Romans 7:4 - De Beebaa Dabu

⁴ Denga daina, goodou gu maakau ange hogi gi de hainga i doodou dau i de angaanga o Klisdo, gi dau ange ai goodou gi dahi dangada gee, go de ia ne mouli age laa mai i de magau, gai gidaadeu ga hagadili ai denga hua danuaa a de Maadua.

Romans 7:4 Iomraidhean Croise

Isaiah 54:5

Go hiidinga doo bodu go ia ne haia goe, dono ingoo go Tagi o denga hagabuulinga hebagi; gai de Ia Dabu o Israel go doo Ia Hagaola, ia e hagaingoo ange go de Maadua o henua i lalo alodahi.

Isaiah 62:5

Dahi dama daane e hai bodu ange gi dahi damaa hine, gai e bei ai hogi au dama e hai bodu adu naa gi de goe. Gai de Maadua e malangilangi naa hogi i de goe, bei de malangilangi o tama daane i dono bodu.

Matthew 26:26

De masavaa olaadeu e gaimee ai, gai Iesu ga poo mai dahi duudangaa pelaoaa, ga dalodalo ga dohidohi ga gaavange gi denga dangada agoago, ga hai ange, “Gaavee, gaina; go dogu angaanga deenei.”

Mark 4:20

Hanu e bei denga golee ne too ange laa gi honga de gelegele danuaa; gilaadeu ne langona muna laa ga daohi i olaadeu lodo, gai gilaadeu gu hhua: hanu e dagimatolu, hanu e dagimadaono, gai hanu e dagillau.”

John 15:8

Deenei de mee e hagamahamaha ai dogu Damana, go doodou hhua lagolago, e hagaago mai ai bolo goodou ni dangada agoago donu niiagu.

John 3:29

Taane niiona de bodu go taane gu dai hagahai bodu. Gai ssoa o taane gu dai hagahai bodu e duu ma e tali e hagallongo ana muna, gai ia e malangilangi mmao i dana langona de leo o taane gu dai hagahai bodu. Deenei ai, dogu malangilangi gu honu danuaa.

John 6:51

Go au de pelaoaa o de mouli ne hano iho mai i de langi; be goai e gaina de pelaoaa nei, gai ia e mouli ga hano ai. Gai de pelaoaa aagu e gaavange e hagamouli ai henua i lalo go dogu angaanga donu.”

Romans 6:11

Gai e bei ai hogi, goodou gi tonu ange bolo goodou gu maakau ange donu gi de haisala, aagai gu mouli ange gi de Maadua i lodo o Klisdo Iesu.

Romans 6:14

Go hiidinga de haisala gu deai sono sauaa e dagi ai goodou, i hiidinga goodou gu dee nnoho i lalo ssauaa o de hainga, aagai gu nnoho i lalo ssauaa o de abodonu o de Maadua.

Romans 6:2

E dee maua donu! Dee hee taadeu hai e duudagi ai de hai hegau i de haisala, gai gidaadeu gu maakau ange gi de haisala?

Romans 6:22

Aagai iainei goodou gu ilaage mai i de haisala, gai gu ni dangada hai hegau niio de Maadua, gai doodou mee e maua ai go doodou hai ga ni dangada e dabu, gai de hagaodi o de mee nei go de mouli e dee ngado mai.

Romans 7:3

Gai ia e hagabinga bolo se hine dagodo haisala noo ia e hai bodu ange gi dahi daane gee, i de masavaa o dono bodu e mouli ai. Aagai noo gu magau dono bodu, gai ia gu ilaage mai i de hainga laa, ia gu dee dagodo haisala noo ia e hai bodu ange gi dahi daane gee.

Romans 7:6

Aagai iainei gidaadeu gu ilaage mai i de hainga laa, gidaadeu gu maakau ange gi de hainga nogo noodia laa gidaadeu, gai gidaadeu gu dee hai hegau i de hainga duai gu lava laa i de sisi, aagai gu kave de mouli hoou o de Hagasaalunga ⌊Dabu⌋.

Romans 8:2

Go hiidinga de hainga a de Hagasaalunga o de mouli gu hagailaage au mai i ssauaa o de hainga o de haisala ma de magau, i hiidinga o Klisdo Iesu.

