Romans 3:4 - De Beebaa Dabu

⁴ E dee maua donu! De Maadua e heohi, aagai dangada alodahi ni dangada hadu muna. Gai gu sisi e hai ange, “Koe e hagaheohi donu i doo masavaa e basa ai, ma de kii i de masavaa aau e hagamodu ai muna.”

Romans 3:4 Iomraidhean Croise

De Beebaa go Job 36:3

Au ne kave dogu iloo mee mai i de mommee mmao, ma de hagaago adu bolo de ia ne haia ngau e heohi.

De Beebaa go Job 40:8

E aha, koe e hai gi dee sula dagu hagamodu heohi? Koe e hagamodu ogu muna gai ga hagaheohi goe?

Psalm 100:5

Go hiidinga Tagi Maolunga e danuaa; dono abodonu e dagodo ga hano ai, gai ia e hai hegau i de mee abodonu ange gi denga atangada alodahi.

Psalm 116:11

Gai au ne hagadaba i dogu madagu, “Dangada alodahi ni dangada hadu muna.”

Psalm 119:160

Au muna alodahi ni muna abodonu; au hagamodu heohi alodahi e daakodo ga hano ai.

Psalm 138:2

Au e huli ange gi doo temple dabu ga daumaha ai, ma de hagadegi doo ingoo i hiidinga doo abodonu aama doo hai hegau i de mee abodonu; go hiidinga koe gu hagaamua doo ingoo aama au muna.

Psalm 51:4

Au e hai baasi adu donu gi de goe, i dogu haisala, ma de hai de baubau i mada luoo mada, deenei ai, koe e heohi donu i doo masavaa e basa ai, gai e heohi donu dau hagamodu muna.

Psalm 62:9

De gau maolalo e bei dagodo o dahi damaa madangi; de gau maolunga e bei dagodo o de mee hagasenga. Gilaadeu e bei denga mee maamaane i honga mee hagahidi; gilaadeu alodahi e maamaane ange i dahi damaa madangi.

Micah 7:20

Koe e hai hegau ange naa gi Jacob i de muna abodonu, ma de abodonu ange gi Abraham, bei dau hai gu hagatoo donu ange ai gi omaadeu dubuna madagidagi.

Matthew 11:19

Gai Tama a Tangada ne humai ga gaimee ma de unu, gai gilaadeu ne hagataba, ‘Ia se dangada aagai ma de lodo e unu mee vii, gai se soa niio de gau e hagabudulia taagisese ma de gau baubau.’ Aagai de heiangi ⌊o de Maadua⌋ gu hagaago mai bolo e heohi i ana hegau.”

Luke 20:16

Ia e humai naa ga daa gilaadeu gi maakau, gai ga gaavange de veelenga laa gi hanu dangada gee.” De masavaa a dangada ne langona ai de mee nei, gai gilaadeu ga hagataba, “E dee maua donu gi hai mee nei!”

John 3:33

Gai tangada e hagadonusia ana muna gu tala hagadonu bolo de Maadua e hai hegau i de mee abodonu.

Romans 11:1

Gai au e ssili adu hogi: de Maadua gu tili laa donu ono dangada? E dee maua donu! Go hiidinga au donu se dangada Israel, go dahi hagadiilinga o Abraham, mai i de aamuli o Benjamin.

Romans 11:11

Deelaa ai, au e ssili adu ange: E aha, de gau Israel gu baakuu laa ma gu dee maua ange i de hiihidi age? E dee maua donu! Gai delaadeu haisala ne hai ga maua e denga Gentile de hagamouli, gi llodo gaiaa ai de gau Israel.

Romans 3:31

Gai e maua ai naa e gidaadeu i de tili hainga a Moses i hiidinga gidaadeu gu hagaheohi i odaadeu kai? E dee maua donu! Aagai gidaadeu gi hagasula ina de hainga.

Romans 6:15

Gai aahee ai adaadeu mee e hai? Gidaadeu ga duudagi de nnoho i lodo odaadeu haisala, i hiidinga gidaadeu gu dee nnoho i lalo de hainga, gai gu nnoho i lalo de abodonu o de Maadua? E dee maua donu!

Romans 6:2

E dee maua donu! Dee hee taadeu hai e duudagi ai de hai hegau i de haisala, gai gidaadeu gu maakau ange gi de haisala?

Romans 7:13

E aha, go de hainga danuaa laa ne hidi ai nei dogu magau? E dee maua donu! Aagai go de haisala ne hagahai hegau ina de mee danuaa laa ga dagi ange ai au gi de magau, e hagaago mai ai bolo de haisala e haisala donu, gai muna o de hainga ne hagaago mai bolo de haisala e baubau mmao.

