Romans 4:12 - De Beebaa Dabu

¹² Gai go ia hogi tamana o dangada e dee tuu dagaholiage laa donu huu i olaadeu angaanga, gai e daudali hogi i de gai o taadeu dubuna go Abraham, i de masavaa oona tigi tuu dagaholiage ai.

Romans 4:12 Iomraidhean Croise

De Beebaa go Job 33:11

ia gu nnoa ange luoogu vae gi denga laagau hagamakaga, ma de dagitilo mommee alodahi oogu e hano aagena.’

Psalm 47:9

De gau aamua o denga huaahenua gu hagabuni madali dangada o de Maadua o Abraham, go hiidinga denga mee hungihungi i henua i lalo nii de Maadua; ia e hai naa ga aamua mmao!

Proverbs 2:20

Gai koe gi daudali i de haiava o de gau danuaa, ma de seesee i haiava o olaadeu e heohi.

Song of Songs 1:8

De hine mahamaha hugadoo i denga haahine, noo koe e dee iloo, gai koe daudali ange i duulangaa dabuvae o de hagabuulingaa ssiibi, ma de kave au guudi gi gaimee i gaogao hale malo o de gau hagaloosi ssiibi.

Ezekiel 33:24

“Tama a tangada, dangada e nnoho i denga mommee gu maoha laa i Israel, e hagataba, ‘Abraham se dangada sogosogo donu huu, gai ia ne henua i de henua; gai gimaadeu ni dangada soa, deelaa ai, de henua nei gu gaamai donu e henua ai gimaadeu.’

Matthew 3:9

Gai goodou aude hagataba, ‘Gimaadeu ni dama nii Abraham’. Au e hai adu gi goodou, de Maadua e maua donu i de hai hadu nei e hai ai dama a Abraham!

Romans 4:11

Gai dono tuu dagaholiage se hagailonga, e maaga ai dono hai ga se dangada e heohi i de gai, i de masavaa oona tigi tuu dagaholiage ai. Deenei ai, go ia tamana o dangada alodahi e hagadonusia aagai tigi tuu dagaholiage. Gilaadeu gu dau gi ni dangada e heohi i olaadeu kai.

Romans 4:13

Gai de hagatoo donu ange gi Abraham ma dono aamuli, bolo henua i lalo alodahi e bolo ange naa gi gilaadeu gi henua ai, tee hai i hiidinga o de hainga, aagai ne hai i hiidinga o delaadeu hagaheohi i de gai.

2 Corinthians 12:18

Au ne hagammahi ange Titus gi hanadu madali dahi odaadeu daina ange laa. Gai ne vaivai dagodo adu laa Titus gi goodou? E dee ne dagodo daudahi laa donu huu omaau lodo ma amaau hegau adu gi goodou?

1 Peter 2:21

Gai deenei donu doodou mee ne hagahi ange aagena, go hiidinga Klisdo ne hagaduasala hogi i oodou hiidinga, gai ia gu gaavadu ai gi goodou dahi hagaago danuaa, gai goodou ga daudali ange ai i de ia.