Ruth 2:15 - De Beebaa Dabu

¹⁵ De masavaa o Ruth ne ahe ai e ogo huamanu, gai a Boaz ne hai ange gi ono dangada hai hegau, “Goodou e dee hagadogaa donu ia, gai dugua ange ia gi ogohia ana huamanu i magavaa o denga noodangaa grain.

Ruth 2:15 Iomraidhean Croise

Leviticus 19:9

De masavaa naa huu oodou e hagihagi ai hua o oodou veelenga, gai goodou e dee hagihagi gi dae gi denga dege alodahi, aabe e ogo gi odi mee gu duuduu laa.

Leviticus 23:22

Gai de masavaa naa huu oodou e hagihagi ai hua i honga oodou gelegele, gai goodou aude hagihagia gi odi, aabe e hagabudu gi odi mee alodahi oodou gu hagihagi; gai dugua ange gi de gau hagaau aloha ma de gau henua gee. Go au donu go Iahweh doodou Maadua.’ ”

James 1:5

Gai noo dahi goodou e deai sono heiangi, gai ia gi dangidangi ange gi de Maadua, de ia e abodonu ange laa gi dangada i mee alodahi, gai ia e dee hagasee donu ia, gai e gaavadu naa donu gi de goe.

Ruth 2:14

Boaz ne hai ange gi a Ruth i de masavaa ne gaimee ai, “Humai gi kinei e gai ai goe hanu pelaoaa, ma de hagasulusulu ange au pelaoaa gi lodo vinegar.” Gai a Ruth ne hano ga noho madali de gau hai hagihagi, gai a Boaz ga gaavange hanu barley lala gi de ia. Gai ia ga gaimee gu bosu, gai e hanu ana gai e doe.

Ruth 2:16

Aagai goodou daangia mai hogi hanu huamanu i denga noodanga ga dugu ange ia gi ogohia, gai goodou e dee hagasee donu ia.”