Romans 12:3 - De Beebaa Dabu

³ Gai au e hai adu gi goodou alodahi, i hiidinga de abodonu o de Maadua mai gi de au, dahi ma dahi gi dee gona odi dana hagadubudubu donu huu ia; aagai ia gi maua i de maanadu gi heohi, bei de hai a de Maadua gu gaavange ai gi dahi ma dahi dono duuhanga i de gai.

Romans 12:3 Iomraidhean Croise

Proverbs 25:27

E dee danuaa de gai gi lagolago hooni, e dee danuaa hogi ssala doo hagadubu i daho tangada.

Proverbs 26:12

Tangada lodo senga e kii ange de dahi ana tali i tangada e maanadu bolo ia e heiangi.

Ecclesiastes 7:16

Koe gi dee gona odi doo heohi, aabe gi haia gi gona odi doo iloo mee — gu aha goe gu daa ai donu huu goe gi magau?

Micah 6:8

Koe tangada, ia gu hagaago adu gi de goe de mee danuaa, gai se aha a Tagi Maolunga e lodo koe gi haia? E dee go de hai hegau i de mee heohi, ma de lodo aloha, aama de seesee i de lodo maolalo madali doo Maadua?

Luke 18:11

De Pharisee laa ne vvae gee ia ma dangada gai ia ga duu ga dalodalo, ga hai ange, ‘De Maadua, au e hagaahe adu de abodonu gi de goe, go hiidinga au e dee bei dagodo o dangada ange laa. Gilaadeu ni dangada gaiaa, ma de hai mee dee heohi aama de dagodo haisala, au e dee bei hogi dagodo o taane hagabudu taagisese.

John 3:34

Gai de ia a de Maadua ne hai gi humai e tala muna a de Maadua, gai de Maadua e gaavange gi de ia de Hagasaalunga ⌊Dabu⌋, gai e dee hagabau donu.

Romans 1:5

Gai go ono hiidinga amaadeu ne maua ai i de kave de abodonu o de Maadua ma de hegau a tangada tala, gi maua ai e huaahenua alodahi i de hagallongo ange aama de kai ange gi de ia.

Romans 11:20

Ni muna abodonu; gilaadeu ne aau gee, i hiidinga delaadeu dee hagadonusia, gai koe e pigi ange donu huu i doo gai. Deenei ai, koe gi dee hagamaolunga, aagai koe gi madagu.

Romans 11:25

Denga daina, au e lodo goodou gi tonu ange gi dagodo o de mee nogo dee iloo laa, gi dee hagataba ai goodou bolo goodou e heiangi i doodou hagassoenga: hanu dangada Israel ne hagamakaga olaadeu lodo ga dae ai gi de odi ange taelodo o denga Gentile i de loomai.

Romans 12:16

Goodou nnoho hagabuni i de hagadau abodonu; goodou gi dee llodo maolunga, gai hai soa ange ma de hagahedaea ange goodou gi gilaadeu e maolalo. Goodou gi dee hagataba i oodou lodo bolo goodou e iloo mee alodahi.

1 Corinthians 15:10

Aagai de abodonu o de Maadua gu hai au gi bei ogu dagodo iainei, gai dono abodonu mai gi de au tee se ngadi mee donu. Gai au e kii ange donu dogu hai hegau hagammahi i de gau tala ange laa — aagai e dee go ogu mahi, gai go de abodonu o de Maadua mai gi de au.

1 Corinthians 3:10

Au ne hagaduu tagelo bei dagodo o de labagau heiangi, i tuuhanga a de Maadua gu gaamai laa gi de au i dono abodonu, gai dahi dangada ange e hagaduu ange gi honga tagelo laa. Gai dahi ma dahi gi diiloo gi danuaa dana hai e hagaduu ange ai gi honga tagelo laa.

1 Corinthians 7:17

Gai dahi ma dahi gi noho bei de hai a Tagi Maolunga gu hagamodu ange ai gi de ia, bei de hai a de Maadua gu hagahi ange ai ia. Gai deenei de hainga aagu gu gaavange gi denga nohoanga dabu alodahi.

2 Corinthians 10:13

Gai gimaadeu e dee tuhi donu gimaadeu gi dubu ange i de mee e heohi, aagai gimaadeu e daohi de ngaadonga a de Maadua gu vvae mai gi gimaadeu, gai e bei ai hogi amaadeu hegau i oodou magavaa.

2 Corinthians 12:13

Gai se aha aagu tee hai adu laa gi goodou, gai ne hai ange donu huu gi denga nohoanga dabu ange laa? De mee donu huu aagu tee hai, go tee hai goodou gi balea mai au i hanu sseene. Gai goodou ga degi mai ai i dogu dee heohi!

2 Corinthians 12:7

Gai gu gaamai gi de au dahi mee e hagaduasala ai gi dogu angaanga, se mee mai i daho Satan e hagaduasala ai au, gi dee lodo maolunga ai au i hiidinga o mee lagolago gu hagaago mai laa gi de au.

