Romans 8:2 - De Beebaa Dabu

² Go hiidinga de hainga a de Hagasaalunga o de mouli gu hagailaage au mai i ssauaa o de hainga o de haisala ma de magau, i hiidinga o Klisdo Iesu.

Romans 8:2 Iomraidhean Croise

Psalm 51:12

Haia gi ahe ange au gi malangilangi i dau hagaola, gai gaamai gi de au de lodo e daudali adu.

Ezekiel 1:21

De masavaa naa huu o denga mee mouli laa e ngaalue ai, gai hagasii laa gu ngaalue hogi; gai ga tuu naa huu gilaadeu, gai denga hagasii laa gu tuu hogi; gai ga hagamaalanga age naa huu gilaadeu mai i honga de gelegele, gai denga hagasii laa gu maalanga age hogi, i hiidinga de hagasaalunga o denga mee mouli laa i lodo hagasii laa.

John 4:10

Iesu ne hai ange gi de ia, “Noo koe e iloo de mee ngadi gaavange a de Maadua, gai goai e hai adu nei gi de goe, ‘Au e unu,’ gai koe e maua i de dangidangi ange gi de ia, gai ia e maua i de gaavadu gi de goe vai o de mouli.”

John 4:14

aagai be goai e unumia vai aagu e gaavange gi de ia e dee hieunu ange donu. Gai vai aagu e gaavange gi de ia e hai naa ga se saalingaa vai e sali age laa ga hano gi de mouli e dee ngado mai.”

John 6:63

Go de Hagasaalunga ⌊Dabu⌋ e gaavange de mouli; de angaanga e deai ono haigamaiana. Muna aagu gu tala adu gi goodou go de Hagasaalunga ma de mouli.

John 8:32

gai goodou e iloo ai naa de muna abodonu, gai de muna abodonu ga hai gi ilaage goodou.”

John 8:36

Gai noo Tama e hagailaage goe, gai koe gu ilaage donu.

Romans 16:3

Dagu hagaboo ange gi Priscilla ma Aquila, luoogu soa hai hegau i lodo o Klisdo Iesu.

Romans 3:27

Gai e maua ai naa e gidaadeu i de tuhi donu huu gidaadeu? E dee maua donu! Gai dee hee ai naa de hainga odaadeu e daudali ai? Go de hainga o denga hegau? E deai, go de hainga o de gai.

Romans 5:21

Deenei ai, e bei de hai o de haisala e daohi ai laa ssauaa o de magau, gai e bei ai hogi, de abodonu o de Maadua e daohi ssauaa e hagaheohi ai dangada, ma de gaavange gi gilaadeu de mouli e dee ngado mai i hiidinga o Iesu Klisdo taadeu Dagi Maolunga.

Romans 6:14

Go hiidinga de haisala gu deai sono sauaa e dagi ai goodou, i hiidinga goodou gu dee nnoho i lalo ssauaa o de hainga, aagai gu nnoho i lalo ssauaa o de abodonu o de Maadua.

Romans 6:18

Iainei goodou gu ilaage mai i de haisala, gai gu hai gi ni mee hai hegau niio de heohi.

Romans 6:22

Aagai iainei goodou gu ilaage mai i de haisala, gai gu ni dangada hai hegau niio de Maadua, gai doodou mee e maua ai go doodou hai ga ni dangada e dabu, gai de hagaodi o de mee nei go de mouli e dee ngado mai.

Romans 7:21

Deenei ai, au e gidee bolo deenei de hainga e hai hegau: de masavaa aagu e lodo ai e hai de mee heohi, gai go de baubau aagu e hai.

Romans 7:23

aagai au e gidee dahi hainga gee e hebagi ange gi de hainga i ogu lodo laa, ma de daohi au gi noho i lalo ssauaa o de haisala e dagodo laa i lodo o de angaanga.

Romans 7:4

Denga daina, goodou gu maakau ange hogi gi de hainga i doodou dau i de angaanga o Klisdo, gi dau ange ai goodou gi dahi dangada gee, go de ia ne mouli age laa mai i de magau, gai gidaadeu ga hagadili ai denga hua danuaa a de Maadua.

Romans 8:1

Deenei ai, iainei gu deai donu se hagaduasala o dangada e mouli i lodo o Klisdo Iesu.

1 Corinthians 15:45

Gai gu sisi e hai ange, “Adam, go tangada ne hai i taamada, ia ne hai ga se dangada e mouli;” gai de Adam hagaodi se dangada e mouli iai de hagasaalunga e vange de mouli gi dangada.

2 Corinthians 3:17

Gai Tagi Maolunga go de Hagasaalunga donu, gai be go hee naa huu o de Hagasaalunga o Tagi Maolunga iai, gai iai hogi de ilaage.

2 Corinthians 3:6

Gai go ia ne haia gi maua e gimaadeu i de hai gi ni dangada hai hegau niio de hagatoo donu hagaheloongoi hoou. Gai de hagatoo donu hagaheloongoi tee sisi i de hainga, aagai ne sisi i daho de Hagasaalunga ⌊Dabu⌋. Gai de hainga ne sisi laa e daa ga maakau dangada, aagai de Hagasaalunga e gaamai de mouli.

Galatians 2:19

Gai go de hainga ne hidi mai ai dogu magau ange gi de hainga, gi maua ai e au i de mouli ange gi de Maadua.

Galatians 5:1

Klisdo ne hai ga ilaage gidaadeu, gai gi ilaage abodonu ai gidaadeu. Deenei ai, goodou tuu gi makaga, gai gi dee aahe ange gi haia goodou gi ni dangada hai hegau e dee ilaage.

Galatians 6:2

Goodou gi hagadau hagauda ina oodou daemaha; noo goodou e hai de mee nei, gai goodou gu daudali i de hainga a Klisdo.

James 1:25

Aagai tangada e diiloo mee i lo te hainga e honu abodonu laa, go de hainga o de ilaage, ma de duudagi de hai de mee nei — gai ia e dee ngalo ana mee gu langona, aagai e hai hegau ai — tangada bee nei e manuuia i mee alodahi aana e hai.

Revelation 11:11

Aagai dua huu e dolu ma de bido laangi, gai de Maadua ga hai de manava o de mouli gi humai gi ulu gi olaau lodo, gai gilaau gu mouli ga hiihidi ga tuu gi lunga, gai dangada alodahi ne gidee mee ne hai ange gi gilaau gu kona mmao de maatagu.

Revelation 22:1

Gai tangada de langi laa ne hagaago mai gi de au ssaalingaa vai o de mouli, e masalaba laa bei de crystal, gai e sali mai i de nohoanga o de Maadua ma Ssiibi Gauligi,