Ruth 1:5 - De Beebaa Dabu

⁵ Muli mai gai Mahlon ma Kilion gu maakau hogi, gai go Naomi donu huu e mouli; dono bodu ma luaana dama gu maakau.

Ruth 1:5 Iomraidhean Croise

Isaiah 49:21

Gai koe e hagadaba naa i oo lodo, ‘Goai ne hanaua mai dama nei gi de au? Au ne buliaamou ma teai agu dama; au ne gaavee gi dahi henua gee ma de dilia. Gai goai ne haelea age dama nei? Tilo, go au donu huu e doe; aagai go hee ne loomai ai dama nei?’ ”

Jeremiah 2:19

Au hegau baubau e hagaduasala naa goe, gai doo huli gee i de au e hagabaubau donu huu goe. Hagasaelea age gi gidee iho ai e goe de baubau ma de kona de hai ngadaa adu gi de goe, i dau tili Tagi Maolunga doo Maadua, ma dau dee hagadubu au, go de Ia Aamua, Tagi o denga hagabuulinga hebagi e hagadaba.

Luke 7:12

Gai ga dae huu Iesu gi de haitoga o de aduhale laa, gai ia gu gidee dangada soa e saabai dahi daane magau e kave e danu, gai se dama dagidahi nii dahi hahine gu magau dono bodu. Gai e soa hogi dangada mai i de aduhale ne loomai madali de hine laa.

Deuteronomy 32:39

Goodou kalo mai diiloo, go au donu deenei, gai e deai ange donu se maadua, go au donu huu. Go au e daia gi maakau, gai go au e hagamouli ina; go au e hagalagolagohia ina, gai go au hogi e hagaieiangi ina; e deai donu se dangada e maua i de hagaola dahi mai i dogu lima sauaa.

Ruth 1:2

De ingoo o taane laa go Elimelek, de ingoo o dono bodu go Naomi, gai ingoo o luaalaau dama daane go Mahlon, ma Kilion; gilaadeu ni dangada Ephrath, ne loomai i Bethlehem i Judah ga hulo ga nnoho i de henua go Moab.

Ruth 1:4

Gai luaana dama daane ga hai bodu ange gi e dogolua damaa hine o Moab; de ingoo o dahi damaa hine laa go Orpah, gai de ingoo o de ia ange laa go Ruth. Gai gilaadeu ne nnoho i kilaa i e madaangahulu ngadau.

Ruth 1:6

Gai Naomi ma luoono saulaba ne hagadabena e hulo gee i Moab, go hiidinga ia gu langona bolo Tagi Maolunga gu hagamanuuia ono dangada ma gu gaavange alaadeu gai.