Galatians 6:3

Go hiidinga noo tangada e maanadu bolo ia se mee dau, gai ia e dee dau donu, aagai ia e hagasenga donu huu ia.

Ephesians 3:2

goodou gu langona dagodo tuuhanga hegau a de Maadua gu gaamai gi de au i dono abodonu i oodou hiidinga,

Ephesians 3:4

De masavaa naa huu oodou e dau ai muna nei, gai goodou gu tonu mai gi agu maanadu i dagodo o Klisdo e dee iloo laa.

Ephesians 4:16

Go ia e haia gi duu age de angaanga alodahi, i denga sugusuguinga alodahi iai. Gai ga hai hegau naa huu denga diba alodahi, gai de angaanga gu somo danuaa ma de hagadagadaga age i de aloha.

Philippians 2:13

i hiidinga go de Maadua donu e hai hegau i oodou lodo, ga hai ai goodou gi llodo ma de maua i de hai ono mee e malangilangi ai.

Colossians 1:29

Gai au e hagaduu ngae e hai mee nei alodahi i ssauaa mahi o de Maadua gu hagahai hegau laa i ogu daha.

Colossians 2:13

De masavaa oodou goi maakau ai i de baasi gi de hagasaalunga ma de nnoho i lodo oodou haisala, gai tigi tuu dagaholiage oodou angaanga, gai de Maadua ne hai goodou gi mouli age madali Klisdo, ga degi mai gi odaadeu haisala alodahi,

1 Timothy 1:14

Gai tegi laumalie o taadeu Dagi Maolunga ne gaamai gi de au i de gai ma de aloha i daho Klisdo Iesu.

1 Timothy 2:15

Aagai de hine e hagamouli i de haanau denga dama — noo gilaadeu e duudagi de daohi de gai ma de aloha, ma de dabu aama de lodo maolalo.

1 Timothy 2:9

Gai e bei ai hogi, denga haahine gi kahu i malo e heohi i delaadeu kahu ai, gilaadeu gi daudonu ma de dahulinga danuaa; e dee go de bini olaadeu biho, ma de dau mee goolo, ma ango aabe go malo hagao ngadaa,

Titus 2:12

ma de agoago mai ai gidaadeu gi dilia hegau baubau ma lodo o henua i lalo, gai gi golomagi ina odaadeu lodo, ma de hai hegau i de heohi, aama de hai lodo o de Maadua i henua i lalo nei;

Titus 2:2

Agoagona ange denga daane maatua gilaadeu gi dee unu gi ssenga, gilaadeu gi ni dangada e hagadubu i daho dangada, ma de maua i de golomagi olaadeu lodo; gilaadeu gi tuu gi makaga i de gai, ma de aloha, aama de hagaduu ngae i de lodo mmahi.

Titus 2:4

Gai gilaadeu gi agoago ange denga gauligi haahine, gi aaloha i olaadeu bodu ma alaadeu dama.

Titus 2:6

Gai koe gi agoagona ange hogi denga dama daane gilaadeu gi maua i de dugu iho olaadeu lodo.

James 4:6

Aagai ia e abodonu mmao; deelaa ai, gu sisi e hai ange, “De Maadua e hai baasi ange gi gilaadeu e llodo maolunga, aagai e abodonu ange gi gilaadeu e llodo maolalo.”

1 Peter 1:13

Deenei ai, goodou hagadabena ina oodou maanadu ma oodou lodo. Goodou gi paba ange aama de tali hagalodolodo ange gi de manuuia gu dai gaavadu gi goodou i de masavaa o Iesu Klisdo e hagasula mai ai.

1 Peter 4:11

Noo dahi dangada e agoago, gai ia gi daalaa muna a de Maadua. Noo tangada se dangada e balea ange dangada, gai ia gi haia mee nei i mahi a de Maadua gu gaavange gi de ia, gai gi duuhia ai de Maadua i mee alodahi i daho Iesu Klisdo. Gai go ia e bau ange gi de kave taadeu tuhi ma de mahamaha ma ssauaa ga hano ai e dee ngado mai. Amen.

1 Peter 4:7

De hagaodi o mee alodahi gu baa mai donu. Deenei ai, goodou gi mada ala ma de dagitilo ga dalodalo.

1 Peter 5:5

E bei ai hogi goodou denga dama daane, goodou hagallongo ange gi denga daane maatua. Gai goodou alodahi gi hagadau hagamaolalo i oodou magavaa, go hiidinga “De Maadua e hai baasi ange gi gilaadeu e llodo maolunga, aagai e abodonu ange gi gilaadeu e llodo maolalo.”

1 Peter 5:8

Goodou gi hagamadaala ga dagitilo; go hiidinga doodou hagadaumee, go de ia hagabaubau, e seesee saele bei de laiono e haganngolo laa i dana masavaa e ssala dahi manu e holo.

3 John 1:9

Au gu sisi ange hanu muna gi de nohoanga dabu, aagai Diotrephes e lodo go ia e dagudagu ina mee, ia tee lodo e hagallongo mai gi amaadeu muna.