Romans 3:5 - De Beebaa Dabu

⁵ Gai noo odaadeu baubau e hai ga sula danuaa mai de heohi o Maadua, gai aahee ai adaadeu muna ange gi mee nei? E maua e gidaadeu i de hagataba bolo de Maadua e dee heohi dana hagaduasala gidaadeu i dono bole? (Au e basa bei de hai o dangada e pasa ai.)

Romans 3:5 Iomraidhean Croise

Genesis 18:25

E dee aanei donu dagodo o au hegau e hai — koe e dee daa gi maakau de gau heohi madali de gau baubau, aabe e hai de gau heohi bei dagodo o de gau baubau. E dee aanei donu dagodo o au hegau e hai! E aha, de Ia Hagamodu o henua i lalo alodahi e dee hai naa de mee heohi?”

De Beebaa go Job 8:3

E aha, de Maadua se ia e hagahaisala ina de hagamodu heohi? E aha, de Ia Mmahi Mmao laa e hagahaisala laa de mee heohi?

Nahum 1:2

Tagi Maolunga e lodo gaiaa, gai se Maadua e sui ange de baubau; Tagi Maolunga e sui ange baubau o ono hagadaumee. Tagi Maolunga e sui ange hegau a ono hagadaumee, ma de hagaduasala gilaadeu e kino i de ia i dono bole.

Romans 12:19

Ogu soa hagamogomogo, goodou gi dee suuia ange de baubau, aagai dugua ange gi hai hegau de bole ⌊o de Maadua⌋, go hiidinga gu sisi e hai ange: “Go au e suuia ange de baubau; au e sui ange naa donu,” go Tagi Maolunga e hagadaba.

Romans 2:5

Aagai de makaga o oo lodo ma tee dahuli oo lodo, ne hai gi laumalie de lili e hagadabena adu gi de goe i de laangi o de bole, go de masavaa a de Maadua e hagasula mai ai dana hagamodu heohi.

Romans 3:19

Gidaadeu e iloo bolo muna alodahi o de hainga e basa ange gi dangada e nnoho laa i lalo de hainga, gi dee maua ai e dahi dangada daudahi i de hagaheohi donu huu ia, gai henua i lalo alodahi gi too ange gi de hagaduasala a de Maadua.

Romans 3:7

Aagai noo go dogu dee hai hegau i de mee abodonu e haia ga sula danuaa mai de hai hegau o de Maadua i de mee abodonu ma de hai gi kii ange dono hagamahamaha, gai gu aha ia gu hagamodu ai nei bolo au se dangada haisala?

Romans 4:1

Gai aahee ai adaadeu muna ange gi dagodo o mee a Abraham, taadeu dubuna madagidagi, ne gidee?

Romans 5:8

Aagai de Maadua ne hagaago mai dono aloha i gidaadeu i dana gaamai Klisdo gi magau i odaadeu hiidinga, i de masavaa odaadeu goi nnoho ai i lodo odaadeu haisala.

Romans 6:1

Gai aahee ai adaadeu muna ange gi mee nei? Gidaadeu ga duudagi de nnoho i lodo odaadeu haisala gi kii ange ai de laumalie de abodonu o de Maadua?

Romans 6:19

Au e basa adu gi goodou i mee e hai i de laa tubua, i hiidinga doodou dee tonu. Gai e bei doodou hai ne dugu ange ai laa oodou angaanga gi denga hegau hakino gee, ma de baubau alodahi, aagai iainei goodou dugua ange oodou angaanga, gi hai hegau ange gi de heohi, e maua laa i de hai goodou gi dabu.

Romans 7:7

E aha, e maua e gidaadeu i de hagataba bolo de hainga e haisala? E dee maua donu! Noo tee gaamai de hainga, gai au tee iloo dagodo o de haisala. Au tee maua hogi gi iloo be se aha de nnoo hagamau mee, noo de hainga tee hai mai, “Aude nnoo!”

Romans 8:31

Gai aahee ai adaadeu muna ange gi de mee nei? Noo de Maadua e bale mai gidaadeu, gai goai ai naa e maua i de hai baasi mai gi gidaadeu?

Romans 9:30

Gai aahee ai adaadeu muna ange gi mee nei? Gidaadeu e maua i de hagataba bolo denga Gentile tee hagaduu ngae laa e ssala delaadeu hagaheohi i daho de Maadua, gu maua e gilaadeu de hagaheohi i de gai;

1 Corinthians 15:32

Gai ni aha naa donu aagu e mau, i dogu hebagi ange gi denga manu alasala i Ephesus? Noo de gau maakau e dee mouli age donu, “Gidaadeu ga gaimee ma de unu, go hiidinga daiao gidaadeu e maakau.”

1 Corinthians 9:8

E dee ni maanadu donu huu nii dangada aagu e tala adu nei, gai muna nei gu sisi donu i de hainga a Moses.

2 Corinthians 6:4

gai gimaadeu gu hagaago danuaa adu i mee alodahi, bolo gimaadeu ni dangada hai hegau niio de Maadua: i demaadeu lodo mmahi i de golomagi lodo, i de masavaa o denga hagaduasala, ma mee hai ngadaa, aama mee hagamanavasaa,

2 Corinthians 7:11

Goodou kalo ange diiloo mee a taemaha bei dagodo de hagatau a de Maadua gu hai i oodou lodo: go llodo mmahi, ma doodou llodo e hagaheohi goodou, ma de llili, ma de maatagu, ma de llodo mmao e tilo au, ma doodou hai hegau hagammahi, aama de hai gi sula de hagamodu heohi. Gai goodou gu hagaago mai bolo goodou e dee haisala donu i de mee nei.

Galatians 2:18

Noo au e ahe ange ga hagatuu age mee aagu gu oha iho, gai e hagaago mai bolo au se dangada donu e oohaa de hainga.

Galatians 3:15

Denga daina, au e tala adu dahi hagadagodo i hegau e hai i daho dangada: e deai donu se dangada e maua i de hai gi dee haigamaiana de boolonga o dahi dangada, aabe e hagapuni ange hanu mee aagena, noo gu lava i de hagasauaa.

Revelation 15:3

Gai gilaadeu ne daahili i taahili a Moses, tangada hai hegau o de Maadua, ma taahili a Ssiibi Gauligi, ga hagataba, “Tagi Maolunga de Maadua Mmahi Mmao laa, ga dae laa de hagamaatagu ma de hagalele mouli au hegau! Au hegau e heohi gai ni mee abodonu, de Hodooligi o denga huaahenua.

Revelation 18:20

De langi, ma goodou dangada o de Maadua, ma de gau tala, aama denga pelaabisi, goodou malangilangi i dagodo o de aduhale laa! Go hiidinga de Maadua gu hagaduasala de aduhale laa i dana hagaduasala goodou!