Ruth 2:3 - De Beebaa Dabu

³ Gai ia ne hano gi lo te veelenga ga ogo ai denga huamanu, i dua o de gau hagihagi. Gai de mommee oona ne hano aagena go de veelenga a Boaz, ia se daane niio de huaabodu o Elimelek.

Ruth 2:3 Iomraidhean Croise

2 Samuel 1:6

Tama daane laa ne tala ange gi de ia, ga hai ange, “Au nogo i honga de mounga go Gilboa, gai au ne gidee a Saul gu baguu ange gi honga dono dao, gai denga hada hebagi ma gilaadeu e saavini gu paa mai donu gi dono mommee iai laa.

2 Samuel 20:1

Gai e dahi daane baubau i kilaa, dono ingoo go Sheba, tama daane a Bicri, gai se daane de aamuli o Benjamin. Ia ne ili de hanga manu, ga hagadaba, “Gidaadeu e dee dau ange gi David, gai e deai sedaadeu diba i daho tama a Jesse! Dangada alodahi o Israel, goodou aahe gi oodou hale!”

2 Kings 8:5

De masavaa a Gehazi e tala ange ai gi de hodooligi, de hagamouli age a Elisha dahi dangada magau, gai de hine niiana tama daane a Elisha ne hagamouli age laa, gu humai e dangidangi ange gi de hodooligi i dono hale ma dono alahenua. Gai Gehazi ga hai ange, “Dogu dangada aamua go de hodooligi, deenei donu de hine laa, deenei hogi dana dama a Elisha ne hagamouli age laa.”

Matthew 10:29

E aha, e dee se dahi sseene donu huu e hagao ai e lua sparrow? Gai e deai donu se gilaadeu e doo iho gi honga de gelegele, gai doodou Damana e dee iloo.

Luke 10:31

Gai dahi dangada haimeedabu ne humai hogi i de haiava mau, ga gidee e ia taane laa, gai ia ga daa gi de baasi gee de haiava ga hano ai.

2 Thessalonians 3:12

Gimaadeu e hai ange gi dangada e haia mee nei, ma de dangidangi ange gi gilaadeu i de ingoo o Tagi Maolunga go Iesu Klisdo, gilaadeu gi hai hegau e hagadanuaa ai donu gilaadeu.

Ruth 2:2

Dahi laangi gai a Ruth, de hine Moab, ne hai ange gi Naomi, “Au ga hano nei e tilo be goai e abodonu mai gi de au i de mommee iai denga veelenga, gai au ga ogo ai denga huamanu e malili i olaadeu dua.” Gai Naomi ga hai ange gi de ia, “Dagu damaa hine, hannoo!”

Ruth 2:4

De masavaa laa gai Boaz ne humai i Bethlehem, ga hagaboo ange gi de gau hagihagi, ga hai ange, “Tagi Maolunga gi noho i oodou daha!” Gai gilaadeu ga hai ange, “Tagi Maolunga gi hagamanuuia ina goe!”