Romans 2:12 - De Beebaa Dabu

¹² Dangada alodahi gu haisala gai tee iloo e gilaadeu de hainga e maakau naa hogi, e dee galemu delaadeu dee iloo de hainga; gai dangada alodahi ne haisala gai e iloo e gilaadeu de hainga e hagamodu naa hogi olaadeu muna i de hainga.

Romans 2:12 Iomraidhean Croise

Matthew 11:22

Aagai au e hai adu gi goodou, de hagaduasala o Tyre ma Sidon e maamaane ange i de laangi hagamodu muna.

Matthew 11:24

Aagai au e hai adu gi de goe, de hagaduasala o Sodom e maamaane ange i doo hagaduasala i de laangi hagamodu muna.”

John 19:11

Iesu ne hai ange gi de ia, “E deai donu soo sauaa noo e dee gaavadu gi de goe mai i lunga. Deelaa ai, tangada ne gaavadu au gi de goe e kii ange dono haisala i de goe.”

Acts 2:23

Taane nei ne daa ga magau bei dagodo de hagatau ma de iloo mee o de Maadua mai i taamada age, gai goodou ne gaavange ia ga daudau i de laagau lui ma de daa ia ga magau i daho de gau baubau.

Romans 1:32

Gai e dee galemu donu delaadeu iloo dagodo o de hagamodu heohi a de Maadua, bolo dangada e haia hegau bee nei e maakau donu, gai gilaadeu e dee duudagi donu huu de hai mee nei, aagai gilaadeu e malangilangi donu hogi i dangada e haia mee nei.

Romans 4:15

De hainga e hai ga humai de lili ⌊o de Maadua⌋, aagai noo e deai se hainga, aagai e deai hogi se haisala.

Romans 8:3

Mee a de hainga tee maua laa i de hai, i hiidinga de baageaa o de baasi gi de angaanga, gai de Maadua ne hai gi humai dana Dama Daane dagidahi gi hagadulagi ange gi de angaanga e haisala laa, e hai ai ssigidaumaha e tala ai haisala. Gai ia ga daa ai gi magau de haisala e hai hegau laa i lo te angaanga,

1 Corinthians 9:21

Au gu hai gi se dangada e deai agu hainga i hiidinga olaadeu e deai alaadeu hainga, (e dee galemu naa donu dagu dee mau i tee daudali i de hainga a de Maadua, aagai au e noho donu i lalo de hainga a Klisdo,) gi maua ai e au hanu dangada e deai laa alaadeu hainga.

Galatians 3:10

Gai dangada alodahi e tali hagalodolodo ange gi hegau o de hainga gu hagamalaia donu; go hiidinga gu sisi e hai ange, “E malaia dangada alodahi e dee daohia mee alodahi gu sisi i de Beebaa o de hainga ga daudali ai.”

Galatians 3:22

Aagai de Beebaa Dabu e hagadaba bolo dangada alodahi gu nnoho i lalo ssauaa o de haisala; gai go gilaadeu e kai ange gi Iesu Klisdo e gaavange aagena de hagatoo donu i delaadeu hagadonusia.

Deuteronomy 27:26

“E malaia tangada e dee hagassula ina muna o de hainga nei ma de hai hegau ai.” Gai dangada alodahi gi hai ange, “Amen!”

James 2:10

Go hiidinga tangada e daohia de hainga alodahi, aagai e haisala i dahi damaa mee i lo te hainga, gai ia gu haisala donu i de hainga alodahi.