Ruth 4:5 - De Beebaa Dabu

⁵ Gai a Boaz ne hai ange hogi gi de ia, “De laangi naa huu aau e hagao ai de alahenua laa mai i daho Naomi, gai koe e hagao hogi a Ruth, de hine Moab, de bodu o taadeu daina gu magau laa, gai koe ga hai ai gi dagodo de ingoo o taane gu magau laa i honga de alahenua gu bolo ange gi dono huaabodu.”

Ruth 4:5 Iomraidhean Croise

Genesis 38:8

Gai Judah ga hai ange gi Onan, “Hannoo hai bodu ange gi de bodu o doo daina, ga hagasula ai tahulinga ange gi de hine laa, gai koe ga hagadili ai dahi dama maa doo daina daane i ono daha.”

Matthew 22:24

ga hai ange, “Tangada Agoago, Moses ne hagadaba, ‘Noo gu magau dahi daane dau bodu gai teai sana dama, gai dono daina daane gi hai bodu ange gi dono maa, e hai ai dahi hagadiilinga moo dono daina daane.’

Luke 20:28

gai gilaadeu ne ssili ange gi de ia, “Tangada Agoago, Moses ne sisi ga hai mai bolo noo gu magau taina daane o dahi, gai teai alaau dama ma dono bodu, aagai dono daina daane gi hai bodu ange gi dono maa, e hai ai dahi hagadiilinga moo dono daina daane.

Deuteronomy 25:7

Gai noo taane laa e dee lodo e hai bodu ange gi dono maa, gai de hine laa gi hano gi de haitoga o de aduhale, i daho denga dagi, ga hai ange gi gilaadeu, “Dogu maa e dee lodo e hai gi dee lilo de ingoo o dono daina daane i Israel. Ia e dee lodo e hai bodu mai gi de au e sui ai dono daina.”