Romans 7:7

E aha, e maua e gidaadeu i de hagataba bolo de hainga e haisala? E dee maua donu! Noo tee gaamai de hainga, gai au tee iloo dagodo o de haisala. Au tee maua hogi gi iloo be se aha de nnoo hagamau mee, noo de hainga tee hai mai, “Aude nnoo!”

Romans 9:14

Gai aahee ai adaadeu muna ange gi mee nei? De Maadua tee heohi laa ana mee ne hai? E dee maua donu!

1 Corinthians 6:15

Goodou e dee iloo laa bolo oodou angaanga ni mee donu niio de angaanga o Klisdo? Gai dee hee ai dagu hai e kave ai dahi mee de angaanga o Klisdo e hai gi ange gi de angaanga o dahi hahine hai be se manu? E dee maua donu!

2 Corinthians 1:18

Gai e bei de hai hegau o de Maadua i de muna abodonu, amaau muna adu gi goodou tee hai adu bolo “uaa” gai e “deai” hogi.

Galatians 2:17

Gai noo de masavaa amaadeu e ssala ai e hagaheohi gimaadeu i lodo o Klisdo, gai gu gidee bolo gimaadeu ni dangada haisala, gai go Klisdo ai ne haia gimaadeu ga haisala? E dee maua donu!

Galatians 2:21

Au e dee hagangadi mee de abodonu o de Maadua; go hiidinga noo gimaadeu ne hagaheohi i de hainga, aagai teai donu haigamaiana de magau o Klisdo.

Galatians 6:14

Aagai de Maadua e dee dugu mai donu au gi duuhia donu huu au i dahi mee daudahi, aagai au e tuhi donu huu de laagau lui o taadeu Dagi Maolunga go Iesu Klisdo, go de laagau lui oogu ne magau ange ai henua i lalo, ma lodo o henua i lalo.

Deuteronomy 32:4

Ia se baba makaga, ana hegau e hoohonu danuaa, gai ia e hai hegau i de hagamodu heohi. Ia se Maadua e hai hegau i de muna abodonu ma teai se baubau i ono daha, ia e hagamodu i de heohi ma de soe.

1 Timothy 3:16

Gai gu iloo abodonu, bolo de hai daumaha dabu nogo dee iloo laa, e maolunga mmao. Ia ne humai ga hai gi se dangada, gai de Hagasaalunga ⌊Dabu⌋ ne tala hagadonu ono dagodo, de gau de langi ne gidee ia, gai gu tala ono dagodo i magavaa o denga Gentile, ne hagadonusia e dangada i henua i lalo alodahi, gai ia ne gaavage i de mahamaha.

Titus 1:2

ma de tali hagalodolodo ange gi de mouli e dee ngado mai, go de mee a de Maadua, e deai laa se hadu muna, gai gu hagatoo donu i mua taamada o henua i lalo,

Hebrews 6:18

gai luu mee nei e dee maua donu i de sui; de Maadua e dee maua donu i de hadu muna, deenei ai, gidaadeu gu mmuni laa i ono daha gu llodo mmahi i de daohi de tali hagalodolodo gu dagodo mai laa i odaadeu mada i mua.

1 John 5:10

Be goai e hagadonusia Tama Daane a de Maadua, gai ia e daohia de tala hagadonu nei i ono lodo. Gai tangada e dee hagadonusia de Maadua gu hai de Maadua gi se ia hadu muna, go hiidinga ia tee hagadonusia muna a de Maadua gu tala ai dagodo o dana Dama Daane.

1 John 5:20

Gidaadeu e iloo bolo Tama Daane a de Maadua gu humai donu, gai ia gu hai gi tonu danuaa ange gidaadeu, gi iloo ai e gidaadeu de Maadua abodonu. Gai gidaadeu ga nnoho ai i lodo o de Maadua abodonu, i lodo o dana Dama Daane go Iesu Klisdo. Gai go ia donu de Maadua abodonu ma de mouli e dee ngado mai.

Revelation 3:7

“Gai siia ange muna nei gi tangada de langi o de nohoanga dabu i Philadelphia: Aanei muna a de ia dabu laa, go de ia e hai hegau laa i de muna abodonu, go de ia e daohia de gii a David; dana mee e hhuge e deai donu e maua i de pono, gai dana mee e pono e deai donu e maua i de hhuge.