau ga hagadau hadu muna naa i delaau nnoho i teebele daudahi, gai alaau hagatau e dee maua naa donu gi ssula, go hiidinga tigi dae mai de masavaa gu hagamodu ange laa gi de hagaodi.

Daniel 8:23

Gai laangi hagaodi olaadeu e dagi ai, i de masavaa o de gau haisala e kona ai de baubau, gai dahi hodooligi alasala, ma de donu ange gi denga mee hagasengasenga e sula age naa.

Daniel 9:24

E madahidu uvigi gu hagamodu ange gi oo dangada ma doo aduhale dabu, e hagaodi ange ai de masavaa o olaadeu haisala, ma de hai gi deai haisala, aama de degi ange gi baubau, gai ga hai gi sula de heohi ga hano ai, ma de hai gi bei de midi hagaago ange ma muna pelaabisi, aama de hagadabu i de lolo de mommee dabu mmao.

Habakkuk 2:3

Gai de midi hagaago ange e tali dono masavaa; de masavaa gu dae mai donu, gai e dee mmule naa donu. Gai ga mmule naa donu, gai koe daalia donu huu; e dae mai naa donu, e dee mmule naa donu.

Mark 1:15

ga hai ange, “De nohoanga hodooligi o de Maadua gu baa mai donu. Goodou daahuli oodou lodo ma gi hagadonusia de longo danuaa!”

Mark 13:10

Aagai de longo danuaa e agoago ange naa gi denga huaahenua alodahi i mua de hai mee nei.

Mark 16:15

Gai ia ga hai ange gi gilaadeu, “Goodou hulo gi henua i lalo alodahi ga agoago ange ai de longo danuaa gi dangada alodahi.

Luke 1:47

gai dogu hagasaalunga gu malangilangi i de Maadua dogu Ia Hagaola,

Acts 10:36

Goodou gu iloo ana muna gu gaavange gi de gau Israel, e agoago ai laa de longo danuaa o de baba mai i daho Iesu Klisdo, go Tagi Maolunga o mee alodahi;

Acts 17:26

Gai ia ne hai denga huaahenua alodahi i daho dahi dangada daudahi, gai gilaadeu ga nnoho ai i honga henua i lalo alodahi. Madagidagi gai ia gu hagamodu denga masavaa ma goinga o olaadeu mommee e nnoho ai,

Romans 15:19

ma hagailonga mmahi ma mee hagalele mouli, i ssauaa o de Hagasaalunga o de Maadua. Gai au gu agoago de longo danuaa o Klisdo alodahi, mai i Jerusalem ga dae ai gi Illyricum,

Romans 16:25

Gidaadeu ga tuhi de ia e maua laa i de hagammahi oodou lodo, bei dagodo o de longo danuaa aagu gu agoago ai laa dagodo o Iesu Klisdo, bei de hai gu hagaago mai ai laa gi de au, de mee nogo dee iloo laa i dahi masavaa dau looloa,

Romans 16:26

aagai iainei gu hagaago mai ma de hai gi iloo e denga huaahenua alodahi i muna a denga pelaabisi gu lava laa i de sisi, bei dagodo muna a de Maadua e dee ngado mai laa, gi maua ai e gilaadeu i de daudali ai i de gai —

Romans 5:6

De masavaa odaadeu e deai ai odaadeu mahi, gai Klisdo ne magau i hiidinga o de gau baubau, i de masavaa gu lava laa i de hagamodu.

1 Corinthians 9:17

Gai noo go au ne hilihilia de hai de hegau nei, aagai e dahi donu ogu hagaoanga. Aagai noo e dee go au ne hilihilia, gai au e hai donu huu de hegau gu gaamai laa gi de au.

Galatians 4:4

Aagai ga dae huu de masavaa gu lava laa i de hagamodu, gai de Maadua ne hai gi humai dana Dama Daane gi haanau i daho de hine, i lalo de hainga a Moses,

Ephesians 1:10

gai ia ga hagahai hegau ai i de masavaa gu hagamodu laa — gai ia ga hai ai gi buni mee alodahi i de langi ma henua i lalo ssauaa o Klisdo.

Ephesians 2:17

Gai ia ne humai ga agoago adu goodou denga Gentile e mmao gee laa i dagodo o de baba, aama ange hogi gi de gau Ssuu e paa ange laa.

Philippians 1:13

Gai mee nei gu dele hogi i daho denga daane hagaloosi alodahi i de Praetorium, ma dangada ange laa alodahi, gilaadeu gu iloo bolo au gu noho i lo te hale pono i hiidinga o Klisdo.

Colossians 1:23

noo goodou e duudagi de daohi de gai ma de tuu gi makaga gu dee ngalungaalue, goodou gu dee llodo lagolago i doodou tali hagalodolodo, gu hagatoo donu laa i de longo danuaa oodou gu langona laa, gai gu tala ange hogi gi dangada alodahi i lalo de langi. Gai au gu hai hogi gi se dangada hai hegau niio de longo danuaa nei.

Colossians 1:6

gu dae adu naa hogi gi goodou. Gai go de longo danuaa hogi gu hagadili ina laa hua lagolago aama de hagadagadaga age i henua i lalo alodahi — bei de hai gu hagadili ai naa hogi ono hua i oodou magavaa, mai i de laangi oodou ne langona ai ga tonu ange gi de abodonu o de Maadua.

1 Thessalonians 2:4

aagai ne hai bei de hai a de Maadua ne gaamai ai gi gimaadeu de longo danuaa. Deelaa ai, gimaadeu tee tala mee nei e hagamalangilangi ai dangada, aagai ne tala e hagamalangilangi ai de Maadua, go de ia e hagataalea dagodo maanadu i odaadeu lodo.

1 Timothy 1:1

Mai i daho Paul, tangada tala o Klisdo Iesu bei de hagamodu a de Maadua, taadeu Ia Hagamouli ma Klisdo Iesu taadeu tali hagalodolodo.

1 Timothy 1:11

bei dagodo muna o de longo danuaa mahamaha a de Maadua e heohi laa taadeu tuhi, go mee ne gaamai gi de au.

1 Timothy 2:3

De mee nei se mee danuaa, gai e hagamalangilangi i mada luu mada o de Maadua taadeu Ia Hagamouli.

1 Timothy 4:10

Gai deenei taadeu mee e hai hegau ange ma de hagammahi ange aagena, go hiidinga taadeu tali hagalodolodo go daho de Maadua e mouli laa iai, go de Ia Hagamouli o dangada alodahi, gai ange donu gi gilaadeu e hagadonusia.

2 Timothy 4:17

Aagai Tagi Maolunga ne noho madali au ma de hagammahi mai ogu lodo, gai au ga tala ai gi langona e denga Gentile de longo danuaa alodahi. Deelaa ai, au ne ola mai i de ngudu o de laiono.

Titus 2:10

Gilaadeu gi dee gaiaadia mee a olaadeu dangada aamua, gai gilaadeu gi hagaagona ange bolo gilaadeu ni dangada e dee hadu muna gai e hai hegau i de muna abodonu, gai alaadeu hegau danuaa gi hagamahamaha ina muna a de Maadua taadeu Ia Hagaola.

Titus 2:13

i de masavaa adaadeu e tali ai de mee adaadeu e tali hagalodolodo ange laa aagena, go de hagasula mai i de mahamaha taadeu Maadua maolunga, go taadeu Ia Hagaola go Iesu Klisdo.

Revelation 14:16

Gai de ia e noho laa i honga de giliiga ga hagaabo ange dana kamaa gi honga henua i lalo, gai henua i lalo gu odi i de hagihagi.