Romans 2:8 - De Beebaa Dabu

⁸ Aagai gilaadeu e dee anga ange gi dangada, ma tee hagallongo ange gi de mee abodonu, gai e hagallongo ange gi de mee dee heohi, e tuu ange donu gi de bole ma de lili ⌊o de Maadua⌋.

Romans 2:8 Iomraidhean Croise

2 Chronicles 6:23

gai koe hagalaangona mai i de langi, ga hai hegau ange ga hagamodu muna o oo dangada hai hegau, ga hagaduasala tangada gu haisala gi bei ana hegau gu hai. Gai koe e degi ange gi tangada heohi bei dagodo o ana hegau.

De Beebaa go Job 24:13

Hanu e hai baasi ange gi de maalama; gilaadeu e dee iloo ono dagodo, aabe e seesee i ono haiava.

Psalm 90:11

Goai e donu ange gi mahi o doo lili? Gai doo lili e laumalie mmao bei de madagu i de goe.

Proverbs 11:23

De mee o tangada heohi e lodo ai e sula mai ai naa tanuaa, aagai de tali a tangada baubau e duu ange naa gi de bole.

Proverbs 13:10

De hagamaolunga e hidi mai ai de hagadaumee, aagai de heiangi e gidee i daho dangada e gaavee muna bale.

Isaiah 50:10

Goai i oodou magavaa e madagu i Tagi Maolunga, ma de hagallongo ange gi muna a dono dangada hai hegau? Tangada e seesee i lo te gohu e deai laa se maalama iai, gi hagadonusia de ingoo o Tagi Maolunga ma de tali hagalodolodo ange gi dono Maadua.

Jeremiah 34:18

Gai au e hai naa denga daane ne hagahaisala ina dagu hagatoo donu hagaheloongoi, ma tee daohi muna o de hagatoo donu hagaheloongoi alaadeu ne hai i mada luoogu mada, gi bei de kaau gauligi alaadeu e tuu lua laa ga dugu i honga de gelegele, gai gilaadeu ga seesee i magavaa luu duudanga laa.

Ezekiel 22:31

Deenei ai, au e hagaduasala donu gilaadeu i dogu lili, ma de hagallilo gilaadeu i dogu bole bei dagodo o de ahi. Au e sui ange naa donu alaadeu hegau, go de Ia Aamua go Iahweh e hagadaba.”

Nahum 1:6

Goai e bau ange gi dono bole? Goai e maua gi ola noo e kona dono lili? Dono bole e humai bei de ahi ula, denga hadu e mahangahanga i ono mada i mua.

Romans 1:18

Gai de lili o de Maadua gu hagaago mai i de langi, e hagaduasala ai gilaadeu alodahi e dee hagadubulia de Maadua ma de gau baubau e buibuia laa gi dee sula de muna abodonu i alaadeu hegau baubau.

Romans 10:16

Aagai e dee go de gau Israel alodahi ne daohia muna o de longo danuaa; go hiidinga Isaiah ne hagadaba, “Tagi Maolunga, goai ne hagadonusia amaadeu agoago?”

Romans 15:18

Go hiidinga au e dee maua donu i de basa i hanu mee gee ange, go mee donu huu a Klisdo ne hagahai hegau i ogu daha, i agu muna ma agu hegau gi hagallongo ange ai denga Gentile gi de ia,

Romans 6:17

Aagai de abodonu ange gi de Maadua! I mua gai goodou ni mee hai hegau niio de haisala, aagai iainei goodou gu hagallongo ange gi mee oodou gu agoago ai, i oodou lodo alodahi.

Romans 9:22

Gai de Maadua ne lodo e hagaago mai dono lili ma dono sauaa mmahi, i de golomagi ono lodo i gilaadeu aana gu baba ange e daa gi maakau,

1 Corinthians 11:16

Noo dahi dangada e lodo e hai baasi mai i de mee nei, gai e deai ange donu se dahulinga odaadeu e hai hegau ai, gai e bei ai hogi denga nohoanga dabu o de Maadua.

