Ruth 4:10 - De Beebaa Dabu

¹⁰ Gai au e kave hogi a Ruth de hine Moab, de bodu o Mahlon, e hai ai dogu bodu. Gai gimaau ga hai ai gi dee lilo de ingoo o demaadeu daina gu magau laa i honga dono alahenua, ma mai i daho dono huaabodu aama mai i dono aduhale. Anailaa nei gai goodou gu hai ai de gau hagadonu o mee nei!”

Ruth 4:10 Iomraidhean Croise

Genesis 29:27

Daalia gi lava ai taonga o de hagahai bodu i de uvigi nei; gai gimaadeu ga gaavadu hogi gi de goe tamaa hine gauligi, gai koe ga hai hegau mai ange ai gi de au i e hidu ngadau.”

Genesis 38:9

Aagai Onan e iloo e ia bolo tama aana e hagadili laa e dee hagaingoo i dono ingoo; deelaa ai, de masavaa huu oona ne hagahebaa ai ma de bodu o dono daina daane, gai ia ga hai ono bii gi ssali gi honga de gelegele, gi dee hagadili ina ai e ia dahi dama ma dono daina daane.

Psalm 109:15

Olaadeu haisala gi daakodo donu huu i mada i mua o Tagi Maolunga i masavaa alodahi, gai ia ga hai ai gi deai dangada e manadua gilaadeu i de henua.

Psalm 34:16

Tagi Maolunga e hai baasi ange gi de gau baubau, ma de hai gi deai selaadeu hagamaanadu i henua i lalo.

Proverbs 18:22

Tangada e gidee laa dahi bodu moona gu gidee dahi mee danuaa, gai Tagi Maolunga gu abodonu ange gi de ia.

Proverbs 19:14

Denga hale ma de lava ni mee ne bolo mai i daho denga maadua, aagai de hine dau bodu heiangi se mee mai i daho Tagi Maolunga.

Isaiah 48:19

Gai oo hagadiilinga e soa naa bei de lagolago o denga gelegele, gai au dama e soa naa hogi bei de lagolago o gelegele malili; olaadeu ingoo e dee llilo naa donu, aabe aau gee mai i mada luoogu mada.”

Hosea 12:12

Jacob ne savini ga hano gi de henua go Syria; Israel ne hai hegau gi maua ai dono bodu, ma de hagaloosi denga ssiibi e hagao ai dono bodu.

Hosea 3:2

Gai au ne hagao de hine laa i e madaangahulu ma lima shekel selevaa ma dahi homer ma dahi lethek barley.

Zechariah 13:2

E hagadaba Tagi o denga hagabuulinga hebagi: De laangi laa gai au e aau naa ingoo o denga diinonga mai i de henua, gi dee aahe ange ai dangada gi manadua. Gai au e hai naa hogi gi hulo gee mai i honga de henua denga pelaabisi ma hagasaalunga hakino gee.

Malachi 2:14

Gai goodou e ssili, “Gu aha?” Go hiidinga Tagi Maolunga go ia e hagadonu ai mee i ooluu magavaa ma doo bodu, i doo masavaa goi dama daane ai. Koe tee hai hegau ange gi doo bodu i de mee abodonu, e dee galemu donu go ia doo soa, ma doo bodu ne hai i de hagatoo donu hagaheloongoi.

Ephesians 5:25

Denga daane dau bodu, goodou aaloha i oodou bodu, gi bei de aloha o Klisdo i de nohoanga dabu ma de gaavange dono mouli i ono hiidinga,

Deuteronomy 25:6

Gai tama a de hine laa e haanau i mua e kave de ingoo o taina daane gu magau laa, gi dee lilo ai dono ingoo i Israel.

Hebrews 13:4

Goodou alodahi gi hagadubu ina de hai bodu, gai dangada gu hai bodu gi dee dagodo haisala. Go hiidinga de Maadua e hagaduasala donu tangada hai be se manu, ma dangada alodahi e dagodo haisala.

Joshua 7:9

Go hiidinga de gau Canaan ma dangada e nnoho i de henua e langona naa e gilaadeu mee gu hai nei, gai gilaadeu e loomai naa ga duuli gidaadeu, ga daa gidaadeu gu deai gidaadeu e doe i honga de henua. Gai aahee ai naa dagodo o doo ingoo maolunga naa?”

Ruth 4:9

Gai Boaz ga hai ange gi denga daane maatua ma dangada alodahi e nnoho i kilaa, “Ailaa nei gai go goodou e hagadonu ai bolo au gu hagao mee alodahi a Elimelek, ma mee alodahi a Kilion aama mee a Mahlon mai i daho Naomi.