Ruth 1:14 - De Beebaa Dabu

¹⁴ Gai gilaadeu alodahi ga heehee ange hogi ga tangi. Gai Orpah ga oso dono saulaba, gai ia ga ahe. Gai a Ruth ne hagapigi ange gi Naomi.

Ruth 1:14 Iomraidhean Croise

Genesis 31:28

Gai koe tee dugu mai hogi gi maua e au i de oso ogu mogobuna ma luaagu damaa hine e hagaboo ai gimaadeu. Koe ne hai hegau be se dangada lodo senga.

Genesis 31:55

Gai Laban ne oho age i taiao ga oso ono mogobuna aama luaana damaa hine, ga hagamanuuia gilaadeu, gai ia ga aahe gi dono mommee donu.

2 Samuel 19:39

Gai de hodooligi ma dangada alodahi ne aahe gi de baasi laa o Jordan. Gai de hodooligi ne oso Barzillai ga hagamanuuia ia, gai Barzillai ga ahe ai loo ga hano gi dono hale.

1 Kings 19:20

Gai Elisha ne dugu luaana kaau, gai ia ga savini ga doolohi Elijah, ga hai ange, “Dugua mai e hano au e oso luoogu maadua, i mua dogu ahe mai e daudali adu i de goe.” Elijah ne hai ange gi de ia, “Ahe; au e dee daohi donu goe.”

Proverbs 17:17

Ssoa abodonu e aloha i masavaa alodahi, gai taina ne haanau ange gi de masavaa o de hai ngadaa.

Proverbs 18:24

Tangada e soa laa ono soa, e duu ange naa donu gi de hai ngadaa, aagai e dahi dangada se soa e kii ange de baa ange gi de ia i dono daina donu.

Isaiah 14:1

Tagi Maolunga e lodo aloha ange naa gi Jacob; ia e ahe ange naa e hili Israel ma de hai gilaadeu gi nnoho i delaadeu henua. De gau henua gee e loomai naa ga dau ange gi gilaadeu, ma de hagabuni ange gi dangada o Jacob.

Zechariah 8:23

E hagadaba Tagi o denga hagabuulinga hebagi: laangi laa gai e dinoangahulu naa dangada mai i denga huaahenua, e pasa laa i muna henua gee, e poo naa de malo laa daha o dahi dangada Ssuu, ga hai ange, ‘Gimaadeu e hulo madali goe, go hiidinga gimaadeu gu langona bolo de Maadua e noho i oo daha.’ ”

Matthew 10:37

Be goai e kii dono damana be go dono dinana i dono aloha ai i de au, e dee bau ange gi de hagabinga bolo se dangada agoago niiagu; gai be goai e kii dana dama daane be go dana damaa hine i dono aloha ai i de au, gai ia e dee bau ange i de hagabinga bolo se dangada agoago niiagu.

Matthew 16:24

Iesu ne hai ange hogi gi ana dangada agoago, “Be goai e lodo e daudali mai i de au, gai ia gi hagangadi mee ina ia, ga saabai dono laagau lui ga daudali mai ai i de au.

Matthew 19:22

Gai ga langona huu e ia muna laa, gai ia ga hano gee i kilaa gu dee baba ono lodo, go hiidinga ia se daane lava mmao.

Acts 17:34

Aagai hanu gilaadeu ne hagabuni ange gi de ia ma de hagadonusia ana muna, go Dionysius, dahi daane e dau laa i de hagabuulinga hagasaele go de Areopagus, aama de hine go Damaris, gai e hanu ange dangada madali gilaau.

Deuteronomy 10:20

Goodou gi maatagu i Tagi Maolunga doodou Maadua, gai daumaha ange donu huu gi de ia, ma de hagapigi ange gi de ia, aama de hagatoo donu donu huu i dono ingoo.

Deuteronomy 4:4

aagai goodou alodahi ne hagapigi ange laa gi Tagi Maolunga doodou Maadua, e mouli huu anailaa nei.

2 Timothy 4:10

go hiidinga Demas gu kii mee o henua i lalo nei i dono lodo ai, ia gu tili au gai gu hano gi Thessalonica. Crescens gu hano gi Galatia, gai Titus gu hano gi Dalmatia.

Hebrews 10:39

Aagai gidaadeu e dee bei dagodo o dangada gu aahe dua laa gai gu maakau, aagai gilaadeu e kai e hagamouli donu olaadeu hagasaalunga.

Ruth 1:13

gooluu e maua i de tali ga dae ai gi delaau maatua? Gooluu e maua i tee hai bodu ga dae ai gi de masavaa laa? E dee maua donu! Luaagu damaa hine, ogu dagodo e kii ange donu de hai ngadaa i ooluu dagodo, go hiidinga Tagi Maolunga gu hai baasi mai donu gi de au.”

Ruth 1:15

Gai Naomi ne hai ange gi a Ruth, “Galo ange, doo maa gu ahe gi daho ono dangada, ma ono diinonga. Ahe madali ia!”

Ruth 1:7

Gai Naomi ma luoono saulaba ne dugu de mommee olaadeu nogo noho ai, gai ne seesee i honga de haiava e aahe gi de henua o Judah.

Ruth 2:11

Aagai a Boaz ga basa ange, ga hai ange, “Dangada gu tala mai gi de au dagodo o mee alodahi aau gu hai ange gi doo saulaba, i dua de magau o doo bodu. Koe ne dugu doo damana ma doo dinana, ma doo henua, gai koe ga humai ga noho madali dangada aau tee iloo i mua.