Ruth 2:9 - De Beebaa Dabu

⁹ Gai koe ga dagitilo mommee o de gau hagihagi iai, gai koe ga daudali ange i denga hahine hai hegau ga ogo ai au huamanu. Gai au gu tala ange gi ogu daane hai hegau gilaadeu gi dee loadu gi poo adu gi de goe. Gai noo koe gu hieunu, gai koe hannoo unu i vai i lodo manu hao vai a ogu daane hai hegau gu asu.”

Ruth 2:9 Iomraidhean Croise

Genesis 20:6

Gai de Maadua ne hai ange gi de ia i de midi, “Au e iloo bolo koe ne hai de hegau nei i de gilimalali tagi o oo lodo. Gai au ne buibui goe gi dee haisala mai gi de au. Deenei ai, au tee dugu adu goe gi poo ange gi de ia.

De Beebaa go Job 19:21

Ogu soa, aaloha mai gi de au, aaloha mai gi de au, go hiidinga de Maadua gu hagaili au.

Psalm 105:15

“Goodou e dee poo ange gi gilaadeu aagu gu hagadabu i de lolo, gai gi dee hagammae ina ogu pelaabisi.”

Proverbs 6:29

Gai e bei ai hogi taane e hano gi daho de bodu o dahi daane gee, taane e dagodo haisala ma de hine laa e hagaduasala donu.

Matthew 10:42

Gai be goai e gaavange dahi ubu vai maluulu gi dahi gilaadeu e maolalo nei, i hiidinga ia se dangada agoago niiagu, ni muna abodonu aagu e hai adu nei gi goodou, ia e kave naa donu dono hagaoanga.”

1 Corinthians 7:1

Gai dagodo o mee oodou ne sisi laa ga ssili mai: “E dee danuaa de hagahebaa o dahi daane ma dahi hahine.”

1 John 5:18

Gidaadeu e iloo bolo tangada gu haanau i daho de Maadua e dee aheahe ange ga haisala, aagai Tama dagidahi a de Maadua e hagaloosi ia, gai de ia hagabaubau e dee maua donu i de poo ange gi de ia.

Ruth 2:10

Gai a Ruth ga duuduli ga ino luoono mada gi honga de gelegele, ga hai ange gi a Boaz, “Gu aha gu abodonu mai ai nei goe gi de au, ma de anga mai gi de au, gai au se hine henua gee?”

Ruth 2:8

Gai a Boaz ne hai ange gi a Ruth, “Dagu damaa hine, hagalaangona agu muna. Aude hano ange gi dahi veelenga gee gi ogohia ai au huamanu, aagai noho i kinei madali ogu haahine hai hegau.