2 Corinthians 12:20

Gai au e manavasaa i dogu dae adu gi oodou daha, ga gidee bolo oodou dagodo gu dee bei mai dogu lodo ai, gai ogu dagodo gu dee bei adu hogi oodou lodo. Au e manavasaa i dagu gidee bolo goodou e dee buni, gai e llodo gaiaa, ma de moolau de llili, ma tee anga ange gi dangada, ma de hagadau hebagi, ma de hagadau hagabaubau, ma de hai samu, ma de llodo maolunga aama hellumi.

Galatians 5:20

ma de daumaha ange gi denga diinonga, ma de hai huuhuaa mee, ma de hagadau kino, ma de hagadau hebagi, ma de lodo gaiaa, ma de lili, ma tee anga ange gi dangada, ma tee buni, ma de hagadau hai baasi,

Philippians 1:17

Gai de gau ange laa e agoago i Klisdo i delaadeu llodo e hagadau gaavange, e dee go de lodo gilimalali abodonu, aagai gilaadeu e maanadu de hai gi kii ange dogu daemaha i dogu masavaa e noho ai i lo te hale pono.

Philippians 2:3

Goodou gi dee haia donu huu oodou mee e llodo ai aabe go de llodo maolunga, aagai goodou gi lodo maolalo ma de tala bolo de gau ange laa e danuaa ange i goodou.

2 Thessalonians 1:8

ma de ahi ula, ga hagaduasala gilaadeu e dee iloo de Maadua, ma dangada e dee daudali i de longo danuaa o taadeu Dagi Maolunga go Iesu.

Titus 3:9

Aagai koe huli gee i denga ngadi mee e dee heloongoi ai dangada, ma hagatau o denga aamuli, ma mee o de hainga e hagadaumee ai ma de hebagi ai dangada, i hiidinga mee nei e deai donu olaadeu haigamaiana.

Hebrews 10:27

aagai go de maatagu donu huu, i taadeu tali de hagaduasala, ma de ahi mmahi e daa ai laa ga maakau hagadaumee o de Maadua.

Hebrews 11:8

De gai o Abraham ne hai ga maua e ia i de daudali i muna a de Maadua, i dono masavaa ne hagahia ai gi hano gi de mommee gu bolo ange gi de ia i muli mai; ia ne hano, gai ia tee iloo donu be go hee oona e hano laa aagena.

Hebrews 5:9

gai ga honu abodonu huu dono heohi, gai ia gu hai ai tagelo o de mouli e dee ngado ange gi dangada alodahi e hagallongo ange gi de ia,

James 3:14

Aagai noo goodou e llodo gaiaa ma de ssala donu huu oodou mee e llodo ai, gai goodou gi dee pasa hagasoenga, aabe gi hagahadu muna ina de mee abodonu.

James 3:16

Gai de mommee iai de lodo gaiaa ma de hagamau mee, e hai hogi ga dee buni dangada, ma de hai denga dahulinga hakino gee alodahi.

1 Peter 3:1

E bei ai hogi, denga haahine dau bodu, goodou hagadubu ina oodou bodu. Gai noo hanu gilaadeu tigi hagadonusia muna a de Maadua, gai gilaadeu e gaavee naa olaadeu lodo i hiidinga dahulinga danuaa a olaadeu bodu, e dee go alaadeu muna e tala,

1 Peter 4:17

Gai gu dae mai de masavaa e daamada ai de hagamodu muna o dangada o de Maadua; gai noo de hagamodu muna e daamada i gidaadeu, gai aahee ai naa dagodo o dangada e dee hagallongo ange gi de longo danuaa a de Maadua?

Revelation 14:10

e unu naa hogi uvaini mmahi o de bole o de Maadua, e dee hilo laa ga llingi ange ai gi lo te ubu o dono lili. Gai ia e hagaduasala naa donu i de ahi ma denga sulfur, i madamada o denga dangada de langi dabu ma mada luu mada o Ssiibi Gauligi.

Revelation 16:19

Gai de aduhale laumalie laa gu vvae dolu, gai aduhale o denga huaahenua gu maoha. Gai de Maadua gu manadua dagodo o Babylon maolunga laa, ga hai de aduhale laa gi unumia mee i lo te ubu o dono bole.