1 Corinthians 10:16

E aha, de ubu adaadeu e hagaahe ange ai nei de abodonu, e dee go taadeu hagadau kave dodo o Klisdo? Gai e aha, de pelaoaa adaadeu e dohidohi nei, e dee go taadeu hagadau kave de angaanga o Klisdo?

2 Corinthians 11:2

Au gu lodo gaiaa i oodou hiidinga i de lodo gaiaa o de Maadua. Au ne hagatoo donu e hai goodou go de hagababa gilimalali o dahi daane, go Klisdo.

Galatians 3:13

Klisdo ne hagao gidaadeu ga hagaola mai i de hagamalaia o de hainga, ia ne hagamalaia i odaadeu hiidinga — go hiidinga gu sisi e hai ange, “E hagamalaia tangada e daudau i honga dahi manu somo”  —

Galatians 5:18

Aagai noo go de Hagasaalunga ⌊Dabu⌋ e dagina goodou, aagai goodou e dee nnoho i lalo ssauaa o de hainga.

Ephesians 2:15

i dana hai gi deai haigamaiana o denga hainga ma hagamodu. Gai ia ga hai ai luu hagabuulingaa dangada laa gi dahi donu huu i ono lodo, gai ia ga hagadanuaa ai olaau magavaa.

Philippians 1:11

Gai oodou mouli gu hoohonu i hua o de heohi ne daamada mai laa i mahi o Iesu Klisdo, e hagamahamaha ai ma de tuhi ai de Maadua.

Philippians 4:17

Au e dee se lodo i doodou mee ngadi gaavange, aagai ne lodo e hai gi laumalie de manuuia oodou e kave.

Colossians 1:10

Gai gi maua ai e goodou i de mouli bei dagodo lodo o Tagi Maolunga, ma de hagamalangilangi ia i mee alodahi, ma de hagadili hua danuaa i denga hegau danuaa alodahi, aama de hagadaga ange doodou iloo de Maadua.

Colossians 1:22

Aagai iainei ia gu hagadanuaa oodou magavaa i de angaanga o Klisdo i dono magau, gai ia ga gaavange ai goodou gi de ia, goodou gu dabu ma de gilimalali, gai gu dee hagabaubau i mada luoono mada —

Colossians 1:6

gu dae adu naa hogi gi goodou. Gai go de longo danuaa hogi gu hagadili ina laa hua lagolago aama de hagadagadaga age i henua i lalo alodahi — bei de hai gu hagadili ai naa hogi ono hua i oodou magavaa, mai i de laangi oodou ne langona ai ga tonu ange gi de abodonu o de Maadua.

Colossians 2:14

ia ne ssolo adaadeu muli gu daohi laa ma e hai baasi mai ai gi gidaadeu i de hainga; gai ia ne kave mee nei ga daudau ange gi de laagau lui.

Colossians 2:20

Noo goodou gu maakau madali Klisdo, ange gi ssauaa o hagasaalunga o henua i lalo nei, gai gu aha goodou gu hai hegau ai naa bei dagodo o dangada e daudali i denga hainga bee nei:

Hebrews 10:10

Gai de lua hagatau ne hai ga dabu gidaadeu i ssigidaumaha o de angaanga o Iesu Klisdo i e dahi donu huu hanonga.

1 Peter 2:24

Ia ne hagauda odaadeu haisala i dono angaanga i honga de laagau lui, gi deai ai se sauaa o de haisala e dagi ai gidaadeu, aagai gidaadeu gu mouli i de mee heohi. Gai ono mee lagolagohia gu hagaieiangi goodou.

Revelation 19:7

Gidaadeu ga malangilangi ma de llodo danuaa, aama de hagamahamaha ia, go hiidinga gu dae mai de masavaa o de hagahai bodu o Ssiibi Gauligi, gai dono bodu gu lava i de hagadabena ono mee,

Revelation 21:9

Gai gu humai dahi dangada de langi i magavaa o denga dangada de langi e dogohidu nogo tuu laa ma e daohi denga boolo e hidu e hhao ai laa denga mee hagamaakau hagaodi e hidu, ga basa mai gi de au, ga hai mai, “Humai, gai au ga hagaago adu gi de goe de hine gu dai hagahai bodu laa, go de bodu o Ssiibi Gauligi.”