Romans 4:2 - De Beebaa Dabu

² Noo Abraham ne hagaheohi i daho de Maadua i ana hegau, gai e hanu donu mee aana e tuhi ai ia, aagai ia e dee maua i de tuhi ia i mada luu mada o de Maadua i mee nei.

Romans 4:2 Iomraidhean Croise

Genesis 12:18

Gai Pharaoh ga aalu Abram gi humai, ga hai ange, “Gu aha gu hai mai ai nei goe de hegau nei gi de au? Gu aha tee tala mai ai laa goe bolo de hine nei go doo bodu donu?

Genesis 12:20

Gai Pharaoh ga basa ange gi ono daane, gai gilaadeu ga hai ia gi hano madali dono bodu ma ana mee alodahi.

Ezekiel 8:9

Gai ia ne hai mai gi de au, “Ulu mage diiloo denga mee hakino gee alaadeu e hai naa i kinaa.”

Romans 15:17

Deenei ai, au e maua i de tuhi agu hegau ange gi de Maadua, i dogu noho i lodo o Klisdo Iesu.

1 Corinthians 1:29

gi deai ai se dangada e maua i de tuhi donu huu ia i mada luu mada o de Maadua.

1 Corinthians 1:31

Deelaa ai, gu sisi e hai ange, “Tangada e lodo e tala tuhi dahi mee gi duuhia donu huu Tagi Maolunga.”

1 Corinthians 4:7

Gai goai ne haia goodou gi dagodo gee ma tangada ange laa? Gai ni aha i oodou daha e dee ni mee ne ngadi gaavadu gi goodou? Gai noo ni mee ne ngadi gaavadu, gai gu aha goodou gu pasa hagassoenga ai naa, e dagodo be e dee ni mee ne ngadi gaavadu gi goodou?

1 Corinthians 9:16

Gai ga agoagona naa donu e au de longo danuaa, aagai au e dee maua i de tuhi donu huu au, i hiidinga se hegau ne gaamai au gi haia. Gai e vakaa naa donu au, noo au e dee agoago de longo danuaa!

2 Corinthians 11:12

Gai au e duudagi naa donu huu de hai agu mee e hai nei, e hai ai gi dee maua e gilaadeu e llodo naa e tala bolo alaadeu hegau e bei donu amaadeu hegau e hai nei.

2 Corinthians 11:30

Noo au e tala tuhi dahi mee, gai au gi duuhia mee e hagaago danuaa mai ai laa dogu baageaa.

2 Corinthians 5:12

Gimaadeu e dee tuhi adu gimaadeu gi goodou, aagai gimaadeu e gaavadu gi goodou dahi hiidinga e maua ai e goodou i de tuhi gimaadeu, gi maua ai e goodou i de pasa ange gi dangada e duuhia laa donu huu gilaadeu i mee a dangada e gidee, e dee go mee i lodo o tangada.

Galatians 3:22

Aagai de Beebaa Dabu e hagadaba bolo dangada alodahi gu nnoho i lalo ssauaa o de haisala; gai go gilaadeu e kai ange gi Iesu Klisdo e gaavange aagena de hagatoo donu i delaadeu hagadonusia.

Ephesians 2:9

e dee go hiidinga o oodou hegau, gi deai ai se dangada e maua i de tala tuhi donu huu ia.

Philippians 3:9

ma de dau madali ia, gai e dee se heohi ne maua i dogu daudali i de hainga, aagai se heohi ne maua i dogu gai ange gi Klisdo — go de heohi mai i daho de Maadua ne maua laa i de gai,

Joshua 24:2

Gai Joshua ga hai ange gi dangada alodahi, “E hagadaba Tagi Maolunga, de Maadua o Israel, ‘Madagidagi gai oodou dubuna nogo nnoho i de baasi laa o ssaalingaa vai go Euphrates; gai a Terah, tamana o Abraham ma Nahor, ne daumaha ange gi hanu maadua gee.