Romans 1:16 - De Beebaa Dabu

¹⁶ Go hiidinga au e dee dogaa donu i de longo danuaa nei, i hiidinga deenei ssauaa o de Maadua e hagamouli ai dangada alodahi e hagadonusia; ange gi de gau Ssuu i mua gai ange hogi gi denga Gentile.

Romans 1:16 Iomraidhean Croise

Psalm 110:2

Tagi Maolunga e haalo ina mai dau laagau hodooligi sauaa i Zion, gai koe e dagi naa i magavaa o oo hagadaumee.

Psalm 119:46

Au e tala hogi au muna i madamada o denga hodooligi, gai au e dee dogaa naa donu;

Isaiah 53:1

Goai e hagadonusia amaadeu muna gu tala? Gai goai a Tagi Maolunga gu hagaago ange aagena ssauaa o dono lima?

Jeremiah 23:29

E aha, agu muna e dee bei dagodo o de ahi, go Tagi Maolunga e hagadaba, gai e bei hogi de haamaa e oha ai laa denga hadu?”

Mark 8:38

Be goai e dogaa i de au ma agu muna i magavaa o de atangada baubau ma de haisalasala nei, gai Tama a Tangada e dogaa naa hogi i de ia, i dono masavaa e ahe mai ai i de mahamaha o dono Damana madali de gau de langi dabu.”

Luke 9:26

Be goai e dogaa i de au ma agu muna, gai Tama a Tangada e dogaa naa hogi i de ia i dono masavaa e ahe mai ai ma dono mahamaha, ma de mahamaha o Tamana, aama de gau de langi dabu.

John 7:35

Gai de gau Ssuu ga hagadau ssili i olaadeu magavaa ga hagataba, “Go hee oona e hano aagena gi dee gidee ai e gidaadeu ia? Ia ga hano nei gi daho de gau Ssuu e nnoho saele laa i magavaa o de gau Greek e agoago ai de gau Greek?

Acts 3:26

De masavaa a de Maadua ne hagamouli age ai dono dangada hai hegau, gai ia ne hai ia gi humai gi goodou i mua e hagamanuuia ai goodou, gai ia ga hai ai gi hulo gee goodou alodahi i oodou hegau baubau.”

Romans 10:17

Deenei ai, de gai e daamada mai i taadeu langona de muna, go de agoago o de longo danuaa o Klisdo.

Romans 15:19

ma hagailonga mmahi ma mee hagalele mouli, i ssauaa o de Hagasaalunga o de Maadua. Gai au gu agoago de longo danuaa o Klisdo alodahi, mai i Jerusalem ga dae ai gi Illyricum,

Romans 15:29

Au e iloo bolo de masavaa naa huu oogu e dae adu ai gi oodou daha, gai au e hanadu naa i de manuuia laumalie mai i daho Klisdo.

Romans 2:9

Gai e dae mai naa de hagaduasala ma de hai ngadaa gi dangada alodahi e haia de baubau, ange gi de gau Ssuu i mua aama ange hogi gi denga Gentile,

Romans 4:11

Gai dono tuu dagaholiage se hagailonga, e maaga ai dono hai ga se dangada e heohi i de gai, i de masavaa oona tigi tuu dagaholiage ai. Deenei ai, go ia tamana o dangada alodahi e hagadonusia aagai tigi tuu dagaholiage. Gilaadeu gu dau gi ni dangada e heohi i olaadeu kai.

1 Corinthians 15:2

Deenei hogi de longo danuaa oodou ne hagamouli ai, noo goodou e hagammahi ga daohi muna aagu gu agoago adu ai goodou — kana deai haigamaiana doodou hagadonusia.

1 Corinthians 2:2

Go hiidinga au ne hagababa i ogu lodo bolo au e dee iloo ange dahi mee i dogu masavaa e noho ai i oodou daha, gai go de agoago donu huu i dagodo o Iesu Klisdo ma dono daudau i de laagau lui.

