Titus 1:10 - De Beebaa Dabu

¹⁰ Gai e soa dangada e hai baasi ange gi mee nei, gilaadeu ni dangada e daalaa denga ngadi muna ma de daahanga dangada, gai e kii ai hugadoo de gau Ssuu gu tuu dagaholiage laa.

Titus 1:10 Iomraidhean Croise

Matthew 23:14

E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e gaiaa mee a denga haahine gu maakau olaadeu bodu, ma de hai gi lloa oodou dalodalo gi gidee ai e dangada. Deenei ai, goodou e kave naa de hagaduasala laumalie.]

Acts 11:2

Gai de masavaa huu o Peter ne ahe ai gi Jerusalem, gai gilaadeu gu tuu dagaholiage laa ga hagabaubau ia,

Acts 15:1

Aagai gu loomai hanu daane i Judea gi Antioch ga agoago ange denga daina, ga hai ange, “Noo goodou e dee tuu dagaholiage bei dagodo muna o de hainga a Moses, gai goodou e dee hagamouli donu.”

Acts 15:24

Gimaadeu ne langona bolo hanu i omaadeu magavaa ne loadu ga hai ga dee paba goodou, ma de hai gi manavasaa oodou lodo i alaadeu muna, gai e dee go gimaadeu donu ne hagasauaa ina gilaadeu gi loadu.

Acts 20:29

Au e iloo bolo dua naa huu dogu hano gee i oodou daha, gai denga wolf alasala e loomai naa gi oodou magavaa, gai gilaadeu e dee hagaola naa donu denga ssiibi.

Galatians 2:4

Gai de mee nei ne hai i hiidinga o dangada e dee hagadonusia gu ulu mai laa gi odaadeu magavaa, ma e dagitilo ai dagodo o demaadeu ilaage i daho Klisdo Iesu, gai gilaadeu ga hai ai gimaadeu gi ni dangada hai hegau dee ilaage.

Galatians 3:1

De gau Galatia, goodou e llodo ssenga! Goai ne helau ina naa goodou? Dagodo de daudau o Iesu Klisdo i de laagau lui gu lava donu i de hagadonu danuaa adu gi goodou.

Ephesians 4:14

gi dee bei ai gidaadeu dagodo o denga gauligi, e baabaagia saele laa i denga beau, ma de iliilihia saele i denga hagadaagangaa agoago, a dangada e daahangadia dangada i alaadeu hagatau hadu muna.

1 Timothy 1:4

gilaadeu gi dee anga ange gi denga daalanga hhadu ma hagatau o denga atangada. Mee nei e hai gi dee buni dangada, e dee bale ange hegau a de Maadua e daamada mai laa i de gai.

1 Timothy 1:6

Hanu gu hulo gee mai i mee nei, gai ga daudali ange i hanu ngadi muna;

1 Timothy 1:9

Gidaadeu e iloo hogi bolo de hainga tee hai ange gi gilaadeu e heohi, aagai ne hai ange gi gilaadeu e oohaa de hainga ma gilaadeu e hai baasi ange aagena, ma de gau baubau, ma gilaadeu e haisala, ma gilaadeu e hakino gee, ma de hagangadi mee de Maadua, ma gilaadeu e daia ga maakau olaadeu maadua, ma gilaadeu e daia dangada ga maakau,

2 Timothy 3:13

aagai de gau baubau ma dangada e daahangadia dangada e hagadagadaga ange naa donu de baubau; gilaadeu e daahanga naa dangada, gai gilaadeu gu daahangadia donu hogi.

2 Timothy 4:4

Gilaadeu e tili naa de muna abodonu, gai ga daudali ange i denga ngadi daalanga.

Titus 1:6

Taane se dagi gi deai ono mee e hagabaubau ina ai, gai gi dahi donu huu ono bodu, ana dama gi ni dangada e hagadonusia, gilaadeu gi dee hagabaubau ina i delaadeu dahulinga baubau, aabe go delaadeu dee hagallongo i muna.

James 1:26

Noo dahi dangada e hagadaba bolo ia se dangada taumaha, aagai ia e dee maua i de daohi dono alelo, gai ia e daahanga donu huu ia, dono se dangada taumaha e deai donu haigamaiana.

1 John 2:18

Agu dama, gu baa mai donu de aoaa hagaodi! Goodou gu langona bolo de hagadaumee o Klisdo e humai naa, gai gu soa donu hagadaumee o Klisdo gu loomai. Deenei taadeu hai e iloo ai bolo gu dae mai donu de aoaa hagaodi.

1 John 2:4

Tangada e hagadaba, “Au e iloo ia” aagai e dee daohi ana muna, se dangada hadu muna, gai e deai donu se muna abodonu e dagodo i ono lodo,

1 John 4:1

Ogu soa hagamogomogo, goodou gi dee hagadonusia denga hagasaalunga alodahi, gai hagataalea denga hagasaalunga ga tilo be gilaadeu ni mee mai i daho de Maadua, go hiidinga gu soa pelaabisi hadu muna gu hulo saele i henua i lalo.

Revelation 2:14

Aagai e hanu agu momo mee e hagasee ai goe: e hanu dangada i oodou magavaa e daohi agoago a Balaam, taane ne agoagona ange Balak gi haia gi haisala de gau Israel, gai gi gaina ai e gilaadeu mee gu sigidaumaha ange gi denga diinonga, aama de hai denga dahulinga hai be se manu.

Revelation 2:6

Aagai deenei dau mee e hai: koe e kino i hegau a de gau Nicolaitan, go mee hogi oogu e kino ai.