Romans 4:5 - De Beebaa Dabu

⁵ Aagai tangada e dee hai hegau, gai ia e hagadonusia de Maadua e hagaheohi ina laa de gau baubau, gai dono gai e dau ia gi se dangada e heohi,

Romans 4:5 Iomraidhean Croise

Habakkuk 2:4

Tilo, ia e lodo maolunga, gai ono lodo e dee heohi; aagai tangada heohi e mouli donu i dono gai.

Mark 9:23

Iesu ne hai ange gi de ia, “ ‘Noo koe e maua,’ — mee alodahi e maua donu i de hai ange gi tangada e hagadonusia.”

John 5:24

Ni muna abodonu, ni muna abodonu aagu e hai adu nei gi goodou, tangada e hagalaangona agu agoago ga hagadonusia de ia ne haia nei au gi humai e maua donu de mouli e dee ngado mai. Ia e dee hagaduasala, aagai ia gu hagaui gee i de magau ma gu kave de mouli.

John 6:29

Iesu ne hai ange gi gilaadeu, “Aanei hegau a de Maadua: goodou hagadonusia de ia aana gu hai gi humai.”

Romans 10:3

Go hiidinga gilaadeu tigi tonu ange gi de hai a de Maadua e hagaheohi ai dangada, gai e ssala donu huu delaadeu hai e hagaheohi ai, gilaadeu e dee llodo e dugu ange gilaadeu gi de hagaheohi a de Maadua.

Romans 3:22

Gai de hagaheohi nei ne gaavange gi dangada alodahi i delaadeu hagadonu Iesu Klisdo. Gai e dee dagodo geegee donu dangada,

Romans 4:24

aagai mai hogi gi gidaadeu — go gidaadeu gu dau hogi bolo ni dangada e heohi i taadeu hagadonu de ia ne hagamouli ina age Iesu taadeu Dagi Maolunga i de magau.

Romans 4:3

Gai aahee muna a de Beebaa Dabu gu tala laa? “Abraham ne hagadonusia de Maadua, gai de mee nei gu dau ia gi se dangada e heohi.”

Romans 4:6

David ne hagamanuuia hogi tangada a de Maadua gu dau bolo gu heohi, gai e dee go hiidinga o ana hegau:

Philippians 3:9

ma de dau madali ia, gai e dee se heohi ne maua i dogu daudali i de hainga, aagai se heohi ne maua i dogu gai ange gi Klisdo — go de heohi mai i daho de Maadua ne maua laa i de gai,

Joshua 24:2

Gai Joshua ga hai ange gi dangada alodahi, “E hagadaba Tagi Maolunga, de Maadua o Israel, ‘Madagidagi gai oodou dubuna nogo nnoho i de baasi laa o ssaalingaa vai go Euphrates; gai a Terah, tamana o Abraham ma Nahor, ne daumaha ange gi hanu maadua gee.