1 Corinthians 2:4

gai agu muna ma agu agoago tee hai i de heiangi ma de usuusu ange ai dangada, aagai ne hai i ssauaa o de Hagasaalunga ⌊Dabu⌋,

1 Corinthians 9:12

Noo de gau ange laa e dahi olaadeu heohi e kave ai de bale mai i oodou daha, gai e aha, e dee kii gimaadeu i de dahi omaadeu heohi e kave ai de bale mai i oodou daha? Gai gimaadeu tee hai donu de mee nei. Aagai ne golomagi omaadeu lodo gi dee buibuia ai e gimaadeu de longo danuaa o Klisdo.

1 Corinthians 9:18

Gai dee hee ai dogu hagaoanga? Go dagu agoago de longo danuaa gai e dee hagao, gi dee hagahai hegau dogu heohi i dagu tala de longo danuaa.

2 Corinthians 2:12

Dogu masavaa ne hano ai ga agoago de longo danuaa o Klisdo i Troas, gai e dee galemu donu Tagi Maolunga gu gaamai gi de au dahi masavaa danuaa,

2 Corinthians 4:4

Gai de maadua o henua i lalo nei gu lava i de hai gi dee kide lodo o dangada e dee hagadonusia, gi dee gidee ai e gilaadeu de maalama o de longo danuaa ma de mahamaha o Klisdo, go ia de hagadulagi o de Maadua.

2 Corinthians 9:13

De hegau oodou gu hai nei gu hagaago danuaa ange gi gilaadeu dagodo o oodou kai, gai gilaadeu gu tuhi de Maadua i hiidinga doodou hagallongo i muna, ma doodou daohi muna o de longo danuaa o Klisdo, aama de laumalie doodou mee ne daohi age e bale ange ai gilaadeu madali de gau ange laa.

Galatians 1:7

e dee se longo danuaa abodonu. Hanu dangada gu hai ma gu dee paba oodou lodo ma de hagatale de sui de longo danuaa o Klisdo.

1 Thessalonians 2:13

Gimaadeu e hagaahe ange hogi de abodonu gi de Maadua i masavaa alodahi, go hiidinga de masavaa oodou ne kave ai muna a de Maadua oodou ne langona laa i omaadeu daha, gai goodou tee kave bei dagodo muna a dangada, aagai ne kave bei ono dagodo donu, go muna a de Maadua, gai gu hai hegau i lodo o oodou gu hagadonusia laa.

1 Timothy 1:11

bei dagodo muna o de longo danuaa mahamaha a de Maadua e heohi laa taadeu tuhi, go mee ne gaamai gi de au.

2 Timothy 1:12

aanei ogu hiidinga gu hagaduasala ina ai nei. Aagai au e dee dogaa donu, go hiidinga au e iloo be goai aagu gu hagadonusia, gai au e iloo bolo ia e maua i de dagitilo mee alodahi gu gaamai gi de au ga dae gi de laangi laa.

2 Timothy 1:16

Gai Tagi Maolunga gi abodonu ange gi de huaabodu o Onesiphorus, i hiidinga ia e dee modu donu de hagaaneane ogu lodo, gai e dee dogaa donu i de au i dogu hhao gi lo te hale pono;

2 Timothy 1:8

Gai koe gi dee dogaa i de tala hagadonu dagodo o taadeu Dagi Maolunga, aabe gi dogaa i de au, go tangada gu noho i lo te hale pono i ono hiidinga. Aagai koe gi hagaduasala madali au i hiidinga o de longo danuaa i ssauaa o de Maadua,

Hebrews 4:12

Go hiidinga muna a de Maadua e mouli ma de mmahi, e kangi ange i de gadilaasa baasi lua, gai e vvae de lodo ma de hagasaalunga, ma denga sugusuguinga ma mee i lodo ivi; gai e hagamodu dagodo maanadu ma hagatau alodahi i de lodo.

1 Peter 4:16

Gai noo dahi dangada gu hagaduasala i hiidinga dana hagadonusia de ingoo o Klisdo, gai ia gi dee dogaa, aagai ia gi duuhia de Maadua i hiidinga ia e hagauda de ingoo laa.