Romans 12:6 - De Beebaa Dabu

⁶ Aagai mee ne ngadi gaamai gi gidaadeu i de abodonu o de Maadua e dagodo geegee, gai gidaadeu gi hagahai hegau ina mee nei: noo go de agoago i de basa pelaabisi, gai gi haia de hegau nei gi bei odaadeu duuhanga i de gai;

Romans 12:6 Iomraidhean Croise

Matthew 23:34

Deenei ai, au e hai naa gi loomai denga pelaabisi ma de gau heiangi aama de gau sisi gi oodou daha. Gai goodou e daa naa hanu ga daudau i de laagau lui; aagai hanu e hagailiili i lodo oodou synagogue aama de vaivai hai gilaadeu i denga aduhale.

Matthew 25:22

Tangada ne gaavee laa e lua talent ne humai hogi ga hai ange, ‘Tangada aamua, koe ne gaamai e lua talent, gai au gu maua ange e lua.’

Luke 11:49

Deenei ai, de Maadua e hagadaba i dono heiangi, ‘Au e hai naa gi hulo gi olaadeu daha denga pelaabisi ma gau tala, gai gilaadeu e daa naa hanu ga maakau gai ga vaivai hai hanu.’

Acts 13:1

De masavaa laa gai e hanu pelaabisi ma dangada agoago i de nohoanga dabu o Antioch: go Barnabas, ma Simeon e hagaingoo ange laa hogi go Niger, ma Lucius taane Cyrene, ma Manaen (se dangada ne madua age madali Herod, de tetrarch), aama Saul.

Acts 15:32

Gai luu daane pelaabisi go Judas ma Silas, ne daulooloa hogi delaau pasa ange ga hagammahi ange lodo o denga daina.

Acts 2:17

‘E hagadaba de Maadua: Denga laangi hagaodi naa huu, gai au e hai naa gi hano iho dogu Hagasaalunga gi honga o dangada alodahi. Gai oodou dama daane ma damaa hine e pasa pelaabisi naa; oodou dama daane e midi naa denga midi hagaago ange, gai oodou daane madumaatua e hai naa denga midi.

Acts 21:9

Taane nei e dogohaa ana damaa hine tigi hai bodu, gai delaadeu duuhanga hegau go de pasa pelaabisi.

Romans 1:11

Go hiidinga au e lodo mmao e tilo goodou, gai au ga gaavadu ai gi goodou hanu mee ngadi gaavange i de baasi gi de hagasaalunga e hagammahi ai oodou lodo,

Romans 12:3

Gai au e hai adu gi goodou alodahi, i hiidinga de abodonu o de Maadua mai gi de au, dahi ma dahi gi dee gona odi dana hagadubudubu donu huu ia; aagai ia gi maua i de maanadu gi heohi, bei de hai a de Maadua gu gaavange ai gi dahi ma dahi dono duuhanga i de gai.

1 Corinthians 12:18

Aagai go de Maadua ne hagatau ina diba alodahi o de angaanga, bei dono hai e lodo ai.

1 Corinthians 13:2

Gai noo au e maua i de basa pelaabisi, ma de donu ange gi mee alodahi e dee iloo laa, ma de kave de iloo mee alodahi, gai noo e dahi ogu gai e hagangaalue ai denga mounga, aagai e deai se aloha i ogu daha, gai au se ngadi mee donu.

1 Corinthians 14:1

Goodou hagaduu ngae i de aloha, ma de llodo mmao i denga duuhanga mai i daho de Hagasaalunga, gai gi kii ange doodou llodo i de pasa pelaabisi.

1 Corinthians 14:24

Gai noo goodou alodahi e pasa pelaabisi, gai dahi dangada tigi hagadonusia laa, aabe se dangada gee e humai gi oodou daha, gai ia gu dee donu iho bolo ia gu haisala, ma de velosia ono lodo i ana mee alodahi gu langona,

1 Corinthians 14:29

E dogolua aabe e dogodolu dangada gi pasa pelaabisi, gai de gau ange laa gi hagalaangona ma de hagasaelea dagodo o alaadeu muna.

1 Corinthians 3:5

Goai go Apollos? Gai goai go Paul? Gimaau ngaadahi ni dangada hai hegau donu huu, ne haia ga maua e goodou i de hagadonusia, bei de hai a Tagi Maolunga gu gaavange ai gi dahi ma dahi dono duuhanga.

1 Corinthians 7:7

Mee naa dangada alodahi gi dee hai bodu bei ogu dagodo. Aagai dahi ma dahi gu kave dono duuhanga mai i daho de Maadua; tuuhanga o dahi e dagodo gee ma tuuhanga o tangada ange laa.

2 Corinthians 8:12

Go hiidinga noo tangada gu baba ange, gai ia gi gaavange gi bei mee e hanu i ono daha, e dee go mee e deai i ono daha.

Ephesians 3:5

De Maadua tee hagaago ange mee nei gi denga atangada i mua, bei de hai gu hagaago ange ai gi ono dangada tala dabu, ma denga pelaabisi i daho de Hagasaalunga ⌊Dabu⌋.

Ephesians 4:11

Gai ia ne hai hanu gi ni dangada tala, hanu ni pelaabisi, hanu ni dangada e hagadele ina de longo danuaa, hanu ni dangada agoago taumaha, gai hanu ni dangada agoago,

Philippians 3:15

Deenei ai, gidaadeu alodahi gu maatua abodonu laa gi se lodo daudahi. Gai noo e hanu oodou mee e dee buni ai, gai go de Maadua e hagaagona adu gi goodou.

1 Thessalonians 5:20

gai goodou aude hagangadi mee ina agoago i de basa pelaabisi,

2 Peter 1:20

Gai deenei de mee hagamogomogo oodou e hai gi tonu ange aagena: e deai donu muna pelaabisi i de Beebaa Dabu ne hagadonu donu i daho tangada.