Romans 3:10 - De Beebaa Dabu

¹⁰ bei de hai gu sisi ai laa, “E deai donu se dangada e heohi, e deai donu;

Romans 3:10 Iomraidhean Croise

De Beebaa go Job 14:4

Goai e maua i de hai de mee gilimalali i de mee e dee gilimalali? E deai donu se dangada e maua!

De Beebaa go Job 15:14

Se aha tangada, gai ia ga maua ai gi gilimalali? Se aha tangada e haanau laa i daho de hine, gai ia ga maua ai gi heohi?

De Beebaa go Job 15:16

gai tangada hakino gee ma de haisala e kii mai ange donu, ia se dangada e unumia tee heohi bei denga vai!

De Beebaa go Job 25:4

E maua e dahi dangada gi heohi i mada luu mada o de Maadua? E maua e tangada ne haanau i daho de hine gi gilimalali?

Psalm 143:2

Koe gi dee hagamodu ina muna o doo dangada hai hegau, go hiidinga e deai donu se dangada mouli e heohi i mada luoo mada.

Isaiah 8:20

Goodou hagalaangona hainga a de Maadua ma ana muna! Noo gilaadeu e dee tala gi bei muna nei, gai e deai donu se maalama iai.

Jeremiah 17:9

Lodo o tangada e kii ange de laumalie de hagasenga iai i mee alodahi, gai e kona de hakino gee. Goai e maua gi donu ange aagena?

Matthew 15:19

Gai aanei mee e loomai i lodo o tangada: go maanadu baubau, ma de daa tangada gi magau, ma de gaiaa de bodu o dahi, ma de hai be se manu, ma de gaiaa, ma de hadu muna i de tala hagadonu, aama de tala hagabaubau dahi.

Mark 10:18

Iesu ne hai ange gi de ia, “Gu aha gu hagadaba ai naa goe bolo au e danuaa? E deai donu e danuaa, go de Maadua donu huu.

Romans 11:8

bei de hai gu sisi ai laa, “De Maadua gu hai gilaadeu gi ssenga, olaadeu ganomada gi dee gidee, gai olaadeu dalinga gi dee langona, ga dae mai ai gi anailaa nei.”

Romans 3:11

e deai donu se dangada e donu ange; e deai donu se dangada e saalaa de Maadua.

Romans 3:23

go hiidinga dangada alodahi gu haisala gai gu dee maua i de kave de mahamaha o de Maadua,

Romans 3:4

E dee maua donu! De Maadua e heohi, aagai dangada alodahi ni dangada hadu muna. Gai gu sisi e hai ange, “Koe e hagaheohi donu i doo masavaa e basa ai, ma de kii i de masavaa aau e hagamodu ai muna.”

Titus 3:3

Go hiidinga i mua gai gidaadeu alodahi ni dangada llodo ssenga, ma tee hagallongo i muna, gai ne daahangadia, ma de noodia i denga hagadaagangaa lodo odaadeu e malangilangi ai. Gidaadeu ne mouli i de kino ma de lodo gaiaa, gai e hai hegau i de lili ma de hagadau kino.

1 Peter 1:16

Gai gu sisi e hai ange, “Goodou gi dabu, go hiidinga au e dabu.”

Revelation 21:8

Aagai de gau madagudagu, ma dangada tee hagadonusia, ma de gau hakino gee, ma de gau daa dangada, ma de gau dagodo haisala, ma de gau hai huuhuaa mee, ma dangada e daumaha ange gi denga diinonga, ma de gau hadu muna alodahi — delaadeu duuhanga go de ahi ula ma denga sulfur e sali laa bei de vai, deenei de lua magau.”

Revelation 22:15

Gai tua de aduhale e nnoho ai denga gaaduu, ma de gau hai huuhuaa mee, ma de gau dagodo haisala, ma de gau daa dangada, ma gilaadeu e daumaha ange gi denga diinonga, aama dangada alodahi e malangilangi i de hai hegau i de hadu muna.