Titus 1:15 - De Beebaa Dabu

¹⁵ Gai mee alodahi e gilimalali ange gi tangada e gilimalali ana dahulinga, aagai ange gi tangada e hakino gee ana dahulinga gai e dee hagadonusia, e deai donu se mee daudahi e gilimalali, go hiidinga alaadeu maanadu aama olaadeu lodo e dee gilimalali.

Titus 1:15 Iomraidhean Croise

Proverbs 21:4

Luu mada hagamaolunga ma de lodo maolunga go de laama a tangada baubau, gai e haisala donu.

Proverbs 30:12

Hanu dangada e maanadu bolo gilaadeu e gilimalali, gai tigi hagagilimalali donu denga mee hakino gee i olaadeu lodo.

Haggai 2:13

Gai Haggai ga ssili ange hogi, “Gai noo dahi dangada e dee gilimalali i hiidinga dono hagabaa ange gi dahi magau, gai ia ga poo ange gi mee nei, gai e hai laa mee nei ga dee gilimalali?” Gai de gau haimeedabu ga hai ange, “Uaa, mee laa gu dee gilimalali.”

Matthew 15:18

Aagai mee e ssao mai i lo te ngudu o tangada e loomai i lodo o tangada, aanei mee e haia ga dee gilimalali tangada.

Acts 10:15

Gai de leo laa ne hai ange hogi gi de ia, “Aude daalaa bolo mee a de Maadua gu lava i de hagagilimalali e dee gilimalali.”

Romans 14:14

Au e iloo abodonu ma de hagadonusia i lodo o Tagi Maolunga go Iesu, bolo e deai donu se mee daudahi e dee gilimalali. Aagai e dee gilimalali donu huu noo tangada e maanadu bolo e dee gilimalali.

Romans 14:20

Goodou aude oohaa hegau a de Maadua i hiidinga o oodou mee e gai. Mee alodahi e gilimalali i de gai, aagai e dee heohi dau hagabaageaa lodo o dahi dangada i hiidinga o au mee e gai.

Romans 14:23

Aagai tangada e lodo lagolago gu hagabaubau ina donu i ana mee e gai, go hiidinga ia e dee gaimee i de gai; gai mee alodahi e dee hai i de gai e haisala donu.

1 Corinthians 10:23

“Au e alaange i de hai mee alodahi,” — gai e dee go mee alodahi e haigamaiana mai gi de au. “Au e alaange i de hai mee alodahi,” — gai e dee go mee alodahi e maua i de hai gi hagadagadaga age tangada.

1 Corinthians 10:25

Gaina mee alodahi e hagao i de mommee hagao giidagi, gai gi dee siilia hanu muna i hiidinga o tagi o de lodo.

1 Corinthians 10:31

Deenei ai, e dee hilihili be goodou e gaimee be unu, aabe ni aha ange oodou e hai, gai goodou haia mee alodahi e hagamahamaha ai de Maadua.

1 Corinthians 8:7

Gai e dee go dangada alodahi e iloo de mee nei. Aagai hanu gu mau ange laa gi denga diinonga, e gai mee laa i delaadeu hagabinga bolo gu lava i de sigidaumaha ange gi denga diinonga; gai go hiidinga tagi i olaadeu lodo e baageaa, gai gu dee gilimalali.

1 Timothy 6:5

ma tee heloongoi magavaa de gau maanadu baubau, e dee iloo laa e gilaadeu de muna abodonu. Gilaadeu e maanadu bolo alaadeu hai daumaha e hai ga maua e gilaadeu sseene lagolago.

Hebrews 10:22

Deenei ai, gidaadeu ga loomai e hagapaa ange gi de Maadua i de lodo se mee abodonu ma de gai e honu abodonu, gai tagi i odaadeu lodo gu hagagilimalali mai i de baubau, gai odaadeu angaanga gu gaugau i vai gilimalali.

Hebrews 12:15

Goodou dagidiiloo gi deai se goodou, e dee maua i de kave de abodonu o de Maadua, gai gi deai se aga mmala, e sula age ai de hai ngadaa gai hai ai ga soa dangada e dee gilimalali.

Hebrews 9:14

aagai e kii ange donu dodo o Klisdo i de maua i de hai de mee nei. Ia ne dugu ange dono angaanga gi de Maadua, e deai laa mee baubau iai, i ssauaa o de Hagasaalunga e dee ngado mai laa, gai ia ga hai ai ssigidaumaha e hagagilimalali ai tagi i odaadeu lodo mai i hegau o de magau, gi maua ai e gidaadeu i de daumaha ange gi de Maadua e mouli laa.